Ҳафталик муҳим воқеалар таҳлили
Ҳафталик муҳим воқеалар таҳлили
بسم الله الرحمن الرحيم
﴿أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللهِ حُكْمًا لِقَوْمٍ يُوقِنُونَ﴾
“Динсизлик ҳукмрон бўлишини истайдиларми?! Имонлари комил бўлган қавм учун Аллоҳдан ҳам гўзалроқ ҳукм қилгувчи ким бор?!”
Хабар: Тошкентда 31 нафар собиқ сиёсий маҳбуслар устидан суд жараёни бошланди.
Изоҳ: Ушбу суд жараёни ҳақида Ҳизб ут-Таҳрир Исломий сиёсий ҳизбининг Ўзбекистон бўлими томонидан матбуот баёноти эълон қилинди. Баёнотда шундай дейилади: “Бизга ишончли манбалардан етиб келган хабарга кўра, Тошкентда 15 нафар собиқ сиёсий маҳбусларнинг апелляция суди бўлаётган бир вақтда, яна бир йирик суд жараёни бошланиш арафасида турибди. Бу сафарги судланаётганларнинг сони 31 тани ташкил қилмоқда. Булар ҳам аввалда 20 йилдан ошиқ умрини золим Каримов режимининг зах қамоқхоналарида ўтказган йигитлардир. Бу йигитлар ҳам худди ўзларидан аввал маҳкамага тортилган 23 нафар собиқ сиёсий маҳбуслар сингари уйдирма айбловлар билан қўлга олинишган. Фақат буларнинг аксари республиканинг турли вилоятларидан ушланиб, пойтахтга олиб келинган йигитлардир. Шу билан жорий йил бошидан бери қўлга олиниб, тергов ва суд қилинаётган собиқ сиёсий маҳбуслар сони 54 тага етди”. Қизиғи, ҳукумат шунча инсонларни ҳибсга олса-ю, бироқ ОАВлар бундан бехабар қолса! Янада ажабланарлиси, 2022 йил декабр ойида айни суд-хуқуқ тизимидаги ходимларга Мирзиёев шундай деган эди: “Одамлар учун адолатли ҳукм ва қарорлар, адолат керак. Бусиз яшаб бўлмайди”. Хўш, Мирзиёевнинг “адолати” айбсиз инсонларга қийноқлар остида йўқ айбларни бўйнига қўйишми?! Ёки Мирзиёевнинг “адолати” жиноят қилса-да, қутулиб кетадиган бой ва амалдорлар учунгина хизмат қиладими?! Кўриниб турибдики, Мирзиёевнинг адолат ҳақидаги гаплари қуруқ сафсатадан бошқа нарса эмас. Бугунги кунда бутун инсоният адолатда иккиюзламачи раҳбарлардан безиди. Инсониятга тарихда бўлганидек Абу Бакр, Умар р.а.лар каби адолатли раҳбарлар керак. Бироқ бундай раҳбарларни фақатгина Ислом етиштириб чиқаришга қодир. Яқинда тикланажак Халифалик давлатида жамият бундай адолатли раҳбарларга тўлиб тошади иншаАллоҳ.
Хабар (gazeta.uz 22.10.2024й): Соғлиқни сақлаш вазири в.б. Асилбек Худаяров «Док-1 Макс» иши сабаб ногирон бўлиб қолган болаларга «кафолатланган тиббий ёрдам» кўрсатилаётганини айтганди. Фарзанди «Док-1 Макс»дан заҳарланган фуқаронинг айтишича, вазир жамоатчиликка ёлғон маълумот берган.
