Муслима аёл ҳақ-ҳуқуқига фақат Ислом соясидагина эришади
بسم الله الرحمن الرحيم
Роя газетаси:
Муслима аёл ҳақ-ҳуқуқига фақат Ислом соясидагина эришади
Ҳожар Яъқубий хоним қаламига мансуб
Пайшанба куни Тунис республика президентлиги матбуот воизаси Саида Қаррошнинг маълум қилишича, Тунис ҳукумати тунислик муслималарнинг ғайримусулмон шахсга турмушга чиқишини тақиқловчи вазирлик фармонини бекор қилган.
«Тунислик аёлнинг ажнабийга турмушга чиқишини ман этишга оид барча матнлар бекор қилинди, яъни очиқроқ ибора билан айтсак, 1973 йилги фармон матни ва унга ўхшаган ҳамма матнлар бекор қилинди, турмуш ўртоғини танлаш эркинлиги ҳуқуқи берилгани муносабати билан тунислик аёлларни табриклайман», деб ёзади Саида Қаррош ўзининг Твиттерида. (Ал-Жазира нет).
Маълумки, Тунис президенти Божи Қоид Сабсий 13 август «хотин қизлар куни» тантанаси чоғида, тунислик аёлнинг ажнабийга турмушга чиқишини ман этувчи қонунни бекор қилишга чақириб, замон бу қонунни ортда қолдирди, деган эди. Шунингдек, эркаклар билан аёллар ўртасида, хусусан, меросга оид тўла тенгликни татбиқ этишга даъват қилди ҳамда бу иш динга тескари эмаслигини таъкидлади!!!
8 сентябр куни бош вазир Юсуф Шоҳид ўзидан олдинги вазир чиқарган фармонни бекор қилиш ҳақида фармон чиқарди. Ўша куннинг ўзида адлия вазири ҳам фармон чиқарди. Фарсон апелляция суди бош судьялари, прокурорлар, биринчи инстанция судьялари, республика вакиллари, вилоят судьялари, фуқаровий ҳолат зобитларини 1973 йил 5 ноябрда ишлаб чиқилган 216-сонли изоҳли фармонга амал қилмасликка чақирган.
Бинобарин, Тунис ҳукумати президент Сабсий чақириғини расман ва амалда бажаришга киришди, бу ҳаракатини хотин-қизлар ҳуқуқини мустаҳкамлаш йўлидаги қадам эканини даъво қилди. Ваҳоланки, тунислик муслималарнинг ғайримусулмонга турмушга чиқишига рухсат бериш, шаръий ҳукмга мутлақо зид, бунга асло шубҳа йўқ ва бу юрт аёлларига ҳаргиз яхшилик олиб келмайди!!!
Сабсий ва ҳукуматининг бу уриниши ҳақни ботилга алмаштиришдек нопок уринишдир. Илгари қонунга киритилган айни масалани осонгина қонунга ўзгартиш киритиш билан «ҳал қилиб», буни замон талаблари ва ҳуқуқларни таъминлаш, дея дастаклашмоқда. Бу ўзгартишни Аллоҳ Азза ва Жалла ҳаром қилганига қарамай, уни қонун билан ҳамқадам бўлиш, ҳеч қандай айби йўқ, дея даъво қилишяпти. Демак, бугун ҳукумат тепасида турган ҳукмдорлар ўзларидан олдинги ҳукмдорлар қилган хато-гуноҳларни изма-из давом эттириб, Ислом аҳкомларига қарши курашишяпти, бу аҳкомларни ҳаётдан узоқлаштириб, ёлғон даъволар билан одамларни адаштиришяпти.
Аллоҳ Таоло бундай деган:
وَلَا تَنكِحُوا الْمُشْرِكَاتِ حَتَّىٰ يُؤْمِنَّ ۚ وَلَأَمَةٌ مُّؤْمِنَةٌ خَيْرٌ مِّن مُّشْرِكَةٍ وَلَوْ أَعْجَبَتْكُمْ ۗ وَلَا تُنكِحُوا الْمُشْرِكِينَ حَتَّىٰ يُؤْمِنُوا ۚ وَلَعَبْدٌ مُّؤْمِنٌ خَيْرٌ مِّن مُّشْرِكٍ وَلَوْ أَعْجَبَكُمْ ۗ أُولَـٰئِكَ يَدْعُونَ إِلَى النَّارِ ۖ وَاللَّـهُ يَدْعُو إِلَى الْجَنَّةِ وَالْمَغْفِرَةِ بِإِذْنِهِ ۖ وَيُبَيِّنُ آيَاتِهِ لِلنَّاسِ لَعَلَّهُمْ يَتَذَكَّرُونَ
«То имонга кирмагунларича мушрика аёлларга уйланмангиз! Шубҳасиз, озод мушрика аёлдан – гарчи у сизга ёқса-да – мўмина чўри яхшидир. То имонга кирмагунларича мушрик эрларни (қизларингизга) уйламангиз! Шубҳасиз, озод мушрикдан – гарчи у сизга ёқса-да – мўмин қул яхшидир. Улар (мушриклар) дўзахга чақирадилар, Аллоҳ ўз изни-иродаси билан жаннатга даъват қилади ва одамлар эслатма олишлари учун ўз оятларини баён қилади» [Бақара 221]
Яна бундай деган:
فَإِنْ عَلِمْتُمُوهُنَّ مُؤْمِنَاتٍ فَلَا تَرْجِعُوهُنَّ إِلَى الْكُفَّارِ
«Агар сизлар уларнинг мўмина эканликларини билсангизлар, у ҳолда, уларни кофирларга қайтарманглар» [Мумтаҳина 10]
Демак, муслиманинг кофирга турмушга чиқиши шубҳасиз ҳаромдир. Бўяб-бошқача қилиб бўлмайдиган ҳақиқат шуки, Тунис ҳукумати шариат аҳкомларига ҳужум қилиб, ундан ва ундаги яхшиликдан бўйин товлаяпти.
