Аллоҳнинг нурини ўчиришга ҳаракат қилиш аҳмоқликдир

بسم الله الرحمن الرحيم

Ғарб Халифалик давлатини лаънати Мустафо Камол қўли билан қулатганидан сўнг Ислом умматини ватанпарварлик ва миллатчиликка асосланган майда давлатчаларга бўлиб ташлади. Манфаатпараст Ғарбнинг бундан кўзлаган асосий мақсади сиёсий жиҳатдан мусулмонларни Ислом ақидаси асосида бирлашиб ўз давлатларини яна қайта тиклашларига йўл қўймаслик бўлса, иқтисодий жиҳатдан эса мусулмон юртларидаги табиий бойликларни талон-тарож қилиш эди. Кофирлар масаланинг айнан сиёсий жиҳатига кўпроқ эътиборларини қаратдилар. Бунинг сабаби қайси бир уммат сиёсий қарамликка юз тутса, қолган барча соҳаларда ҳам қарам бўлиши муқаррардир. Улар мусулмонларни ўз динлари сабабли уйғониб, буюк умматга айланганликларини яхши англайдилар. Шу боис ҳам бу мустамлакачи кофирлар мусулмонларнинг ўз динларини тўғри тушунишлари олдини олиш учун ҳар қандай жирканч услуб ва воситаларни қўллайдилар. Улар мусулмонларнинг Исломни ўзлари хоҳлагандек тушуниб амал қилишларини исташади. Шунинг учун ҳам “мўътадил ислом” деган Қуръон ва Суннатга асосланмаган тушунчани сингдиришмоқда. Бу тушунчани қабул қилмаган, Исломни Пайғамбаримиз ﷺ олиб келгандек тушуниб, ҳаётга бекаму-кўст татбиқ қилишни истаган ва ҳаракат қилганларга террорист, экстремист каби тамғаларни босиб ёмонотлиқ қилишмоқда, узоқ йиллик қамоқларга ташлашмоқда, ўлим каби олий жазоларга ҳукм қилишмоқда. Кофирларнинг бу ноҳақликларида мусулмон юртларидаги малай ҳукмдорлар ва сарой муллаларининг хизматлари беқиёсдир. Бироқ кофирлар ва уларнинг малайлари қанчалик ҳаракат қилишмасин, ҲАҚ Исломнинг табиати шундайки, зулм кучли бўлганда унинг инсонлар томонидан қабул қилиниши ҳам кучайиб боради. Зулмнинг кучайиши Ислом умматида фидоий қаҳрамонларнинг етишиб чиқишига туртки бўлади, худди Макка давридаги Билол р.а. каби. Бундан ташқари, кофирларнинг қўллаётган услублари акс таъсир кўрсатиб, даъватнинг ёйилишига хизмат қилади, десак ҳам адашмаймиз.

Бизнинг минтақамиз бўлмиш МОда сиёсий Исломга энг қаттиқ курашни амалга ошириб келаётган ва бунда бутун дунёга “намуна” бўлаётган афсуски, Ўзбекистондир. Аввало, сиёсий Ислом деганда Ҳизб ут-Таҳрир сиёсий Исломий жамоасини назарда тутяпмиз. Чунки бугунги кунда даъват майдонида Ислом мабдасини Пайғамбаримиз ﷺ тариқатларига мувофиқ кўтариб чиқаётган жамоа фақат шудир. Энди Ўзбекистон масаласига келсак, аввалги Каримов режими Ҳизб ут-Таҳрирга қарши аёвсиз курашгани, унинг аъзоларини узоқ йиллик қамоқларга ташлагани, у ерда уларга нисбатан ғайриинсоний жазоларни қўллагани, оила аъзоларини жамиятдан яккалаб қўйгани ва қанча-қанчасини шаҳид қилгани дунёга ошкор бўлди.

Бугунги кунда Мирзиёев режими ҳам Каримовнинг изидан бориб, сиёсий Исломга қарши курашда ундан қолишмаяпти. Жумладан, йигирма йилга яқин умрини панжара ортида ўтказиб қайтган собиқ сиёсий маҳкумларни асоссиз равишда яна қайта узоқ йилларга қамоққа ҳукм қилди. Бундан ташқари, одамларни сиёсий Исломдан тўсиш учун ҳар хил зулмкор услубларни ўйлаб топишни сурбетларча давом эттиряпти. Яқинда Олий суд томонидан интернет жаҳон тармоғидаги диний экстремистик, террористик ва ақидапарастлик ғоялари билан йўғрилган деб топилган ҳамда Ўзбекистон Республикасининг ҳудудига олиб кириш, тайёрлаш, сақлаш, тарқатиш ва намойиш этилиши тақиқланган манба ва контентлар (материаллар) рўйхати эълон қилинди. 2025 йил 8 январ ҳолатига кўра, рўйхатга 1389 та турли профиль, канал ва материаллар киритилган. Хусусан:

