بسم الله الرحمن الرحيم

Роя газетаси:

Яман бўҳрони БМТга мурожаат қилиш билан эмас, Аллоҳга суяниш билан ҳал этилади

Ҳижрий 1439 йил 8 сафар, милодий 2017 йил 28 октябр шанба куни «Ал-Жазира нет» сайтида қуйидаги хабар нашр қилинди:

«БМТ бош котибининг Гуманитар масалалар ва фавқулодда вазият бўйича ёрдамчиси Марк Лоукок Ямандаги оғир гуманитар фалокат бўҳроннинг сиёсий ечимини талаб қилишини таъкидлади. Шунингдек у, бўҳронда иштирок этувчи томонларни ва уларни қўллаб-қувватловчиларни фуқароларни ҳимоя қилиш устида ишлашга чақирди.

Марк Лоукок бугун шанба куни Яман сафари якунида Санъо аэропортида берган матбуот конференциясида Ямандаги барча томонларга ҳамда хориждаги уларни қўллаб-қувватлаётган ва таъсир ўтказаётганларга чақириқ йўллаганини айтди. Унинг айтишича, у фуқароларни ҳимоя қилиш ҳамда юртдаги гуманитар вазият емирилишига чек қўйиш учун улардан қўшимча чора кўришни ва халқаро қонун ҳурмат қилинишини таминлашни талаб қилган.

БМТ масъули Яман бош вазири Аҳмад Абид ибн Дағрдан соғлиқни сақлаш сектори ходимлари, муаллимлар ва фуқаролик хизмати мулозимлари маошини кўтариш учун тезкор чоралар қабул қилишни талаб қилганини билдирди.

Шунингдек у, Ямандаги сафари чоғида кўплаб районларда юзлаб яманликлар билан учрашганини, улар ҳикоя қилиб берган қийинчиликларни тинглаганини, бомбардимон ва жанглар оқибатида йўллар, кўприклар, завод-фабрикалар, меҳмонхона ва уй-жойларнинг вайрон бўлганига гувоҳ бўлганини қўшимча қилди.

Марк Лоукок шунингдек, бир неча ойдан буён маош ололмаётган соғлиқни сақлаш соҳасида ишловчилардан кўпчилиги билан учрашишга муваффақ бўлганини, бир неча ойдан буён ўқитувчиларга маош берилмагани сабабли уларнинг мактабга боришлари таъминланмаганига гувоҳ бўлганини ҳам таъкидлади.

Роя газетаси шарҳи:

Ямандаги оғир гуманитар аҳвол ҳақиқатдан ҳам, бўҳронни ҳал этиш ечимни талаб қилади. Лекин БМТ ва уни назорат қилиб, қарорларини бошқариб турувчи АҚШнинг ўлчови асосидаги сиёсий ечимни талаб қилмайди. Ямандаги бўҳронга якун ясаб, аҳлини қутқариб, улар ўртасида кечаётган қонли курашларни тўхтатувчи тўғри ва фойдали ечим, шу халқнинг исломий ақидасидан балқиб чиқувчи ечимдир. Ушбу исломий ақида бўйича, битта инсоннинг ноҳақ ўлдирилиши барча инсонларни ўлдиришга тенгдир. Унда мусулмонлар ўртасида ўзаро жанг қилиниши ҳаром қилинган бўлиб жанг сабаблари олди олинган. Яманнинг Исломни маҳкам ушлаган онгли аҳли зиммасида, бу юрт устида курашаётган золимларни тийиб қўйиш, уларни ҳаққа қайтариш ва Пайғамбарлик минҳожи асосидаги рошид Халифалик давлатини барпо этиш вазифаси турибди. Мана шу давлатгина уларнинг халоскоридир, шу давлатдагина Яман аҳли, бутун дунёдаги мусулмонлар бирлашиб, куч-қудратга тўладилар.

Роя газетасининг 2017 йил 1 ноябр чоршанба кунги 154-сонидан