بسم الله الرحمن الرحيم

Аллоҳнинг арқонини маҳкам тутингиз ва бўлиниб кетмангиз

Хабар:

Россиялик мутахассислар Суриянинг янги конституцияси лойиҳасини тайёрладилар, дея баёнот берди Россия Федерецияси президентининг Сурия бўйича махсус вакили Александр Лаврентьев.

Унинг хабарига кўра, конституция лойиҳаси Сурия қуролли мухолифатига ўрганишлари учун топширилган, Россия уларнинг бунга реакциясини кутмоқда.

23 ва 24 январь кунлари Остонада Суриядаги вазият бўйича музокаралар бўлиб ўтди. Учрашув хулосаларига кўра, Эрон, Россия ва Туркия мамлакатда ўт очишни тўхтатишни уч томонлама кузатиш механизмини ташкил қилишга келишиб олганлар. Остона музокараларида қўзғолончилар ва Сурия ҳукумати вакиллари иштирок этдилар ҳамда илк бора Сурия мухолифатининг делегацияси фақат қуролли гуруҳ вакилларидан шакллантирилди.

Изоҳ: АҚШ ўз малайлари қўли билан Сурияда бир қанча муваффақиятларга эриша олди. Улар қўзғолончиларни бирлашишларига имкон бермай, ораларига фитна уруғини соча олдилар. Бу услуб Ҳалаб қамалида яхши натижалар берди. Ўшанда АҚШ малайи Туркия Ҳалабдан қўзғолончи отрядларнинг бир қисмини “Фурот қалқони” амалиётида қатнашишлари учун олиб кетди. Табиийки, Ҳалаб мудофааси заифлашди. Бу Россия ҳарбий космик кучларига Эроннинг ИИҚК, “Ҳизбуллоҳ” ва Асад кучларининг қуруқликдаги ёрдамлари билан шаҳарни ўз назоратига олишига имкон берди.

Кўриниб турибдики, бу натижа “халоскорларни” руҳлантириб юборди. Агар илгари русийзабон майдонда мусулмонларни бўлиб ташлашга йўналтирилган ҳаракатлар бир мунча заифлашган бўлса, Ҳалаб қулаши билан бу фитна яна жонланди. Мусулмонларни “тўғрилар” ва “мазҳабчилар” га ажратаётганларнинг овозлари яна эшитила бошланди. Бу баёнотлар нафақат ўзини “мўътадил” мусулмонлар етакчиси сифатида намоён қиладиганлар томонидан, балки “радикал” мусулмонлар дея ҳисобланувчилар томонидан ҳам берилди. Кўриниб турибдики, бу “уламолар” исломий ҳуқуқни, аниқроғи ноаниқ исломий матнларни тушунишда ихтилофлар мавзуси тўғрисида ҳеч нимани билмайдилар.

Лекин билимдон одамларга маълумки, Пайғамбаримиз (с.а.в) замонларидан бошлаб ихтилофлар ҳамма замонларда мавжуд бўлган ва бу нарса мусулмонларни ягона Уммат бўлишларига ҳалал бермаган. Масалан, Абу Бакр ва Умар (Аллоҳ улардан рози бўлсин) ҳарбий ўлжаларни бўлишга оид ҳукмларда ихтилоф қилганлар. Бу саҳобаларнинг ихтилоф қилганлари тўғрисидаги ягона ҳодиса эмас. Кейинги замонларда эса Ислом уламолари кўп масалаларда ҳар хил фикрда бўлганлар. Уларнинг ҳар бирида кўплаб эргашувчилари бўлган, улар бир-бирларига душманлик кўзи билан эмас, балки биродарлик кўзи билан қараганлар.

Исломий Давлатнинг заифлашуви даврида мустамлакачилар фаоллик билан миллатлараро ва мазҳаблараро фитна уруғларини сочдилар. Бу мусулмонларни кучсизланишига олиб келди ва мусулмонлар қўли билан Ислом ерларини эгаллаб олдилар.

Худди шу ҳолат ҳозирда ҳам такрорланмоқда. Чиройли шиорлар остида Исломни “фирқалар”, “муртадлар” ва “фосиқлар” дан ҳимоя қилмоқчи бўлаётган кўплаб қизиққон одамлар мусулмонларни бўлиб ташлашда кофирлар ишини осонлаштирмоқдалар.

Шуни тушуниш муҳимки, Исломда исломий матнларни ҳар хил тушунишга рухсат берилган. Албатта тўғри фикр битта бўлиши муқаррардир. Лекин хато фикр гуноҳ ҳисобланмайди (демакки у куфр ҳам эмас). Бунга Пайғамбаримиз (с.а.в) нинг қуйидаги сўзлари далилдир: “Агар қози ижтиҳод қилиб ҳукм чиқарса ва тўғри ижтиҳод қилган бўлса унга икки ажр, агар ижтиҳод қилса ва ижтиҳодида хато қилган бўлса ҳам унга бир ажр". Бухорий, Муслим, Абу Довудлар ривояти

يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ حَقَّ تُقَاتِهِۦ وَلَا تَمُوتُنَّ إِلَّا وَأَنتُم مُّسۡلِمُونَ ١٠٢ وَٱعۡتَصِمُواْ بِحَبۡلِ ٱللَّهِ جَمِيعٗا وَلَا تَفَرَّقُواْۚ وَٱذۡكُرُواْ نِعۡمَتَ ٱللَّهِ عَلَيۡكُمۡ إِذۡ كُنتُمۡ أَعۡدَآءٗ فَأَلَّفَ بَيۡنَ قُلُوبِكُمۡ فَأَصۡبَحۡتُم بِنِعۡمَتِهِۦٓ إِخۡوَٰنٗا وَكُنتُمۡ عَلَىٰ شَفَا حُفۡرَةٖ مِّنَ ٱلنَّارِ فَأَنقَذَكُم مِّنۡهَاۗ كَذَٰلِكَ يُبَيِّنُ ٱللَّهُ لَكُمۡ ءَايَٰتِهِۦ لَعَلَّكُمۡ تَهۡتَدُونَ ١٠٣ وَلۡتَكُن مِّنكُمۡ أُمَّةٞ يَدۡعُونَ إِلَى ٱلۡخَيۡرِ وَيَأۡمُرُونَ بِٱلۡمَعۡرُوفِ وَيَنۡهَوۡنَ عَنِ ٱلۡمُنكَرِۚ وَأُوْلَٰٓئِكَ هُمُ ٱلۡمُفۡلِحُونَ ١٠٤

“Эй иймон келтирганлар! Аллоҳга ҳақиқий тақво ила тақво қилинг. Ва фақат мусулмон ҳолингиздагина бу дунёдан ўтинг. Барчангиз Аллоҳнинг ипини маҳкам тутинг ва бўлиниб кетманг. Ва Аллоҳнинг сизга берган неъматини эсланг: бир вақтлар душман эдингиз, бас, қалбларингизни улфат қилди. Унинг неъмати ила биродар бўлдингиз. Оловли жар ёқасида эдингиз, ундан сизни қутқарди. Шундай қилиб, Аллоҳ сизга Ўз оятларини баён қилади. Шоядки ҳидоят топсангиз. Сизлардан яхшиликка чақирадиган, амри маъруф–наҳйи мункар қиладиган бир уммат бўлсин. Ана ўшалар, ўзлари нажот топгувчилардир”.  (3:102-104)

Ҳизб ут-Таҳрирнинг Марказий матбуот бўлими радиоси учун махсус

Ҳизб ут-Таҳрирнинг Украинадаги матбуот бўлими аъзоси Виталий Рядинский

02.02.2017й.