Сабсий Тунисда амал қилинаётган қонун тизимидан шаръий аҳкомни олиб ташлашдек роль ўйнаётган экан, буни билмай қилаётгани йўқ, хотин-қизлар байрамида ҳам тасодифан даъволар қилмади. Йўқ, у тунислик аёлларнинг ўз ҳуқуқларини талаб қилишдан чалғитиш мақсадида қасддан қиляпти бу ишларни. Бу каби ишларда у халқаро битимларга, айниқса, «CEDAW» (аёлларни камситувчи ҳар қандай шаклларга барҳам бериш) конвенциясига етти букилиб амал қилади. Шу орқали хотин-қизларга адолат қилиш ва ҳуқуқларини қайтариш каби ниқоблар остида муслима аёлларни алдашга ва Аллоҳ Таоло уларга ато этган имтиёзлардан маҳрум этишга ҳаракат қилади!!!
Сабсий ва унинг ортидан кетаётганлар, бундай ҳақ динимизга тажовуз қилиш оқибатини минг бора ҳисоб-китоб қилиб кўришса, ўзларига яхши бўларди. Уларнинг барчасига, қишлоқлардаги камбағал, уйсиз ва бошқа бечора аёллар бошига тушажак бундай зулмни олдини олиш учун енг шимармоқлари вожиб эди, зора, бу билан аламли азобдан халос бўлсалар. Уларнинг барчасига, эркаклар билан аёллар ўртасида тенгликка оид аёлларнинг шаръий ҳуқуқларини, хизмат кўрсатиш, асосий эҳтиёжларини қондириш ва омма мулкидан фойдаланиш каби ҳуқуқларини таъминлашга ҳаракат қилиш вожиб эди. Зотан, улар юртдаги аёлларни шаръий ҳуқуқлари билан ҳам, омма мулклардан фойдаланиш ҳуқуқлари билан ҳам таъминлашга эътибор беришмади!!
Бироқ бу кимсалар омонат нима эканини билмайдиган ва Ғарбнинг малайлари бўлгандан кейин ҳамда Ғарбнинг Ислом ва мусулмонларга макр қилиш учун ўзи истаган томонга буриб ишлатиб турадиган пиёда аскарлари бўлишганидан кейин мазкур вожибларини қаёқда ҳам адо қилишсин!!
Илгари Бурқиба мерос аҳкомларини ўзгартиришга уриниб, бунинг уддасидан чиқа олмаган эди, бундан уни айни ҳаракатига қарши чиққан афкори оммадан қўрқувгина тийиб қолган эди, холос. Кейин Ибн Али ҳам ҳаракат қилиб, у ҳам айни сабаб туфайли қила олмади. Мана, бугун Сабсий ҳам ўзидан олдинги ҳамкасблари эплай олмаган ишни эплашга уриниб, Исломнинг қолган-қутган аҳкомларини ҳам бекор қилмоқчи бўляпти… Бу ишни қилар экан, Ғарбни рози қилишга ҳаракат қиляпти, аммо одамлар қандай реакция билдирар экан, дея кузатиб ҳам турибди!!
Шундай экан, эй Тунисдаги аҳлимиз!
Динингизга ёрдам беринг ва покиза шаръий аҳкомларингизга маҳкам амал қилувчи эканингизни кўрсатиб қўйинг, ботил даъволарга қарши туринг ҳамда ҳукмдорларингизнинг ҳақдан бурилиб, гуноҳга узатилаётган қўлларидан тутиб, улардан ҳисоб талаб қилинг!!
Агар бугун муслимани кофирга узатишни ҳалол қилувчи бу қонуннинг ижро этилишига сукут қилсангиз, эртага бу кимсаларнинг шариатдаги мерос каби қатор аҳкомларининг алмаштириб ташлашларига гувоҳи бўласиз ва сукутингиз, қўрқоқлигингиз учун Аллоҳ олдида жавоб берасиз!!
Тўлиқ ҳолдаги Исломсиз, тунислик муслималарнинг адолат ва ҳақ-ҳуқуқлари ҳаргиз қайта тикланмайди, бунга асло шубҳа йўқ. Чунки Исломгина ҳақ, ундагина яхшилик бор, угина бутун оламга ҳадя қилинган раҳматдир. Ислом йўқ экан, аёллар учун ҳам ҳақиқий озодлик бўлмайди, бахтли ва соадатли ҳаёт келмайди.
Аллоҳ Таоло бундай деган:
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ* قَالَ رَبِّ لِمَ حَشَرْتَنِي أَعْمَىٰ وَقَدْ كُنتُ بَصِيرً* قَالَ كَذَٰلِكَ أَتَتْكَ آيَاتُنَا فَنَسِيتَهَا ۖ وَكَذَٰلِكَ الْيَوْمَ تُنسَىٰt
«Ким Менинг эслатмамдан юз ўгирса, бас, албатта унинг учун танг-бахтсиз ҳаёт бўлур ва Биз уни қиёмат кунида кўр ҳолда тирилтирурмиз. У – Роббим, нега мени кўр қилиб тирилтирдинг, ахир кўрар эдим-ку, деди. (Аллоҳ) айтди – шундай, сенга Бизнинг оят-мўъжизаларимиз келганида уларни унутдинг, бугун сен ҳам ана шундай унутилурсан» [Тоҳа 124-126]
Роя газетасидан олинди