Изоҳ: Фарзанди 2022 йил декабрь ойида “Док-1 Макс”дан заҳарланган ва 65 кун комада ётган 5 ёшли Алибек Ўктамовнинг отаси Феруз Нуритдиновнинг “Daryo.uz”га айтишича, вазир жамоатчиликка ёлғон маълумот берган. У, жумладан, шундай деган: “Ўша вазир ҳам, унинг ходимлари ҳам, ҳатто давлатнинг бирорта шифохонаси шифокорлари ҳам бирор марта ўғлимнинг ҳолидан хабар олмаган-ку. Қандай қилиб кўмак бераётган экан?…” Унинг айтишича, вазирнинг бу гапидан сўнг кўпчилик ота-оналар вазир билан кўришиш ниятига тушиб қолишган. Жабрланувчининг айтишича, у фарзандини даволатиш учун айни кунга қадар сотилган уйи ва яқинларидан олинган қарзлари эвазига тўпланган катта миқдордаги маблағини сарфлаб бўлган. Шунга қарамасдан, унинг фарзанди гапиролмайдиган, юролмайдиган ногиронга айланган. Ҳозирда катта-кичик раҳбарларнинг аксари ёлғон гапириш, иккиюзламачилик қилиш каби иллатларга ботиб қолгани ҳаммамизга маълум. Бироқ бундай ҳолатга фақат шахсларнинг айб-нуқсонлари сифатида эмас, балки мана шундай кимсаларнинг раҳбарлик лавозимларига келиб олиб, халқимизнинг азоб-уқубатларини янада кўпайтиришларига йўл очаётган ботил тузумнинг аччиқ оқибатлари сифатида қарашимиз лозим. Уларни ана шу бузуқ демократик тузум тарбиялаб етиштиряпти. Бундай тузумда раҳбарлар халқ дардига дармон бўлишни эмас, ўзларининг тор манфаатларига эришишни ўйлайдилар. Одамларнинг муаммосига тўғри ечим бериш борасида бош қотиришни эмас, муаммони яшириш, хаспўшлаш, нари борса вақтинчалик ечим бериш билан қутулиб қолиш ҳақида қайғурадилар. Бунинг акси ўлароқ, Ислом тузуми одамларнинг ташвиши билан кунни тунга улайдиган, бўйнидаги масъулият ва омонатни ҳис қиладиган жонкуяр, адолатли раҳбарларни етиштириб чиқаради. Уммат ана шундай Аллоҳдан қўрқадиган инсофли ва адолатли раҳбарларга бугун ҳар қачонгидан кўра муҳтож бўлиб қолмоқда.
Хабар (kun.uz 23.10.2024й): Сенат ялпи мажлисида янги таҳрирдаги “Давлат сирлари тўғрисида”ги қонун муҳокама қилинди.
Изоҳ: Янги таҳрирдаги қонуннинг мундарижаси ва мазмуни лойиҳа босқичида ёки қуйи палатада муҳокама пайтида очиқлангани йўқ. Унинг тафсилотлари қонун эълон қилинганидан кейингина маълум бўлади. Қайд этилишича, қонуннинг янги таҳрири ДХХ томонидан ишлаб чиқилган. Бундан англаш мумкинки, мазкур қонун жуда шубҳалидир. Бу ҳақда иқтисодчи блогер Отабек Бакиров, жумладан, шундай дейди: “Масалан, энди газ импорти ва газ экспортига оид маълумотлар (нархи, ҳажми, экспортчи ва импортчи субъектлар) ёки иқтисодий лойиҳаларнинг параметрлари, иштирокчилари, молиялаш манбалари давлат сири деб эълон қилиниши мумкинми?” Ҳа, ўзбек ҳукумати очиқланиши ўзига ноқулай деб билган ҳар қандай маълумотни давлат сири деб эълон қилиб, уни очиқламаслик тадоригини кўраётган бўлишининг эҳтимоли юқори. Ўзи шундай ҳам кўп маълумотларни – гарчи улар ҳеч қандай сир бўлмаса-да – халқдан яшириб келяпти. Чунки улар очиқланадиган бўлса, ҳукуматнинг қинғир ишлари янада очилиб қолади. Аслида, маълумотни яширишнинг ўзи шубҳа туғдириш учун етарли бўлади. Тўғри, давлат сири деб ҳисобланадиган маълумотларнинг бўлиши табиий ҳол. Бироқ мана бундай ёлғон ва фитна-фасодга қурилган демократик тузумда давлат сири деган нарсага умуман алоқаси йўқ бўлган ишларни ҳам махфий сақлашга уриниш ўта ажабланарли. Бунинг ортида ҳукуматдагилар, улар хизмат қилаётган Россия, Хитой ва Америка каби мустамлакачиларнинг манфаатлари ётишида асло шубҳа йўқ. Шунинг баробарида мусулмон халқимиз ортидан туну кун жосуслик қилиш натижасида тўпланган маълумотлар ана шу кофир душманларга узлуксиз сиздирилиб, юртимиз бойликлари қўш-қўллаб тортиқ қилинаверади. Ва бу хиёнаткорона ишларга давлат сири ниқоби остида қонунийлик “тўни” кийгазилади.
