بِسْمِ اللهِ الرَّحْمٰنِ الرَّحِيم

Матбуот баёноти

Америка Афғонистондаги мағлубиятини катта ёлғонлар ортига яширмоқда

Вашингтон Пост газетасининг ёзишича, у 2000 саҳифага етадиган яширин ҳужжатларни қўлга киритган. Бу ҳужжатлар Америка олиб борган 18 йиллик Афғон уруши ҳақиқатларини фош қилади. Уларнинг энг аҳамиятли жиҳати шуки, уларда Америка президентлари, вазирлари, дипломатлари ва генераллари Афғонистондаги урушни яширишгани ва у ердаги мағлубиятларини ғалаба сифатида кўрсатиб, ўз халқини алдаганликлари фош қилинган.

Бундан ташқари, ушбу ҳужжатлар Америка муассасалари ичида ички низо борлигини ҳамда Толибон билан тинчлик музокараларини ўтказиш учун Америка қуролли кучларига тинимсиз босим ўтказилаётгани фош қилади. Ундан ҳам даҳшатлиси, ушбу ҳисобот АҚШ ўзининг сиёсий позициясида қўллаётган алдов, ёлғон ва ҳақиқатни яшириш каби ишлар капиталистик мабданинг асосий иши эканини очиб беради. Америка ушбу мабданинг етакчиси сифатида алдаш, ёлғон ва ҳақиқатни яширишдан иборат мана шу ролни бошқа роллардан кўра афзал деб ижро қилаётган экан, юқорида айтганларимиз янада ёрқинлашади. Бу ҳақида капитализмнинг етакчи донишмандларидан бири шундай деган эди: «Битта ёлғонни яшириш учун минглаган ёлғонлар керак бўлади».

Капитализм номи билан танилган демократия сиёсий майдонни чўмилиш бассейни, деб таърифлайди. Чунки жамиятга шўнғишдан олдин сиздан қадриятларингиз, одобингиз ва садоқатингизни ташлаш ва фақат прагматик бўлиш талаб қилинади. Америка сиёсати макиавеллизм асосида юргизилади. Шунинг учун алдов, жиноят ва жамоатчилик фикри билан ўйнашиш етук маҳорат ҳисобланади ҳамда бунинг ҳеч қандай ажабланарли жойи йўқ.

Америка Афғонистонга қилган урушининг бошиданоқ катта ёлғонга асосланди. Америка террор ва наркотикларга қарши кураш, коррупцияга барҳам бериш ва миллатни тиклаш каби катта ёлғонлар орқали Афғонистонни босиб олди. Ҳолбуки, ҳеч қанча вақт ўтмай ушбу мунофиқ, жиноятчи ва мустамлакачи вужуднинг ҳақиқий башараси уларнинг ўзларининг эътирофлари орқали фош бўлмоқда.

Американинг Афғонистон ва Покистондаги собиқ элчиси Жеймс Доббинснинг айтган гаплари Американинг Афғонистонни босиб олиш ортидаги ҳақиқий ниятларини очиб беради. Элчи шундай деган эди: «Биз қашшоқ давлатларни бойитиш, репрессив давлатларни демократлаштириш учун уруш қилмаймиз. Балки зўравон давлатларни тинчликсевар давлатга айлантириш учун уруш қиламиз. Лекин Афғонистонда аниқ мағлубиятга учрадик».

Хотима, Афғонистон мусулмонлари шуни яхши тушунишлари лозимки, Афғонистон билан бўлган алоқасида ёлғон, алдов ва жиноятни асос қилиб олган давлатга стратегик ҳамкор сифатида қарамаслик керак. Балки унга нима мақсадда келган бўлса, ўша тарзда қараш лозимдир. Уларнинг сўнгги 18 йил ичида тузган иттифоқлари ва берган ваъдалари ёлғон ва алдовдан бошқа нарса эмас. Шунинг учун уларнинг ўтмишда берган коррупцияга барҳам бериш ва наркотикларга қарши курашиш ҳақидаги ёлғон ваъдалари билан тинчлик ўрнатиш ва урушни тугатиш ҳақидаги ваъдалари орасида фарқ йўқ.

Шунинг учун Афғонистон мусулмонлари демократик деб номланган бузуқ режимга ва уни бошқараётган кишиларга қарши туришлари лозим. Шунингдек, Америка бошлаган ҳар қандай амалиётларда иштирок этмаслик лозим. Токи, уларни ўз ёлғонлари туфайли Совет Иттифоқи каби қандай мағлубиятга учрашини кўрайлик ҳамда унинг аҳволини кўриб хурсанд бўлайлик. Бу иш рўй бериши учун Афғонистоннинг мусулмон ва мужоҳид халқи ўз ишларини ўзи бошқариши ҳамда ўз ақидаси ва қийматларига асосланган давлатини барпо қилиши лозим.