Бугун саҳоба р.а. лар давридагидек шижоат кўрсатиш даври

بِسْمِ اللهِ الرَّحْمٰنِ الرَّحِيم

Бугун Ислом Давлати йўқ. Бу гапни тўғри тушунган бўлсангиз ҳам, бошқача тушунишга ҳаракат қилсангиз ҳам ёки кимдир айлантириб, ўргилтириб бугунги “давлат”чаларни исломий қилиб кўрсатаётган бўлса ҳам, фарқи йўқ, гап шу, бугун Исломий Давлат йўқ. Бу мавзуимиз орқали Исломий Давлат йўқлигини исботлашни назарда тутмадик. Чунки ҳужжатлар етарли даражада келтирилди, кўрнинг ҳам кўрадиган одамлардек тасаввурини уйғотадиган даражада исботланди, лекин кўзини ва қулоқларини очишни истамаганларгина ҳеч нарсани тушунишни ҳам, кўришни ҳам, эшитишни ҳам истамай туриб олдилар. Уларга ҳар қанча ҳужжат келтирилса ҳам, исботлаб берилса ҳам етарли бўлмади. Шунинг учун биз Ислом Давлати бугунги кунда йўқ эканлигини исботламоқчи эмасмиз.

Ислом Давлати йўқ экан, унда қандай ҳаракат қилишимиз керак, деган савол туғилиши табиий. Бу саволга жавоб топиб, шу жавобга мувофиқ ҳаракат қилаётганлар ҳам бор, Аллоҳ уларни Ўзи рози бўладиган йўлда давомли қилсин!

Ҳар бир мусулмон ҳар қандай амалини бажаришда ёки ҳар бир муаммосига ечим излашда Ислом шариатига мурожаат қилиши шартдир. Шу жумладан яна бир нарсага эътибор қаратамизки, саҳоба р.а. лар шариатни ҳаётларига татбиқ қилишган ва бу борада барча мусулмонларга то қиёматга қадар ибрат бўладилар. Энди муаммо нима ва бу муаммога шариат қандай ечим берганлигини саҳоба р.а. лар ҳаётига қараб билиб олайлик.

Муаммо Исломнинг тўлиғича ҳаётга татбиқ қилинмаётганлиги. Яъни Исломий Давлатнинг йўқлигидир. Демак, мусулмонларнинг устида Исломдан бошқа қонуният татбиқ қилинмоқда. Саҳобалар ўз устиларида Исломдан бошқаси татбиқ қилинишига рози бўлишмади. Росулуллоҳ с.а.в. билан биргаликда Исломни татбиқ қилувчи давлат қуришга ҳаракат қилдилар. Бу ҳолат Ислом татбиқ қилинмаётганлиги нуқтаи назаридан қаралганда бизнинг бугунги ҳолатимизга тўғри келмоқда. Чунки бизнинг бугунги кундаги энг катта муаммомиз Исломнинг татбиқ қилинмаётганлигидир.

Шунинг учун айтиш мумкинки, бугун умматга яна саҳобаларнинг шижоатидек шижоат кўрсатадиган фарзандлар керак бўлмоқда. Худди умматни зулмат қоронғусидан зиёга олиб чиқишганидек, бугунги умматга ҳам куфр ботқоғидан қутқариб, Ислом ёғдусидан баҳраманд қилдирадиган оташин шижоаткорлар керак. Ана шунда, балки Аллоҳ Таоло бундай шижоаткор бандаларини Жаннатда саҳоба р.а. лар билан бирга бўлишини насиб қилар, ин ша Аллоҳ!

Ҳизб ут-Таҳрирнинг Ўзбекистондаги медиа офиси. Абдуллоҳ

08.01.2020й