Ғарбни капитализм жарлигидан фақат Пайғамбарлик минҳожи асосидаги иккинчи рошид Халифалик давлатигина қутқара олади
بسم الله الرحمن الرحيم
Роя газетаси:
Ғарбни капитализм жарлигидан фақат Пайғамбарлик минҳожи асосидаги иккинчи рошид Халифалик давлатигина қутқара олади
Ғода Абдужаббор Умму Авваб
Шубҳасиз, бугун бутун дунёга чанг солаётган Ғарб сақофати инсон ақлини қаноатлантирадиган ва табиатига мос келадиган соғлом асосга қурилмади. Чунки у ўз мафкурасида ҳам, тафсилотларида ҳам муайян воқега реакция сифатида пайдо бўлди. Яъни бир томонда, черков ҳаёт ва жамият устидан ҳукмронлик қилиб, бошқарса, иккинчи томонда, файласуф ва муфаккирлар диннинг ҳаёт майдонида мавжуд бўлишини инкор этар эди… Иккала томоннинг бир-биридан фарқи, инсон ва ҳаётга нисбатан айрича кўзқарашга эгаликлари бўлди. Бунинг оқибатида, капиталистик мабда-система ва кейинчалик унинг тузумлари келиб чиқди. Шунинг учун Ғарб сақофати инсон муаммоларини ҳал этиш учун инсон ҳақиқатини унга инсон, деган эътиборда қараган ҳолда муҳокама қилмади. Балки бу сақофат инсон устидан, ҳали унинг воқеи ва унга нима фойдалигу нима зарарли экани ҳақида изланмасданоқ, ҳукм чиқарди. Бу мафкуранинг энг бузуқлиги, ундаги шахс мафкураси ва эркинликлардир. Зеро, Ғарб сақофатининг энг муҳим тушунчаси мана шу эркинликлардир.
Шунинг учун Ғарб эркинликларни дастак қилиб, шахсни истаган ишини қилишига жиловсиз қўйиб қўйди. Бу билан соғлом фитратни, жамиятлар поклигини ўзгартиришди. Иш мураккаблашиб кетгач, шахс эркинлигини чекловчи қонунлар ишлаб чиқиш орқали айни эркинлик тизгинини тортиб қўйиш йўлларини излашди. Ўзларининг инсон томонидан ўйлаб топилган бу қонунлари ва системалари ёрдамида ҳаракат қилиб, худди пичанга ўт кетгандек тез тарқаётган фасодни тўхтатиб қолишга муваффақ бўлишолмади. Фасод шу даражага етдики, Ғарб сақофатига мансуб аксар фарзандлар – шунча дабдабали ҳаёт кечишларига қарамай – қутулиш йўлини ўз-ўзини ўлдириш, деб топишди.
Бу сақофатда жамият формуласи эркинликларга ва таълим дастурига мос келади. Эркинликлар ахборот воситаларида тинмай тарғиб қилинса, таълим дастури ёшларни фаҳшга оддий иш, деб қарайдиган ва поклигу иффат нима эканини билмайдиган қилиб тарбиялайди. Бундан ташқари, инсон томонидан ўйлаб топилган қонунлар ярим яланғоч юришга, эркак-аёл аралаш бўлишига, маст қилувчи ичимликлар билан гиёҳванд моддалар истеъмол қилишга рухсат беради. Яъни, ақлни ишдан чиқаришга ҳаракат қилади. Шу боис аксар оталар ўз хотинларига, оналарига ва болаларига қасддан озор етказадиган бўлиб қолишган. Кўпчилиги уларга жисмонан зарар етказиб, касалхонадан чиқмайдиган қилиб қўйган. Баъзиларини доимий жароҳат етказиб, майиб-мажруҳ қилиб қўйганини кўрсак, яна бошқаларини ўлдириб юборганига ҳам гувоҳ бўляпмиз.
Муаммони таъмирлаш-ямоқ солиш билан ҳал этиш учун оилавий зўравонликлар оқибатларини бартараф қилувчи жамиятлар очилган. Масалан, АҚШда 1989 йил очилган бу каби жамиятлар оилавий зўравонлик қурбони бўлган аёллар ва болаларга жисмонан ёки руҳан реабилитацион ёрдам кўрсатиш билан шуғулланади. Бунинг сабаби, АҚШ ичкарисида кенг тарқалган ва ижтимоий хавфсизликка таҳдид солаётган кўплаб муаммоларга бориб тақалади.
Бу жамиятнинг асосий мақсади аввало она ва болаларни оилавий хавфдан ҳимоя қилишга қаратилган. Чунки бу хавф Ғарб оилалари аъзоларини чор атрофдан қуршовга олиб, уларнинг хавфсизлиги ва соғлигига жиддий хатар туғдириб, бинобарин, ажралиб, бошқа-бошқа бўлиб кетишларига асосий сабабдир.
