Ғазо Ғарб демократияси биносини тамомила қулатди
Ғазо Ғарб демократияси биносини тамомила қулатди
بسم الله الرحمن الرحيم
Агар Ғарб демократиясини бир бинога қиёслайдиган бўлсак, аввало бу бино пойдеворининг заифлиги, шунингдек, ташқаридан келган кетма-кет зарбалар сабабли қулаш арафасига келиб қолган эди. Мана, Ғазо воқеалари Ғарб демократиясига бутун дунё кўз ўнгида ҳал қилувчи зарба бўлиб тушди ва уни батамом қулатди. Чунки капиталистик демократияни татбиқ қилувчи Ғарбнинг Англия, Франция, Германия каби йирик давлатлари, айниқса куфрбоши Америка демократик қадриятларини қайта униб чиқмайдиган қилиб ўз қўллари билан дафн қилишди. Бу ўринда гап улар оғиз кўпиртириб гапирадиган ва бутун дунё давлатларини унга риоя қилишга чақирадиган “инсон ҳуқуқлари”, “аёллар ва болалар ҳуқуқлари” каби улар “муқаддас” санайдиган принциплар ҳақида кетмоқда. Албатта, сўнгги беш ой ичида Муборак Фаластиндаги воқеаларгача ҳам уларнинг бундай даъволари тамоман пучлиги, бу бор-йўғи заиф давлатларга босим қилиш, уларни мустамлака қилиб, ўз нуфузи доирасида ушлаб туриш ва бойликларини талон-тарож қилишнинг бир воситаси эканлигини барча ақли расо одамлар яхши тушунар эди. Бироқ буни тушуна олмай, мустамлакачи кофир давлатлар ва уларнинг демократиясини асл башарасини кўра олмаётган одамлар ҳам кўпчиликни ташкил қиларди. Ғазо ана шу кўпчиликнинг ҳам кўзини мошдек очиб қўйди, десак муболаға бўлмайди.
Масалан, Америка уйғур мусулмонлари масаласини халқаро даражада кўтариб, Хитойни жавобгарликка тортишга уринганини кўриб, “мана, шунча мусулмон давлатлар оғзига толқон солиб турганида Америка мусулмонларни ҳимоя қиляпти” дея олқишлаган мусулмонлар талайгина топилди. Бироқ улар тушунишмадики, Америка Хитой билан рақобат қилишда уйғур мусулмонлари масаласидан босим қилиш ричаги сифатида фойдаланмоқчи бўлди холос. Аслида, Америка учун бошқа халқлар, айниқса мусулмонлар тақдири сариқ чақага ҳам арзимайди. У фақат ўз манфаатига тўғри келсагина, гўёки золимдан ҳимоя қилувчи “қаҳрамон” сифатида ўртага чиқади. Манфаати рўёбга чиққанидан кейин эса “қаҳрамон”лиги ҳам ниҳоясига етади.
