بسم الله الرحمن الرحيم

Америка ўзининг халқаро режаларида Россиядан фойдаланмоқда

Хабар:

Вьетнамнинг Дананг шаҳрида 10-11 ноябрь куни бўлиб ўтган ОТИҲ (Осиё-Тинч океани Иқтисодий Ҳамкорлиги) саммитида АҚШ ва Россия президентлари “тик оёқда” қисқача сўзлашиб олдилар. Президент Дональд Трамп кўплаб глобал муаммоларни ҳал қилишда Россиянинг роли ҳамда Москва ва Вашингтон ўртасидаги яхши муносабатлар муҳим аҳамиятга эга эканини таъкидлади. Шунингдек, Трамп Сурия бўйича россия-америка келишувлари кўплаб инсонлар ҳаётини сақлаб қолишини қўшимча қилди.

Трамп: “Мен ОТИҲ саммитида Россия президенти Владимир Путин билан учрашдим. Сурия бўйича ижобий ечимларга келдик. У ва Хитойнинг Шимолий Кореа кризисини ҳал қилишда ёрдам беришига умид қиламан”, – деди.

Шунингдек, Трамп Россия билан муносабатларни яхшиланиши зарур эканини таъкидлаб ўтди: “Ҳасадгўй ва аҳмоқлар Россия билан яхши муносабатларга эга бўлиш ёмон эмас, балки яхши эканини қачон тушуниб етар эканлар?”. “Россия Кореа ярим ороли, Сурия ва Украина кризисларини ҳал қилишда ҳамда терроризмга қарши курашда ёрдам бериши мумкин”, – дея қўшимча қилди Трамп.

Изоҳ: Россия президенти Владимир Путин билан учрашувидан сўнг берган Трампнинг изоҳлари америкача оппортунистик қарашда Россиянинг халқаро алоқалардаги ролини аниқ кўрсатмоқда. Трампнинг баёнотларига кўра, Америка Шимолий Кореа, Украина, Сурия каби кўплаб муаммоли халқаро масалаларда, шунингдек Исломга қарши курашда Россиядан фойдаланишни истамоқда. Трамп Россия билан муносабатлар мавжудлигини рад қиладиган ўз рақибларини аҳмоққа чиқарди. Трамп уларга Россияни бу муносабатларда Американинг рақиби эмас, фақат ёрдамчиси эканини очиқ кўрсатмоқда. Трамп: “Бу ишда Россия ҳар томонлама ёрдам бериши мумкин”, – деди. Америка Россияга ўзига рақобатчи давлат деб эмас, аксинча, ўзининг “хизматкори” сифатида қарамоқда.

Шундан сўнг, Россия томонини Трампнинг сўзларига эътироз билдирганини ёки ўзининг позициясини англатувчи изоҳини ОАВ орқали эшитмадик. Буларнинг барчаси Россиянинг Трамп маъмурияти томонидан белгилаб берилган ролини билвосита тан олишини англатади.

Афтидан, Суриядаги инқилобга америкача ечимни тиқиштириш мақсадида Россиянинг Америка билан аниқ мувофиқлашуви юз бераётганга ўхшайди.

Ҳалқаро алоқаларда Россиянинг Америка хизматкори сифатидаги роли Американи золим давлат сифатида гавдалантириб, дунёни ғайритабиий бир вазиятга солиб қўймоқда. Биз Россиядек йирик давлатнинг Ғарб кирдикорларига қарши чиқиш ўрнига, унга шерик бўлаётганини кўрмоқдамиз. Қолган буюк давлатлар эса, бу вазиятга сукут қилишни афзал билмоқдалар.

Халқаро вазиятни бундай давом этаётгани, яъни Американинг дунёга яккаҳокимлиги ва уни танобини тортиб қўювчи халқаро кучни йўқлиги, инсониятни фаровонликка етакловчи Исломий қувватни ҳаёт майдонига келиб Американинг яккаҳокимлигига барҳам бериши зарурлигига ишора қилади.

Ҳизб ут-Таҳрирнинг Марказий матбуот бўлими радиоси учун махсус

Аҳмад Хутувоний

25 Сафар 1439 ҳ.й.

14.11.2017й.