سْمِ اللهِ الرَّحْمنِ الرَّحِيمِ

Роя газетаси:

Эрдўганнинг Шом аҳлини машаққатлардан қутқармоқчи экани тўғрисидаги гаплари рост бўлганда эди, буни амалда бажарган бўларди

Германия: Туркия Сурияда ўт очишни тўхтатишда муҳим рол ўйнай олади

Германия ташқи ишлар вазири Франк Штайнмайерга кўра, Сурияда ўт очишни тўхтатишга эришиш учун Туркия ҳукумати ҳисса қўшмоғи лозим.

Матбуот конференциясида Штайнмайер Туркиянинг Ўрта Шрақда ҳам, Европада ҳам салмоқли ролга эга эканига, унинг минтақадаги бошқа ҳамкорлар билан бирга, Сурияда ўт очишни бутунлай тўхтатиш борасида конструктив рол ўйнашга қодирлигига эътиборни қаратди. (Давру Шомия).

Роя газетаси шарҳи:

Сурия аҳли бошидан азоб-уқубатлар ва машаққатларни даф қилиш учун Туркия ҳеч қандай иттифоқчи ёки ҳамкорга муҳтож эмас. Чунки бу давлат уларни қонхўр режимдан бир-икки кун ичидаёқ халос этишга етарли имконият ва қурол-яроққа эга. Бироқ, минг афсуски, Туркия ҳам бошқалар каби Америкага малайлик ва қўрқоқлик қилиш дардига чалиниб, «гап бўлса қоп-қоп, амалда сомонхонадан топ» қабилида иш тутмоқда. Ҳатто Эрдўган раҳбарлигидаги турк ҳукмдорлари кечаю кундуз қирғин қилинаётган Сурия аҳли олдида қўл қовуштириб ўтириш билангина ҳамда «иккинчи Ҳама бўлишига ҳаргиз йўл қўймаймиз» каби қуруқ шиорлар билангина кифояланмадилар, балки АҚШ учоқларига Инжирлик ҳаво базасини очиб беришди ва ўша ердан кўтарилиб, Сурия аҳли бошига бомба ёғдиришларига имконият яратиб беришди. Ҳатто бу ҳам камлик қилган кўринади, Эрдўган ўз қўшинларини Сурия шимолига киритди… буни Америка буйруғи билан ҳамда унинг Шом қўзғолонини чавақлаш ва қонхўр режимни сақлаб қолиш сиёсатини ижро этиш учун қилди.

Роя газетасининг 2016 йил 2 ноябр чоршанба кунги 102-сонидан