بِسْمِ اللهِ الرَّحْمٰنِ الرَّحِيم

Роя газетаси:

Жинояткор кафил давлатлар учлиги Шом қўзғолонини йўқ қилишга қаратилган АҚШ қўлидаги қуролдир

Доктор Муҳаммад Ҳивроний

Ҳизб ут-Таҳрир – Сурия вилояти

марказий алоқалар қўмитаси аъзоси

Муборак Шом қўзғолони бошланганига етти йилдан ошди ҳамки, унга қарши бутун куфр давлатлари, хусусан, АҚШнинг макру адовати ҳамон узилгани йўқ. Чунки Америка бу қўзғолонда ўзининг муҳим бир минтақадаги жойлашуви ва нуфузига нисбатан реал хавф борлигини, нафақат бир минтақа, балки ўзининг бутун дунёдаги нуфузига нисбатан таҳдид мавжудлигини англаб етди. Чунки ушбу қўзғолондаги яққол кўзга ташланган нарса Ислом бўлиб, у Аллоҳнинг байтларидан бошланди, «Аллоҳ учун, Аллоҳ учун», «Етакчимиз тоабад, саййидимиз Муҳаммад» каби шиорларни кўтариб чиқди.

Бу куфр давлатларининг Шом қўзғолонига макри турли шаклларда намоён бўлди ва барчасидан мақсад – қўзғолонни йўқ қилиш бўлди ва ҳануз шундай бўлиб турибди. Лекин бу шаклдаги макрлар ичида энг хавфлиси Остона тил бириктируви бўлди ва ҳатто ҳалигича шундай бўлиб қолмоқда. Чунки майдон ёлғондан хавфсиз ҳудудлар, деб аталган ҳудудларга бўлиб ташланди. Россия-Эрон-Туркиядан иборат жинояткор «кафил давлатлар» учлиги пайдо бўлиб, барчаларининг ягона мақсади АҚШ чизиб берган режани, яъни, қонхўр режимни ағдарилишдан сақлаб қолиш ва ҳудудларни бирин-кетин тиз чўктириб, назорат остига олиш режасини амалга ошириш бўлди.

Бу жинояткор учлик қутбининг ҳар бири айни шу жирканч режани амалга ошириш учун ўзларига хос томонни кафилликка олди. Масалан, Россия билан Эрон режимни мудофаа қилишни, уни тириклигини таъминловчи воситалар билан таъминлашни ва бирин-кетин ҳудудларни парчалаб ташлашида унга ёрдам беришни ўз кафиллигига олишди. Оқибатда, Ғута шарқи, Идлибнинг жанубий қисмидаги шарқий йўл, Хомс райони, Ҳиврон ва Қунайтира парчалаб ташланди. «Кафил» Туркияга эса, қўзғолончиларнинг ўша минтақаларни парчаланишига халақит берувчи ҳар қандай ҳаракатларини олдини олиш, уларни қуруқ ваъдалар билан алдаш вазифаси топширилди. Ҳатто у таши «зайтун» билан яшнаб турган, ичи эса, Шом аҳли ва уларнинг қўзғолони учун жаҳаннам олови бўлган «новда»ларни ихтиро қилди.

Ҳақиқатдан ҳам, бу «кафил» давлатлар уюштирилган режа доирасида назорат қилиш ва тинчлантиришдан нарига ўтишмаяпти. Бунга куни кеча Ҳалабнинг ғарбий қисмидаги Урумул Кубро шаҳрига қилинган ҳужум яққол далил… Рус самолётлари томондан нишонга олинган бу ҳужумда ўнлаб одам шаҳид бўлди ва яраланди. Ваҳоланки, айни ҳудуд Туркия режими кафиллиги остига киради. Хўш, бу давлатнинг кафиллиги қаерда, оддий қуролсиз фуқароларни ҳимоя қилмаяпти-ку?! Йўқ, бу кафиллик эмас, тил бириктирувдир. Унинг Шом аҳли ва қўзғолонларини йўқ қилиш устида душман билан қилинган фитна эканлиги аллақачон фош бўлган.

Дарҳақиқат, биз шунга гувоҳ бўлиб турибмизки, Америка режимнинг жанубда ҳаракат қилмаслигига кафолат берган эди. Ҳозир эса, бундан воз кечмоқда. Бу билангина кифояланмай, гуруҳларни жиловлаб олиб, уларни Ғута ва бошқа ҳудудларга ёрдам беришларига йўл қўймагандан кейин, энди уларга бор ҳақиқатни айтди. Американинг Аммондаги вакили уларга очиқчасига – сизлардан воз кечдик, сизларга ҳеч қандай ёрдам кўрсата олмаймиз, ўз тақдирингларни ўзларинг ҳал қилиб, режим билан қандай муомала қилишни танлаб олинглар, деди!

«Кафил» давлатларнинг бу тил бириктирувлар жанг майдонларини бир неча ҳудудларга бўлиб ташланишига олиб келди. Ҳар бир ҳудуд гуруҳи ўзини ўзи ўйлайдиган бўлиб қолди, режим ва унинг иттифоқчилари томонидан ҳар лаҳзада келаётган таҳдидлар олдида ўз хавфсизлигини қандай мудофаа қилишни ўзи ҳал этишдан ўзга иложи қолмади. Бу билан энди айни гуруҳлар қўзғолон бошланган пайтдаги ўзларининг «режимни ағдариш» шиорини бутунлай унутди қўйди… ҳар бир гуруҳ зора кўпроқ вақт яшаб қолсам, кўпроқ ютуққа эришсам, дея ўзининг тор доирадаги манфаатинигина ўйлайдиган бўлиб қолди!

