بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Халифалик қулатилишининг 96 йиллиги хотираси холис мусулмонлар ҳимматини қўзғовчи аламли хотирадир

Хайрли ражаб ойининг худди шу кунларида, аниқроғи, ҳижрий 1343 йил 28 ражаб, милодий 1924 йил 3 мартда мустамлакачи кофирлар Усмоний Халифалик давлатини қулатди. Ислом Уммати ўшандан буён заифлик, қашшоқлик, азоб-уқубат ва бўлиниш гирдобида қолиб келмоқда. Душманлари Умматни не-не машаққатларга солди, дунёнинг энг разил кимсалари унинг устидан ҳукмрон бўлиб олди. Буларнинг барчаси – Умматнинг Халифалик давлатига жуда муҳтожлигини исботлайди. Зеро бу давлат, уларни бирлаштиради, ҳимоя қилади ва уларга ғамхўрлик кўрсатади.

Биз ўз навбатида, 1953 йилдан буён Пайғамбарлик минҳожи асосидаги рошид Халифалик давлатини барпо этиш орқали исломий ҳаётни қайта бошлаш сари шаҳдам қадамлар билан йўлда давом этмоқдамиз, инсонлар ҳимматларини қўзғаб, уларни нажот, қудрат ва ғолиблик йўлига етакламоқдамиз.

Ҳизб ут-Таҳрир-муборак Фаластин замини бу йилги аламли хотирани жонлантириб, холис мусулмонлар ғайратига туртки бериш ва ғафлатда юрганларни уйғотиш учун «Халифалик заифлик ортидан қудрат, қўрқув ортидан хавфсизликдир» шиори остида қатор тадбирларни бошлаб юборди. Аллоҳдан бизнинг фикрларимизга мўминлар қалбини очишини ҳамда кучли ва тақволи мусулмонлар билан бизга мадад беришини умид қилган ҳолда, кўзланган мақсадимизга етиб бориш учун Ғарбий Соҳилдан то Ғазо секторига қадар, яъни юртнинг у чеккасидан бу чеккасигача маърузалар, форумлар, дарслар, зиёратлар, намойишлар уюштирмоқдамиз.

Дарҳақиқат, Ҳизб Ғарбий Соҳил билан Ғазо секторида ташаббус кўрсатиб, уч ҳафта мобайнида оддий ва нуфузли инсонларни зиёрат қилиш кампаниясини олиб борди. Дарслар, маърузалар ва форумлар ўтказишда давом этмоқда. Шунингдек, бутун сектор бўйлаб намойишлар уюштирмоқда, фикрий мунозаралар ўтказмоқда. 2017 йил 18 апрел сешанба куни Марказий минтақада марказий форум ўтказишни режалаштирган.

Биз 2017 йил 22 апрел шанба куни Ғарбий Соҳилнинг Рамаллоҳ ва Бийра шаҳарларида кўп кишилик конференция ўтказамиз. Бу конференциядан кейин Ғазо сектори жанубидаги Хон Юнус шаҳрида 2017 йил 25 апрел сешанба куни оммавий юриш бўлади. Бу тадбирлар – Умматнинг мавқеини ва азизлигини қайта тиклашга қаратилган ҳаракатларимизга ўз ҳаракатларини қўшишлари учун ҳар-бир тақволи, кучли ва покиза имонли мўминларга йўлланган номадир.

Бу – айни тадбирларимизда қатнашиши учун Фаластин аҳлига йўлланган очиқ чақириқдир.

Ҳизб ут-Таҳрирнинг муборак замин Фаластиндаги матбуот бўлими

Телефон: 0598819100

Электрон почта: info@pal-tahrir.info

Фаластиндаги матбуот бўлими сайти: www.pal-tahrir.info