بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Форс Кўрфази Ҳамкорлик Кенгаши давлатлари Шом аҳли ва мусулмонлар олдида қора юзини оқлашга уринмоқда

Форс Кўрфази Ҳамкорлик Кенгаши давлатлари Ҳалаб шаҳри ва маҳаллаларига ҳаво ҳужуми қилинаётганини қаттиқ қоралашини билдирди

Кенгаш бош котиби Абдуллатиф Зайёний – Кенгаш давлатлари Ҳалаб шаҳри ва унинг аҳолисига тинимсиз ҳужум қилинаётганини, маҳаллалари мунтазам равишда вайрон этилаётганини қаттиқ қоралайди, буни халқаро қонунларга, инсоний ва ахлоқий принципларга зид очиқдан-очиқ душманлик, деб ҳисоблайди, деди.

Унинг таъкидлашича, Кенгаш давлатлари халқаро ҳамжамиятни Ҳалаб фарзандларига ва барча Сурия шаҳарларига қарши турли тақиқланган қурол-яроқлар ёрдамида содир этилаётган жирканчли жиноятларни қоралашга чақиради ҳамда хавфсизлик кенгашидан Ҳалаб ҳужумини тўхтатиш ва Сурия аҳли қийинчиликларини енгиллатишга зудлик билан аралашишни талаб қилишини таъкидлайди. «Арабия нет».

Роя газетаси шарҳи:

Қани энди, бу Форс Кўрфази Ҳамкорлик Кенгаши давлатлари Ҳалаб аҳлига қарши содир этилаётган жиноятларни чиндан қоралашганда эди, қани энди, кўз ёшлари ёлғон кўз ёши бўлмай, Шом аҳли чекаётган азоб-уқубатларни, уларга қарши қилинаётган зулмларни даф қилишни, Ҳалаб ҳаво ҳужумларини тўхтатишни ростдан талаб қилганда эди Асад режими билан тил бириктиришмаган бўларди! Бу Кенгаш Америка малайи баасчи насирий режими билан, унинг олти йилга яқин вақтдан буён Суриянинг у чеккасидан бу чеккасига қадар содир этаётган жиноятларига сукут қилиш билан тил бириктирди. Ёки жангчи гуруҳларни бир-бирига қарши қайраб, аслида, ўзлари ағдариш учун чиқишган режимдан чалғитиш учун улар орасидаги айрим қўмондонларнинг сиёсий нопок маблағ билан алдаши билан тил бириктирди.

Кенгаш давлатларининг энг ёмон, хунук иши хавфсизлик кенгашидан Ҳалаб ҳужумларини тўхтатиш учун зудлик билан аралашишни талаб қилишларидир. Ҳолбуки, бу давлатлар балонинг сабабчиси ҳам, асл иллат ҳам мана шу хавфсизлик кенгаши эканини яхши билишади. Демак, Форс Кўрфази ҳукмдорлари ҳам Шом қўзғолонига қарши тил бириктираётганларнинг бир қисмидирлар. Улар қора юзларини оқлаш учунгина бундай эмасликларини иддио қилмоқдалар.

Роя газетасининг 2016 йил 5 октябр чоршанба кунги 98-сонидан