بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Сувли ич кетиш ва ҳақиқатдан давлатнинг инсонларга ғамхўрлик қилолмаслиги!

Судандаги ич кетиш касаллигига чалиниш бутун дунёга хавфдан бонг урадиган даражага етди. Оқ Нил вилоятида шу касалликка чалиниш ҳолати 4188 нафарга етди, улардан 75 нафари вафот этди. Наҳри Нил вилояти Жариф минтақасида 157 ҳолат кузатилди. Хартум вилоятида, соғлиқни сақлаш вазирлиги чиқарган кеча сешанба кунги матбуот баёнотида вилоят касалхоналари сувли ич кетишга чалинганлардан 120 нафарини қабул қилганини хабар қилди. Унда таъкидланишича, кўп ҳолатларда мана шундай сувли ич кетиш келиб чиқишининг биринчи навбатда сувнинг ифлосланиши сабаб бўлади.

Инсонлар саломатлигини асраш, ҳар бир фуқаро фойдаланишга ҳақли бўлган асосий вазифаларга киради. Росулуллоҳ САВ бундай дейдилар:

«مَنْ أَصْبَحَ مِنْكُمْ آمِنًا فِي سِرْبِهِ مُعَافًى فِي جَسَدِهِ عِنْدَهُ قُوتُ يَوْمِهِ فَكَأَنَّمَا حِيزَتْ لَهُ الدُّنْيَا»

«Кимингиз ўз оиласида тинч, танаси саломат ва бир кунлик егулиги бор ҳолатда тонг оттирса, демак, унга бутун дунё бойликлари тўплаб берилибди». (Теримизий ва бошқалар ривояти).

Фуқаролар соғлиғини сақлаш ва уларни тоза ичимлик суви билан таъминлаш, давлатнинг вазифаси экани ҳеч кимга сир эмас. Набий САВ

«الإِمَامُ رَاعٍ وَمَسْئُولٌ عَنْ رَعِيَّتِهِ»

«Имом-Халифа бошқарувчидир ва у ўз қўл остидагилардан жавобгардир», деганлар.

Судан давлати ўз халқи соғлиғини сақлаш ва уларга ғамхўрлик қилишни ўз вазифаларининг энг охирига қўйган. Соғлиқни сақлаш тармоғига 2017 йил бюджетидан атиги 5.3 миллион Судан жунайҳи ажратди, холос. Бу ҳукумат парламент ва вазирликларда ўтирган улкан «аскарлар»га кўпроқ сарфлашга, мулозимларининг байрам ва тантаналар ўтказишларига эътибор қаратади, ўз бурчлари, жумладан, соғлиқни сақлашдан эса кўз юмади.

Биз Ҳизб ут-Таҳрир-Судан вилояти аъзолари Судан ҳукуматини одамларни тоза ичимлик суви ва тоза муҳит, бепул даволаниш каби ишлар билан таъминлаш унинг зиммасидаги бурчлардан эканини эслатамиз. Ўз фуқароларини ҳурмат қилувчи давлатлар учун бу нарсаларни таъминлаш оддий ишдир!!

Бундай муаммо ва офатларнинг ҳақиқий ечими, Пайғамбарлик минҳожи асосидаги рошид Халифалик давлатидир, албатта. Чунки ушбу давлат Ислом аҳкомларини татбиқ қилади, унда ҳукмдор оч қолганларнинг биринчиси, қорни тўйганларнинг охиргиси бўлади, бундай кризисларга қарши биринчи навбатда у курашади. Набий САВ

»إِنَّمَا الإِمَامُ جُنَّةٌ يُقَاتَلُ مِنْ وَرَائِهِ وَيُتَّقَي بِهِ«

«Халифа қалқондир, унинг ортида туриб жанг қилинади ва у билан ҳимояланилади» (муттафақун алайҳи), деганлар. Демак, бутун юртларимиздаги муаммоларга, шу жумладан, шу кунларда юртимиз бошдан кечираётган соғлиқни сақлаш билан боғлиқ кризисга фақат рошид Халифалик давлати туб ечим беради, Ислом асосида фуқаро муаммоларини ҳал этади, ишларини ғамхўрлик билан бошқаради.

Аллоҳ Таолодан вафот этганларни раҳмат қилишини, беморларга шифои том беришини сўраб қоламиз.

Иброҳим Усмон (Абу Халил)

Ҳизбут Таҳрирнинг Судан

вилоятидаги расмий нотиғи

Телефон: 0912377707 – 0912240143

Электрон почта: spokman_sd@dbzmail.com