Хабар (daryo.uz 24.10.2024й): Мирзиёев Зокиржон Алматовни мукофотлади.
Изоҳ: Маълумки, собиқ ички ишлар вазири Зокиржон Алматов 2018 йилдан эътиборан Ички ишлар вазири маслаҳатчиси бўлиб келмоқда. Бу исм айтилганда беихтиёр 2005 йил 13 май куни Андижонда лаънати Каримов режими томонидан уюштирилган даҳшатли қатлиом хотирамизга келади. Бунинг сабаби, Алматов Каримовнинг содиқ шотирларидан бири бўлиб, унинг буйруғи билан ана шу кунги қатлиомнинг бошида турган эди. Айни шу “хизматлари” туфайли Каримов томонидан “Буюк хизматлари учун” ордени билан тақдирланади ва соғлигини важ қилиб ўша йилда ўз хоҳиши билан истеъфога чиқади. Ўзини халқпарвар қилиб кўрсатаётган бугунги президент Мирзиёев қотил Алматовни жиноий жавобгарликка тортиш ўрнига, унга лавозим берди ва бу ҳам етмаганидек мукофотлади. Бинобарин, Алматов бундан аввал ҳам, яъни 2021 йилда I даражали “Шон-шараф” ордени билан ҳам тақдирланган эди. Бу Мирзиёев учун бегуноҳ ўлдирилган мусулмонлар қонларининг заррача ҳам қадри йўқлигининг белгиси эмасми?! Бундан ташқари, Мирзиёев 2005 йили бош вазир лавозимида эди. Демак, бундай юқори лавозимда туриб қатлиом сирларидан бехабар қолиш қийин масала. Нима бўлганда ҳам, юзлаган мусулмонларнинг қирғин қилинишида бевосита иштирок этган Алматовнинг Мирзиёев даврида “ялло” қилиб юриши, Мирзиёевни унинг жиноятига шерик қилмасдан қўймайди. Бироқ Алматов ҳамда у каби бегуноҳ мусулмонларни ўлдирганлардан ва уларнинг бу қотилликларига рози бўлганлардан, иншаАллоҳ, яқинда тикланажак Халифалик давлати ҳисоб сўраши, албатта, муқаррардир.
Хабар (militsiya_uzb 24.10.2024й): “Агар оилада эркак киши оила бошлиғи бўлишлиги гендер тенглигини бузиш ҳисобланса, бундай гендер тенглигига тупурдим”, – дейди Расул Кушербаев.