Facebook ижтимоий тармоғида 203 та профиль ва материаллар;

Telegram мессенжерида 713 та канал, гуруҳ ва материаллар;

Instagram ижтимоий тармоғида 226 та профиллар;

Youtube видео-хостингида 135 та канал ва турли видеолар;

Odnoklassniki ижтимоий тармоғида 35 та профиль ва материаллар;

Tik-tok'да 44 та профил;

Интернет жаҳон ахборот тармоғидаги 13 та сайт ва алоҳида материаллар;

20 та турли китоб, маъруза ва нашидалар.

Тақиқланган профил ва материалларнинг асосий қисми Telegram мессенжери, Instagram ва Facebook ижтимоий тармоқларига тўғри келмоқда. Олий суд матбуот котиби Азиз Обидов фуқаролардан “диний ақидапарастлик, экстремизм ва терроризм тузоғига тушиб қолишдан сақланишни ва улардан йироқ бўлиш”ни сўраган.

Юқоридаги рўйхатдан кўриниб турибдики, интернет соҳасида ҳам ўзбек ҳукумати сиёсий Исломга қарши курашда яхшигина тер тўкмоқда. Эътиборли томони, бу каби рўйхатларни Ўрта Осиёнинг бошқа мамлакатлари ҳам юритишлари ҳақида бирорта маълумот чиққани аниқ эмас. Демак, ўзбек ҳукумати бу борада ўрис хўжайинларини яхшироқ рози қилиш учун садоқатли хизмат қиляпти, дейиш мумкин. Ундан ҳам ўтиб тушгани, ҳатто “Жума муборак” деб табриклаб смс юбориш ҳам жиноятга айланмоқда. Бу бир томондан, бошқа томондан эса тушкунликка берилишнинг ҳожати йўқ. Ҳукумат бу рўйхатни тақиқ учун эълон қилган бўлса-да, аслида у қайсидир маънода ушбу эълони орқали даъватнинг ёйилишига сабабчи бўлмоқда. Чунки бугун виртуал оламни назорат қилишнинг ўзи имконсиз. Қолаверса, халқимиздаги мавжуд абсурд сиёсатга нисбатан кундан-кунга ўсиб бораётган норозилик кайфияти бундай контентларнинг ўқувчилари сони янада кўпайишига хизмат қилмоқда. Ҳукумат эса уларни рўйхатини – гарчи қоралаб бўлса ҳам – эълон қилиш билан қайсидир маънода реклама хизматини амалга оширмоқда. Каримов режими Ҳизб ут-Таҳрир Халифаликни тиклашга ҳаракат қилаётганини дунёга жар солиб, шафқатсизларча қарши курашди ва натижада Ҳизб даъватининг нафақат минтақага, балки бутун оламга овоза бўлишига ўз “ҳиссасини” қўшган эди… Хуллас, хоҳ қўрқитиш бўлсин, хоҳ бошқа чоралар бўлсин, фарқи йўқ – мустамлакачи кофирлар ва ўзбек режими каби малай ҳукуматчалар сиёсий Исломнинг ёйилишига ҳам, унга даъват қилувчиларнинг фаолиятини тўхтишга ҳам кучлари етмайди. Пайғамбаримиз ﷺнинг даъват фаолияти бунга ёрқин мисолдир. Ҳизб ут-Таҳрир эса бу даъватни Расулуллоҳ ﷺ сийратига қадамма-қадам эргашган ҳолда олиб боради ва ёлғиз Аллоҳнинг ўзига суянади. Аллоҳ таоло айтади:

يُرِيدُونَ أَن يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَن يُتِمَّ نُورَهُ وَلَوْ كَرِهَ الْكَافِرُونَ

– “Улар Аллоҳнинг Нурини (яъни Исломни) оғизлари (яъни беҳуда гаплари) билан ўчирмоқчи бўладилар. Аллоҳ эса, гарчи (кофирлар) ёмон кўрсалар-да, фақат Ўз нурини комил қилишни (яъни ҳар тарафга ёйишни) истайди”.                                                          (Тавба:32)

Ҳизб ут-Таҳрир Ўзбекистон матбуот бўлими аъзоси Салоҳиддин

16.01.2025й