«Кафил» давлатларнинг Идлиб борасида нимани кўзлаётганига келсак, бу – қўзғолон бошлангандан бери кофир давлатлар юрган умумий йўлдан юриб, ундан нарига ўтмасликдан иборат. Бу эса, қўзғолонни йўқ қилиш, минтақаларни қайтариб олиш ҳамда қонхўр режим қонунийлигини таъминлаш йўлидир. Буни Шом аҳлига яна илмонийликни зўрлаб тиқиштириш ҳамда куфр боши Америкага тобе режимни сақлаб қолиш орқали амалга оширишмоқчи. Бироқ бу баъзан сиёсий, баъзан эса, ҳарбий йўл билан ҳам амалга оширилиши мумкин. Шу боис руслар Идлибда кенг қамровли ҳарбий амалиёт бўлмаслигини билдирди!! Туркия режими эса, сиёсий амалиётлар орқали ифлос ролни ўйнайдиган бўлди. Яъни у қўзғолончи ва жангчи гуруҳларга босим ўтказиб, режимни провокация қилмасдан иш юритишга мажбур қилмоқда. Бунинг натижасида қўзғолончилар тузоққа илинади, албатта. Чунки бу нарса уларни ўз истак-иродаларидан маҳрум қилиб, ҳарбий қаршиликдан ожиз қилиб қўяди, бинобарин, анави машъум ва малъун ярашув остонасига қадам қўйишга мажбурлайди.

Шунинг учун мана шундай барча сиёсий ва ҳарбий ишларни бажарувчи томонлар, албатта уларга ҳушёрлик билан қарамоқлари, кафил давлатларнинг Америка қўлидаги қуроли эканини англаб етишлари зарур. Америка бу давлатлар орқали ўз мақсадини амалга оширишга, қўзғолонни йўқ қилишга ҳаракат қиляпти. Бунинг учун қўллаб-қувватловчи давлатларнинг, асосан, улардан кафил давлатларнинг ваъдаларига мутлақо ишонмаслик керак бўлади. Чунки бу давлатлар гуруҳларни ишни бажартириб, холис-ҳалол қўзғолончиларни йўқ қилдириб бўлишгач, тезда бу гуруҳлардан воз кечиб юборишади… Ўз ниятларига эришиб, нола қилаётган оддий инсонларга парво ҳам қилмай, дарҳол майдонни тарк этишади.

Шунинг учун қўзғолончилар, айниқса, холис қўзғолон аҳли мана шу айтганларимизга ҳушёрлик билан қарамоқлари ва ташаббус тизгинини қўлга олиб, Америка ва унинг малайлари пайига болта уришга ҳаракат қилмоқлари, қўзғолонни илк тарихига қайтармоқлари лозим. Бу эса, онгли сиёсий етакчиликни қабул қилмагунча асло амалга ошмайди. Зеро, бу етакчилик Уммат лойиҳасига, буюк Ислом лойиҳасига, Пайғамбарлик минҳожи асосидаги рошид Халифалик лойиҳасига эгадир. Бу лойиҳани тилга олишнинг ўзи, бутун куфр тахтини ларзага келтиради. Қўзғолончилар шунингдек, ўз мақсадимизни амалга оширишга ҳамда куч-қудратимиз ва улуғлигимизга қайтарадиган ушбу буюк Ислом лойиҳасини барпо этишга қаратилган аниқ-тиниқ йўлдан юришлари, муайян-ўзгармас асосларни маҳкам ушлашлари лозим.

Сўзимиз ниҳоясида шунга диққатни қаратмоқчимизки, Уммат ҳеч қачон умидсизликка тушмаган. Миш-миш тарқатувчилар нима демасин, вақт ўтгани йўқ. Чунки қўзғолон, юртнинг бир қарич ери ҳам озод этилмай туриб, аланга олган пайтда, режим арконларини титратган эди. Зотан, бу қўзғолон бирор шаҳар ёки ҳудудни талашиб оёққа тургани йўқ, балки фикрий-шуурий ўзгартиш учун қўзғалди. У ҳамон инсонлар юрагида олов бўлиб турибди, алҳамду лиллаҳ. Режим ва унинг ёрдамчилари эса, жуда ночор аҳволда. Бунга эронлик маслаҳатчининг «Агар Эрон билан Россия ўз кучларини олиб чиқиб кетса, террорчилар қайтиб келишлари аниқ», деган гапи далил бўлади. Бу гаплар бизга режим ўзининг сўнгги нафасини олаётганини билдирмоқда. Нусратга эришмоқ учун Аллоҳга нисбатан ростгўй бўлиш зарур. Бу ростгўйлик позициясини Аллоҳ учун холис турган зотлар танлаган бўлиб, улар Аллоҳ Субҳанаҳу ва Таолонинг манҳажини ер юзига қайта тиклашга ҳаракат қилмоқдалар… Зеро, Аллоҳнинг манҳажи зулму зулматга тўлган ерни нур ва адолатга буркайди.

﴿لِلَّهِ الْأَمْرُ مِنْ قَبْلُ وَمِنْ بَعْدُ وَيَوْمَئِذٍ يَفْرَحُ الْمُؤْمِنُونَ * بِنَصْرِ اللهِ يَنْصُرُ مَنْ يَشَاءُ وَهُوَ الْعَزِيزُ الرَّحِيمُ﴾

«Аввалу-охир барча иш Аллоҳнинг (измида)дир. Ўша кунда мўминлар Аллоҳ нусрат бергани сабабли шодланурлар. (Аллоҳ) Ўзи хоҳлаган кишисига нусрат берур. У қудрат ва раҳм-шафқат эгасидир»                                                                                [Рум 4-5]

Роя газетасининг 2018 йил 15 август чоршанба кунги 195-сонидан