АҚШ полицияси пухта тартибда ўтказган статистика хулосаларига назар солсак, оила зўравонликлари қурбонлари сони 2928 нафарни ташкил қилганига, вафот этган аёлларнинг 20 %и эрлари томонидан ўлдирилганига гувоҳ бўламиз. Бир вақтнинг ўзида, биз оилавий зўравонликларда миллионлаб хотин-қизларнинг ўқ отар қуроллар қўлланиши натижасида ҳалок бўлганини, алалоқибат, Америка штатларидаги оила хавфсизлиги издан чиқиб, тинчлик, меҳр-муҳаббат ва ором маскани жиноятлар инига айланганини кўриб турибмиз.
Бунинг муқобили ўлароқ, Ислом раббоний аҳкомлар билан оила ва жамиятни муҳофаза қилади, парваришлаб, андак тойилишдан ҳам асрайди. Аммо бу очиқ ҳақиқатни ғарбликларнинг кўпчилиги тушунмайди. Чунки тушунишни истамайди, хусусан, ақлларига аёл фарзандлар учун ҳам мураббия, ҳам намуна, деган ҳақиқатни кириб боришига йўл қўймайди.
Ислом қонунчилиги капитализм пайдо бўлиб, эркинликлар, деган вабо кенг тарқалгандан бери хотин-қизлардан тортиб олинган барча нарсани қайтариб берди. Аммо хотин-қизлар душманлари – Ислом хотин-қизларни эркинликдан маҳрум қилди, дейишаётган экан, аслида, бу эркинлик эмас. Чунки улар чиқарган қонун, эркинлик, деган иддао билан хотин-қизларни бозорда чўри қилиб сотиладиган товарга айлантирди. Улар аёл киши танини савдо растасига қўйишди, унинг сақланиши керак бўлган барча нарсасини ҳам қолдиришмади. Шунинг учун аёл суратини, айниқса, ҳаёдан мутлақо йироқ шармандали суратларини, ўзларининг барча савдо рекламаларига жойлаштириб олишган. Буларнинг барчасидан аёлни тана ва жинсий товарга айлантириб қўйишганини кўрамиз. Мисол учун, савдо рекламаларининг 60 %ига аёл киши танаси сурати жойлаштиришади. Америкада чиқадиган «Glamour» номли хотин қизлар журналининг битта сонининг ўзида ва шу битта сонининг 65та жойида аёл кишининг шармандали суратлари жойлаштирилган. Шубҳасиз, бу уларнинг эркинлик борасида яшираётган ҳақиқатни, яъни хотин-қизлар уларда фақат бизнес воситаси, холос, деган ҳақиқатни фош этмоқда.
Мана, кўриб турибмизки, улар хотин-қизлар эркинлиги уларнинг танасида, бинобарин, танасидан ўзи истаган тарзда фойдаланишида, деган даъвони қилишяпти. Бу эса, на ақлга тўғри келади, на табиатга. Зотан, Ислом аёл кишини дурга айлантирди, бу дурни шаръий либос қонунчилиги билан ҳимоя қилди, фаҳш ва мункар ишларга ундовчи хилват ва эркак-хотин аралаш бўлиш каби ишлардан мутлақо йироқ тутди, жинсий майлни қондириш йўлини фақат никоҳга боғлаб қўйди. Бу йўл билан Ислом аёл кишини хорлик ва таҳқирдан ҳимоя қилди ҳамда уни эркаклар учун осонгина қўлга киритиладиган мато бўлиб қолишдан сақлади. Балки Аллоҳ Субҳанаҳу томонидан мустаҳкам боғланган шаръий арқон, яъни, Никоҳга чеклаб қўйди. Шунга асосан, оила биноси ғоят пухта пойдеворга қурилиб, у ерда инсонлар кўпаяди, ижтимоий муносабатлар келиб чиқиб, оила муҳаббат ва раҳм-шафқат билан жипслашади, энг муҳими, бу оилани ота-онани ҳурмат қилиш ва эр раҳбарлиги каби энг кучли тушунчалар маҳкам боғлаб туради.
Сўзимиз ниҳоясида шуни таъкидлаймизки, аёл кишини тизгинсиз қўйиб қўйган Ғарб эркинлиги аёлнинг ўзига, оиласига ва жамиятга қаттиқ салбий таъсир кўрсатди. Бу нарса жамиятнинг асоси бўлган оилани йўқ қилиб, уни эркинликлар сабабли фақат талаб-майлга айлантириш орқали амалга ошди. Бугун Ғарб аёллари эришган эркинликлар уларнинг фаоллигини йўқ қилди ва золимлар асрига қайта олиб бориб қўйди. Бу нарса психологик хавотирланиш ва руҳий бўшлиқнинг кенг ёйилиши билан бутун жамиятда акс этмоқда. Ҳолбуки, руҳий бўшлиқни инсон табиатига мувофиқ келадиган ва ақлини қаноатлантириб, дилини хотиржам қиладиган ечимлардан бошқа нарса тўлдиролмайди. Зеро, булар Ислом ечимлари бўлиб, уни Пайғамбарлик минҳожи асосидаги иккинчи рошид Халифалик давлати татбиқ қилади ҳамда бутун Ғарб аёлларини ва бутун башариятни капиталистик сақофат зулматидан қутқаради.
Роя газетаси сайтидан олинди