Бунга Украинани ҳам мисол қилиб келтириш мумкин. Агар Америка Украина халқига жони ачигани учун ёрдам беряпти, дейдиганлар ҳозир ҳам топиладиган бўлса, демак, улар жуда содда, гўл одамлардир. Негаки, айнан Америка ўзининг провокацион баёнотлари билан гижгижлаб, Россияни Украинага ҳужум қилишга мажбур қилди. Буни воқеалар ривожини юзаки кузатиб бораётган одам ҳам бемалол тушуна олади…
Биз бунга чуқур киришиб эътиборингизни чалғитмаймиз-да, асосий мавзуга қайтамиз. Тўғрироғи, Америка ва йирик Ғарб давлатлари ўзлари эътиқод қилиб келган ва бошқа давлатларга ҳам тиқиштираётган бадбўй демократиясининг қабристонига айланган Ғазога қайтамиз. Энди бу ердаги қурбонларга қаранг, лаънати яҳудлар беш ой давомида тинч аҳолини қатли ом қилиши натижасида ҳалок бўлганлар сони 30 мингдан, жароҳат олганлар эса 70 мингдан ошиб кетди. Тирик қолганлар ҳам озиқ-овқат, тиббий хизмат, ичимлик суви, энергия манбалари – хуллас ҳамма нарсадан маҳрум ҳолда қолишяпти. Улар ҳам “секин ўлим”га маҳкум қилиняпти… Албатта, лаънати яҳудий сионист режимининг бундай кўз кўриб, қулоқ эшитмаган шафқатсизлик ва пасткашлик билан мусулмонларни ҳеч бир тўсиқсиз, бемалол қирғин қилишига ана шу Ғарб давлатлари ва улар ўйлаб топган халқаро капиталистик система йўл қўйиб беряпти. Солиштириш учун Россия-Украина урушини оладиган бўлсак, икки йил давомида 10 мингдан ошиқ тинч аҳоли ҳалок бўлган, яраланганлар 20 мингга яқинни ташкил қилган. Эътиборлиси, бутун Ғарб матбуотидан тортиб расмийларигача дунёга жар солиб, Россия агрессиясига қарши чоралар кўришди, кетма-кет санкциялар қўллашди, Украинага молиявий ва ҳарбий ёрдамларни беришди ва беришмоқда… Энди Ғазодаги тинч аҳоли, айниқса аёллар ва ёш болалар қатли ом қилинганда эса, кеча “инсон ҳуқуқлари, аёллар ва болалар ҳуқуқлари” ҳақида жар солаётган сохта қаҳрамонлар бошқача сайрашни бошлашди. Гўё анави яҳуд вужуди “ўзини ҳимоя қилиш” ҳуқуқига эга эмиш. Нақадар иккиюзламачилик! Юзсиз Ғарбнинг икки хил стандартли сиёсати кўрга ҳам, карга ҳам кундек равшан бўлди-қолди. Бу борада, хусусан Американинг мусулмонларга нисбатан нақадар нафрати кучли эканлиги янада очиқ кўринди. Масалан, Оқ уйнинг стратегик алоқалар бўйича координатори Жон Кирби брифинглардан бирида шундай деди: “Исроилликлар Ғазода тинч аҳолини ўлдириш, қийноққа солиш ва зўрлашни уруш мақсадига айлантирмаяпти. Бу уларнинг режаларига кирмайди. Улар тинч аҳолини қасддан ўлдиришга уринмаяпти”. Ваҳоланки, сионист режимнинг қатор расмийлари фаластинликларни ҳатто одам ўрнида кўрмасликларини, балки ҳайвонга қарагандек қарашларини яширмай, очиқдан-очиқ жар солишяпти. Ижтимоий тармоқлар қўрқоқ яҳуд аскарларининг мусулмонларга нисбатан нафратлари, айниқса аёллар ва ёш болаларни асосий нишонга айлантириб олганлари акс этган фактларга тўлиб ётибди… Ғарбнинг йирик давлатлари – Англия, Франция, Германия ҳукуматлари ҳам сионист яҳудий режимини ҳимоя қилиб, қўллаб-қувватлашда Америкадан қолишмаяпти. Шунингдек, икки хил стандартли сиёсат уларнинг сўзларида ўз аксини топяпти. Масалан, Еврокомиссия вице-президенти Жозеп Боррелнинг бир интервьюсидан қисқача парча келтирамиз:
Бошловчи: Сиз ХАМАСнинг 7 октябрдаги ҳужумини террористик акт деб ҳисоблайсизми?
Боррел: Ҳа.
Бошловчи: Сиз (Исроил)нинг тинч аҳолини бомбардимон қилишини қирғин (ёки қатли ом) деб биласизми?
Боррел: Бунга ҳуқуқий баҳо бериш учун юристлар бор, мен юрист эмасман.
Бошловчи: Қизиқ-ку, ундан аввал ХАМАСнинг ҳужумини террористик ҳуруж деб ҳеч иккиланмай тасдиқладингиз, (Исроил)нинг тинч аҳолини қирғин қилишига эса ҳуқуқий баҳо бера олмайман, чунки мен юрист эмасман, деяпсиз?