Изоҳ: Шу кунларда ижтимоий тармоқларда табиат ресурслари вазири маслаҳатчиси, собиқ депутат, жамоатчилик фаоли Расул Кушербаевнинг гендер тенглигига оид видеоси кенг тарқалиб, баҳс-мунозараларга сабаб бўлмоқда. Албатта, Кушербаевнинг ушбу дадил сўзлари мақтовга лойиқ. Демократия деган бало пайдо қилган гендер тенглиги, феминизм каби иллатларнинг биз мусулмонлар учун нақадар хавфли эканлигини юртимиздаги зиёли қатламнинг англаб бораётгани, шубҳасиз, қувонарли ҳол. Зиёлиларимиз жамиятдаги энг хушёр қатлам бўлишлари кераклигидан келиб чиқиб айтамизки, мазкур иллатларни унинг ўзи ёки оқибатларига қарши курашиш билан йўқ қилиб бўлмайди. Балки бунда энг тўғри ва муваффақиятли ёндашув ана шу иллатларнинг манбаси бўлмиш демократик тузумдан тамомила воз кечишдир. Зеро, демократиянинг бир қисмини олиб, қолган қисмини миллийлигимиз ва урф-одатларимизга тўғри келмаганлиги учун олмаймиз, дейиш нотўғри. Чунки бир тузум – унинг мафкураси, сақофати, дунёқараши ва қонун-қоидалари билан бирга – ё тўлиқ олинади ёки ундан тўлиғича воз кечилади. Акс ҳолда бу нарса уйғонишга, юксалишга олиб бормайди. Афсуски, юртимиз зиёлилари ўзларини мусулмон ҳисобласалар-да, уларнинг фикр ва туйғулари ўртасида зиддият борлигини кузатяпмиз. Туйғулари Исломий бўлса ҳам, фикрлашда Ғарб демократиясига таянишдан қутулолмаяптилар. Кушербаевнинг юқоридаги гаплари ҳам шуни тасдиқламоқда. Зотан, уларнинг фикр ва туйғулари бир асосга қурилган тақдирдагина, яъни фақат Исломий ақидага таянадиган бўлсагина ҳақиқий уйғониш юзага келади ва улар чин Исломий шахсияларга айланадилар. Мана шунда зиёли қатлам ҳар қандай воқеа-ҳодиса ва муаммоларга нисбатан тўғри ёндаша оладиган даражага чиқади. Аллоҳ таоло дейди:
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ
– “Ким Менинг эслатмамдан юз ўгирса, бас, албатта, унинг учун танг-бахтсиз ҳаёт бўлур ва Биз уни Қиёмат Кунида кўр ҳолда тирилтирурмиз”. (Тоха:124)
Хабар (president.uz 24.10.2024й): Ўзбекистон Республикаси Президенти Шавкат Мирзиёев “БРИКС плюс” форматидаги саммитда нутқ сўзлади.
Изоҳ: “БРИКС” саммитида, жумладан, барча МО давлатлари раҳбарлари ҳам иштирок этди. Мирзиёев саммитда сўзлаган нутқида Яқин Шарқдаги вазиятни ҳам тилга олиб ўтди. “Биз Ғазо ва Ливандаги мисли кўрилмаган гуманитар фожиани қалбимиздаги оғриқ ҳисси билан қабул қиляпмиз. Тинч аҳоли, айниқса, болаларнинг бегуноҳ қурбон бўлишини ҳеч қандай сиёсий мақсадлар оқлай олмайди”, – деди Мирзиёев. Президент Мирзиёевнинг бу сўзларини қандай тушуниш мумкин?! Ҳолбуки, ўзбек ҳукумати аёллар ва болаларгагина кучи етаётган лаънати яҳуд вужуди билан алоқаларни узмасдан, ҳатто унинг элчихонасини садоқат билан қўриқлаб турган бўлса! Бу баёнот қандайдир сиёсий мақсадлар учун эмасмикин?! Энди “БРИКС” ташкилотига келсак, у Ғарб, хусусан, Американинг якка ҳукмронлиги ва иқтисодий гегемонлигини заифлаштириш мақсадида тузилган ташкилотдир. “БРИКС”нинг ҳаракат мотори Хитой билан Россиядир. МО давлатларини саммитга чақиришдан мақсад эса, уларни Америка бошлиқ Ғарб давлатлари таъсиридан узоқлаштиришга уринишдир. Бироқ мазкур ташкилотдаги давлатларнинг ҳар бири кўпроқ ўз миллий манфаатларини илгари суришга уриниши натижасида у муваффақиятсизликка юз тутиши муқаррар. Шунингдек, бу ташкилот ҳам экстремизм ва терроризмга қарши кураш ниқоби остида Ислом ва мусулмонларга қарши курашни ҳеч қачон назардан қочирмайди. Шулардан хулоса қилиш мумкинки, биз мусулмонларнинг Россия ва Хитой каби душманларимиз ҳукмронлик қилаётган ташкилотда у ёки бу кўринишда иштирок этишимиз фақат зараримизга ишлайди холос.
Ҳизб ут-Таҳрир Ўзбекистон матбуот бўлими аъзоси Форуқ
28.10.2024й
