بِسْمِ اللهِ الرَّحْمٰنِ الرَّحِيم

Роя газетаси:

Ҳамас ва навбатдаги босқичга янги раҳбарларни яратиш

Абу Ҳамза Хутвоний

Ҳамас ҳаракатининг Ғазо сектори раиси Яҳё Синвор ярашув масаласида катта чекинишлар қилишини, бу чекинишлар олдингиларга қараганда тасодифий ва янада ҳайратланарли бўлишини маълум қилди. Кимда-ким – хоҳ Фатҳ ҳаракатидан бўлсин ё бошқа ердан бўлсин, фарқсиз – ярашувни бекор қиладиган бўлса, уни бўйнини узиб ташлайман, деди. У Маҳмуд Аббоснинг кучли бўлиши фаластинликлар учун манфаатли  бўлгани учун унинг кучли бўлишини исташини таъкидлади.

Ҳамас ҳаракатининг Ғазо секторидаги раиси Яҳё Синвор берган баёнот хулосаси мана шу. Шубҳасиз, бу баёнот Ҳамаснинг собиқ ёндашувида очиқдан-очиқ кескин инқилоб бўлганини кўрсатяпти. Маҳмуд Аббос яҳудийлар давлати билан хавфсизлик масаласида ишларни мувофиқлаштиргани учун Ҳамас ҳаракати уни «ноқонуний» дея ҳисоблаб Аббос раҳбариятига итоат қилишни рад этар эди. Аббос раҳбарияти Арафот вафотидан сўнг ҳокимиятни қабул қилиб олганидан бери яҳудийлар билан таслим бўлиш услубидан бошқа услубда муомала қилмай келаётганини, Аббоснинг ўзи ҳам қуролли қаршилик ҳаракати йўлини инкор этиш билангина кифояланмай, ҳатто уни таҳқирлаб, раҳбарларини камситиб, фидоийлик амалиётларни мутлақо қоралаб келишини Ҳамас яхши билади.

Биз Синворнинг кутилмаганда мана шундай хавфли баёнот берганидан сўнг бунга сиёсий таҳлил беришдан олдин, келинг, баъзи саволларни ўртага ташлаб олайлик, чунки уларга ҳаммадан олдин Ҳамас раҳбарияти жавоб бериши керак:

Биринчи: нима учун Ҳамас ҳаракати ўз тарафдорлари ғазабини қўзғовчи бундай баёнотга рози бўлди? Унинг муассасалари ва раҳбарлари, таслим бўлиш йўлини қоралаётган мухолафат, Заҳҳор қаёққа қараяпти? Бошқа раҳбариятлар ҳам анча вақтлардан бери Аббос ва унинг режими йўлига тескари йўлдан юришаётган эди-ку? Бундай баёнот йигирма йилдан бери давом этиб келган Ҳамас сиёсатига зид баёнот эди-ку, нега уларнинг ҳаммаси бунга сукут қилишяпти? Ҳамаснинг барча барқарор сиёсатининг бир кунда ҳавога учиб кетиши ақлга сиғадими?

Иккинчи: Одатда Ҳамас ҳаракати ўз муассасасини раҳбарлари қарорларининг обдан ўрганиб чиқувчи муассаса экани билан мақтаниб келар эди. Хўш, бу сафар ҳам Синвор баёноти ахборот воситаларига ташланишидан олдин ўрганиб чиқилдими? Ёки ҳаракатнинг тартиб-интизомли дейилаётган муассасалари ҳам Араб давлатларининг сохта муассасаларидан фарқ қилмай қолдими?

Учинчи: Ҳамас бирор ажойиб янги нарса топиб олдимики, бу нарса уни собиқ сиёсатини ўзгартиришга мажбур қилган ҳамда бирор ўткир сиёсий бурилиш бўйича шу даражада эгилиб кетишига ундаган бўлса?

Тўртинчи: Ҳақиқатдан ҳам Ҳамас Аббосга шу даражада ишоняптими? Ахир, доим Ҳамасни ўзига душман билиб, унга қарши тил бириктириб, уни Ғазо секторида қуршовга олишда яҳудийларга ёрдам бериб келган шу Аббос эмасмиди? Нега энди Аббосни кучайтирмоқчи бўлиб қолди, ҳолбуки, шунча вақт уни ўзининг ашаддий душмани санаб, доим қонунийлигига норози бўлиб келар эди-ку? Нега Аббосга бу қадар яхши муносабатда бўлиб қолди, Аббос Фаластин аҳли ва Ҳамасга ўзининг музокаралар ҳақидаги бадбўй гапларидан бошқа бирор яхши гапларни ёки яхши ишларни олиб келдими? Аббос бирор янги сиёсат қўллай бошладимики, Ҳамас уни бунчалик қутуриб ҳимоя қилса? Ёки у Ҳамасга биз билмаётган қандайдир яхши нарсаларни ваъда қилдими? Қулоқларимиз эшитмай қолган бирор янги хабарлар бўлса, айтишсин!