Боррел: …
Ҳа, Боррел бу саволга жавобан фақат тиржайиш ва сукут сақлашдан бошқа ҳеч нарса дея олмади. Мана шу Ғарбнинг ҳақиқий башараси бўлади! Унинг на инсонийлиги бор, на бирор муқаддас нарсаси! Унинг учун ягона муқаддас нарса бу – манфаат!
Шунингдек, Ғарб демократияси шу қадар жирканч, шу қадар абсурд ҳолатга етиб келдики, уни кўриб ҳатто мусулмон бўлмаган халқларнинг ҳам энсаси қотмоқда. Улар ўз ҳукуматларидан Ғазо қирғинини зудлик билан тўхтатиш бўйича қатъий чоралар кўришни талаб қилиб, юз минглаби норозилик намойишига чиқаётганига қарамай, бу ҳукуматлар ушбу талабларни эътиборсиз қолдиришяпти, ҳатто бу билан ҳам кифояланмай, митингларни куч билан тарқатяпти ва иштирокчиларни ҳибсга оляпти. Ҳолбуки, тўртта ЛГБТ чиқиб олиб, ўз ҳуқуқини талаб қилгудай бўлса, “жинсий озчилик ҳуқуқларини ҳимоя қилиш бурчимиз” дея зудлик билан уларнинг талабларини қондиришяпти. Ёки Қуръон ёққанларни, Пайғамбаримиз ﷺни таҳқирлаётганларни “сўз эркинлиги” дея ҳимоя қилишяпти… Ғарб халқларининг норозилиги шу даражага бориб етдики, куни кеча америкалик бир аскар “Ғазо геноцидида ортиқ иштирок этмайман” дея ўзини ёқиб юборди. Бу халқлар ўз ҳукуматлари бутун дунё кўз ўнгида жуда шармандали аҳволда қолганлигидан жуда уялишаётган кўринади. Ва бу иш уларнинг тарихида улкан қора доғ сифатида қолишини ҳам яхши англаб турганларини кўрсатади. Бироқ уларнинг ҳукуматлари буни билмаяпти ёки ўзини билмаганга оляпти.
Бизнинг бу гапларимиз ўзини мусулмон ҳисоблагани ҳолда Исломга эътиқод қиладиган халқимизга Ғарб демократиясини кўр-кўрона татбиқ қилишга зўр бераётган ҳукуматга қаратилган. Шунингдек, Ғарбнинг заҳриқотил демократияси кўзини кўр қилиб, унга ҳали ҳам ишонаётган инсонлар, айниқса зиёли қатламга қаратилган. Ўзликни англаш ва кўзларни очиш вақти келди, агар шундан кейин ҳам бу бадбўй демократияни татбиқ қилиш ва унга ишонишда давом этаверсангиз, сизга ҳеч қандай узр қолмайди. Аллоҳ ҳисоб-китоб учун бутун одамзотни йиққан пайтда зиён кўргувчилардан бўлиб қоласиз. Бу дунё ҳаётида эса, юзингиз шувит бўлиб, танг-бахтсиз ҳаётга мубтало бўлишингиздан огоҳлантирамиз!
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ ﴿١٢٤﴾ قَالَ رَبِّ لِمَ حَشَرْتَنِي أَعْمَىٰ وَقَدْ كُنتُ بَصِيرًا قَالَ كَذَٰلِكَ أَتَتْكَ آيَاتُنَا فَنَسِيتَهَا ۖ وَكَذَٰلِكَ الْيَوْمَ تُنسَىٰ
– “Ким Менинг эслатмамдан юз ўгирса, бас, албатта унинг учун танг-бахтсиз ҳаёт бўлур ва Биз уни Қиёмат Кунида кўр ҳолда тирилтирурмиз. У: “Парвардигорим, нега мени кўр қилиб тирилтирдинг, ахир кўрар эдим-ку?!” деган эди, (Аллоҳ) айтди: “Шундай. Сенга Бизнинг оят-мўъжизаларимиз келганида уларни унутдинг. Бугун сен ҳам ана шундай “унутилурсан””. (Тоҳа:124-126)
Ҳизб ут-Таҳрир Ўзбекистон матбуот бўлими аъзоси Форуқ
07.03.2024й
