Кениядаги Ҳизб ут-Таҳрир аъзоларининг қамоққа олинишини қоралаймиз
بِسْمِ اللهِ الرَّحْمنِ الرَّحِيمِ
Матбуот баёноти
Кениядаги Ҳизб ут-Таҳрир аъзоларининг қамоққа олинишини қоралаймиз
2017 йил 3 июл душанба куни Момбаса суди Ҳизб ут-Таҳрирнинг Кениядаги уч нафар аъзоси устидан ҳукм чиқарди. Қаерда босиб чиқарилгани ва ношири кўрсатилмаган плакатларни нашр қилиш айблови билан судга тортилган бу йигитлар қуйидагилар:
1 –Ҳизб ут-Таҳрирнинг Кениядаги матбуот бўлими вакили Шаъбон Муаллим;
2 –Ҳизб ут-Таҳрирнинг Кениядаги матбуот бўлими аъзоси Бакарий Муҳаммад;
3 –Ҳизб ут-Таҳрирнинг Кениядаги аъзоси Муҳаммад Мажид.
Биз Ҳизб ут-Таҳрирнинг Кениядаги матбуот бўлими аъзолари Ҳизб аъзоларининг ноқонуний тарзда қамоққа олинишини қаттиқ қоралаймиз ҳамда қуйидагиларга аниқлик киритамиз:
Ҳизб ут-Таҳрир Кенияда 20 йилдан зиёд вақтдан бери фаолият олиб боради. У бу вақт мобайнида бир марта ҳам зўравонликка гижгижлашга мутлақо аралашмаган ва иштирок этмаган.
Бизнинг Кениядаги фаолиятимиз Исломни инсонларга уларнинг муаммоларини ҳал этишга қодир бирдан-бир алтернатив сифатида тақдим этишдир. Асосий мақсадимиз, аҳолисининг кўпчилиги мусулмонларни ташкил қилувчи давлатларда Пайғамбарлик минҳожи асосидаги рошид Халифаликни барпо қилиш орқали исломий ҳаётни қайта бошлашдир. Ушбу мақсадимизга етиш йўлида, биз Росулуллоҳ САВнинг йўлларини маҳкам ушлаймиз. Биз бу йўлда на куч ишлатамиз ва на зўравонлик.
Биз бугун Кения ва бутун дунёда гувоҳи бўлинаётган сиёсий, иқтисодий ва ижтимоий кризисларнинг барчасига Ғарбнинг очкўз ва бузуқ капиталистик мафкураси сабаб эканини қатъий баён қиламиз.
Шуни таъкидламоқчимизки, халқларни бирлаштиришда ҳамда тинчлик, барқарорлик ва фаровонликни муҳофаза қилишда Кения ва бутун дунёдаги демократиянинг омади чопмади. Чунки демократия маълум элита ва бир сиқим кимсаларга хизмат қилиш учун ишлаб чиқилган тузум бўлиб, демократлар доим тасвирлашганидек, оддий кишиларга хизмат қилиш, деган нарса унинг мақсадлари ичида йўқ. Бу тузумда қарорлар манфаат асосида ва шу элитага чекланган ҳолда қабул қилинади. Демократик сайловлар ҳам, шу элита ўртасида ҳокимият учун пойга бўлиб, шу орқали барчалари кўпроқ бойлик орттиришнинг уддасидан чиқишади. Шунинг учун демократ сиёсатчилар ҳокимиятга чиқиш учун ҳар қандай воситадан тап тортмай фойдаланишади. Бугун Кенияда ҳам шундай бўлмоқда. Масалан, айрим ҳисоботларда таъкидланишича, юртдаги сайловларда зўравонликлар ҳам бўлиши кутилаётгани ташвишланарли ҳол бўлиб қолди. Шундай экан, исломий мафкурани қайта ҳаётга татбиқ қилишга даъват қилаётган мусулмонлар миллий хавфсизликка ва сайловларга хавф солади, дейиш мутлақо мантиқсиздир.
Сўзимиз ниҳоясида шуни таъкидламоқчимизки, Кениядаги Ҳизб ут-Таҳрирга қарши кетаётган бундай чоралар унинг фаолиятига заррача таъсир қилмайди. Ўз йўлидан воз кечишга ёки фаолиятидан чекинишга ёхуд инсонлар манфаатини рўёбга чиқариш ҳаракатидан тўсишга мажбур қилолмайди. Ёки унинг раҳбарлардан ҳисоб талаб қилиш ва капиталистик системанинг ёвузликларини фош этиш ҳаракатидан буролмайди. Йўқ, буларнинг акси ўлароқ, биз Пайғамбарлик минҳожи асосидаги рошид Халифалик барпо этилишидан кўзларимизни узмаган ҳолда, ҳаққа чақиришда янада сабот билан қадам ташлаймиз. Зотан, ушбу Халифалик бутун инсониятни, шу жумладан, бугун капиталистик система оқибатида урушлар, бузғунчиликлар каби офатлар сабабли қашшоқликдан азоб чекаётган мусулмонларни албатта озод этади.
Ҳизб ут-Таҳрирнинг
Кениядаги матбуот бўлими
Телефон: +254 737 606 667 – +254 717 606 667
Электрон почта: abuhusna84@yahoo.com
