Ал-Ваъй уюшмаси «Нажоҳ» университетида Фаластин масаласи ечимида АҚШ позициясининг ўзгаргани ҳақида маъруза қилди
بِسْـــمِ اللهِ الرَّحْمٰـــنِ الرَّحِيـــم
Роя газетаси:
Ал-Ваъй уюшмаси «Нажоҳ» университетида Фаластин масаласи ечимида АҚШ позициясининг ўзгаргани ҳақида маъруза қилди
«Нажоҳ» университетида Ал-Ваъй уюшмаси «Фаластин масаласи ечимига доир АҚШ позициясидаги ўгаришлар… далиллар ва тахминлар» мавзусида маъруза қилди. Унда муҳандис Моҳир Солиҳ қуйидагиларни таъкидлади:
Трампнинг Қуддусни босқинчилар пойтахти, дея қарор қилиши – унинг шахсий қарори эмас, балки, АҚШ маъмурияти қароридир. Зеро, Трамп келаси босқич учун бир витринадан ўзга нарса эмас. Чунки Америка муассасалар давлатидир, шахслар давлати эмас.
Моҳир Солиҳнинг фикрича, бу маъмуриятнинг келгуси сиёсати, яҳудийлар вужуди ролини кучайтиришга ҳамда Ўрта Шарқда у учун нормал муносабатлар яратишга қаратилган. Бундан «терроризм» ва уни «қўллаб-қувватловчи давлатлар»га қарши кураш ниқоби остида бир регионал коалиция тузиб, унга босқинчи вужудни аъзо қилиш кўзланган.
Моҳир Солиҳ – яҳудийлар вужудининг Давлат ташкилоти ва «терроризм»га қарши кураш дастаги билан ўтган икки йил мобайнида Сисий розилиги асосида Синай ҳудудига ҳаво ҳужумларини уюштириши, Сурияга ҳаво ҳужумларини қилиши унинг АҚШ тузмоқчи бўлаётган мазкур регионал коалиция орқали ўйнайдиган ролига олдиндан замин тайёрлаш, эканини билдирди.
Йиғин нотиғи бунга АҚШ президентининг махсус вакили Жейсон Гринблаттнинг матбуот учрашувида айтган сўзларини далил сифатида келтирди. Учрашувда президент вакили Америка тузмоқчи бўлаётган режа, регионал режа бўлиб, Фаластин томони қарор чиқарувчи томон эмас, деди. У шунингдек, тинчлик амалиётидан мақсад, «терроризм»га ва «Эрон хавфи»га қарши курашиш учун араб давлатлари ва яҳудийлар вужудини ўз ичига олган регионал коалиция тузиш эканини, бу коалицияни тузиш учун эса, Фаластин муаммоси ҳал этилиши шартлигини таъкидлади.
Моҳир Солиҳ – АҚШ маъмуриятининг қайта тузмоқчи бўлаётган режаси, Қуддус, қочқинлар ва чегара масалаларини музокаралардан чиқариб ташлаш орқали Фаластин масаласига якун ясашдан иборат эканини маълум қилди. Унинг таъкидлашича, исломий юртлардаги ҳукмдорлардан умуман яхшилик кутиб бўлмайди, уларнинг АҚШ маъмурияти режасига эътирози ҳақиқий эмас, сохта эътироздир. Барча яхшилик Ислом Умматининг ўзида, чунки у Америка ва яҳудийлар лойиҳаларини барбод қилишга – Аллоҳнинг изни ила – қодирдир. Буни Уммат мустамлакачи Ғарбнинг барча тил бириктирувларини онгли равишда тушуниб, унинг лойиҳа ва ечимларини рад этиш ҳамда Аллоҳнинг Фаластин заминидаги амрига итоат қилиш билан барбод қилади. Шубҳасиз, Аллоҳнинг амри, Фаластиннинг хирожий ерлигига, Ислом Умматининг мулки эканига, унинг бир қаричидан ҳам воз кечиб бўлмаслигига ва ҳамма ерини яҳудийлар вужудидан озод қилиш фарз эканига бўлган амрдир.
Роя газетасининг 2018 йил 14 феврал чоршанба кунги 169-сонидан