Бешинчи: Фаразан, Ҳамас раҳбарияти Маҳмуд Аббоснинг Фатҳ ҳаракатига мос йўлига қаноатланмоқда, дейлик, наҳотки, бу йўлга қарши чиққан инсонларга бўйнини узиб ташлаш билан таҳдид қилса, бу қандай нодонлик, ахир? Ёхуд Синвор сиёсатда янги шахс бўлгани учун чиройли гапиришни билмадими?

Бу қатор саволларга қандай жавоб берилсин-берилмасин, бир нарса яққол кўриниб турибди: Ҳамас АҚШ буйруқларига, асосан, Миср тоғути Сисийга бўйсунадиган бўлиб қолди, илгарги Биританияга малай бўлган Миср раҳбарияти ўрнига, энди Америка ювиндихўри бўлган раҳбариятнинг Ҳамас-Фатҳ ўртасидаги сохта ярашувга раҳнамо бўлишига рози бўлди.

 Ҳамас ҳаракати шуни тушуниб олса бўлардики, таклиф этилаётган сиёсий ярашув фақат қон тўкилишини тўхтатиш ярашувигина эмас ёки иккала ҳаракат ўртасида бир-бирини кечириш, муроса қилиш, ўзаро интиқом амалиётлардан воз кечиш ярашуви эмас, қабилавий ярашув ҳам, шахсий ярашув ҳам эмас. Йўқ, бу Миср раҳбарияти истаги билан Америка ва унинг халқаро ҳамжамияти раҳнамолиги остидаги миллий сиёсий лойиҳага иккала ҳаракатни ҳам ўзаро рози қилиш ярашувидир. Охир оқибат, бу Ҳамасни ҳам, худди Фатҳ ҳаракати каби, Фаластин масаласини йўқ қилиш ролини мукаммал адо этувчи роль ўйнашга яроқли ҳаракатга айлантиради. Бу эса, ўз навбатида, Ҳамас ҳаракати ҳам Америка ялоқхўри бўлган Фаластин режимининг сиёсий шеригига айланаётганини англатади.

Бу ғоят хавфли лойиҳа. Унинг асосий фарқли жиҳати шуки, бу яҳудийлар давлатини тўғридан-тўғри ёки зимдан тан олишдир. Чунки «икки давлат принципи» тан олиняптими, айни мақсадга етиб бориш учун узоқ вақтли сиёсий фаолиятларга аралашиляптими, тамом, бу яҳудийлар давлатини тан олишдан бошқа нарса эмас.

Бу лойиҳа учун Синвор каби раҳбарларни яратиш керак бўлди. Ахир, бу кимса қаҳрамонлик кўрсатиб, бўйинларни узиб ташлаш каби таҳдидли баёнотлар билан чиқиб, шу орқали айни янги йўлга рози бўлмайдиган Ҳамас раҳбарларини чўчитиб бериши керакда.

Ҳамас ҳаракатидан даҳшатли ёвузлик кўзланаётган экан, биз буни ҳаракатдаги биродарларимизга фош этиб, насиҳат қиламиз: ўз ҳаракатларини навбатдаги фитна тузоғига тушириш сценарийсига сукут қилмасинлар, бу Ҳамас ҳаракатини Фатҳ ҳаракати билан сохта ёлғон ярашувга шерик қилишдан иборат бўлиб, яраштирувдан бирдан-бир мақсад, уни ҳам илгари Фатҳ ҳаракати ботган хиёнат ботқоғига ботиришдир. Биз Ҳамас ҳаракати бундай гуноҳи азимга илашиб қолмайди, деган умиддамиз ва уларни бор овозлари билан Синвор баёнотига қарши чиқишга, уни қоралашга, Фаластин аҳли орасидаги уларга ишонч билдираётган мусулмонлар тўғрисида яхши гумонда бўлишга даъват қиламиз. Нафақат шуларга даъват қиламиз, балки уларни Пайғамбарлик минҳожи асосидаги рошид Халифаликни барпо этиш ҳаракати аскарларидан бўлишга сидқидилдан чақирамиз. Чунки рошид Халифаликда бу дунё ва у дунё куч-қуввати, саодати бор,  рошид Халифалик билангина мустамлакачи давлатлар ва уларнинг исломий юртлардаги малай ҳукмдорлари қўйган тузоқлардан қутқаради. Аллоҳ улар билан биргадир ва У солиҳ амалларини асло ҳисобсиз қолдирмайди.

Роя газетасининг 2017 йил 4 октябр чоршанба кунги 150-сонидан