Қадрли, лекин ҳаётда ўрни йўқ…
Қадрли, лекин ҳаётда ўрни йўқ…
بِسْمِ اللهِ الرَّحْمٰنِ الرَّحِيم
Дарахт шамол эсган томонга эгилса—да, лекин шамол тиниши билан у яна ўз ўрнига қайтади.
Бугунги кунда кўплаб диплом эгалари ўз мутахассислиги бўйича ишламаслиги оддий ҳолга айланди. Камида тўрт йил ўқийди, кўпи ўн йилдан ҳам ўтиши мумкин. Лекин натижа нима бўлади, диплом қўлга киритилади ва чанг босиб ётиши учун қаергадир қўйилади-да ўзи бошқа иш қилади. Ишламаса нега ўқиганлигини сўрасангиз мажбурият ёки қачондир керак бўлиб қолади, дейди. Бу диплом олингунига қадар қанча ҳаракат, вақт, маблағ сарф этилганини ҳисобласангиз дипломнинг қадри ошса ошадики, ўрни ўзгармайди. Кўриб турибмизки, қанчалик қадрли бўлса ҳам ҳаётимизда ўрни йўқ.
Яна баъзи нарсаларни айтиб ўтамиз. Мисол учун тарбия, ахлоқ тўғрисида кўп гапирилади. Буларга омонатга хиёнат қилмаслик, ваъдага вафо, содиқлик кабилар кириб кетади. Ва буларнинг ҳаётимиз учун керакли эканлигини ҳам тушунамиз. Лекин афсуски, бугун буларга ҳаётимизда ўрин қолмади.
Ҳаётимизда қадри баланд, лекин ўрни йўқ нарсалар кўпайиб кетди. Булардан бири иймондир!
Мусулмонлар иймони талаб қилганидек яшашни унутишди. Исломий ҳаёт деганда уларнинг кўз ўнгига тўрт-бешта фарз амалларни бажариш келадиган бўлиб қолди. Мусулмон инсонлар ҳаётини бошқаларга қараб, тақлид билан шакллантирадиган бўлиб қолди. Афсуски, ўзлигини унутган инсонлар уларга қандай ботил фикрлар сингдирилаётганлигини ҳам англай олмайдиган ҳолатга келди. Кофирни дўст тутиб, иймонлини кўксидан итарадиган бўлиб қолди. Ота-она фарзандига исломий тарбия бериш тўғрисида ўйламаса ҳам, лекин кўп пул топадиган бўлиши кераклиги уларнинг мақсадига айланди. Натижада фарзанд худди ота-она истаганидек ҳамма нарсадан кўра пулни кўпроқ яхши кўрадиган ва устун қўядиган бўлиб ўсади, ҳатто ота-онасидан ҳам.
Буларнинг барчасига сабаб ҳаётимизда иймоннинг йўқлигидир. Агар Исломни тўғри тушунганимизда ва ҳаётимизга татбиқ қилганимизда бугунги кўплаб муаммолар осонгина ечим топган бўлар эди. Исломга иймон келтирганмиз ва бу ҳаётимизга ўз таъсирини кўрсатиши керак. Йўқса, иймонимизни текшириб олайлик. Чунки инсон мукаммал, мустаҳкам иймонга эга бўлса, ҳаётини шу иймонига мувофиқ шакллантиришга албатта ҳаракат қилади.
Ҳизб ут-Таҳрирнинг Ўзбекистондаги медиа офиси. Абдуллоҳ
30.03.2020й
