بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Демократия Миср аҳли билан ўйнашиб, хоҳлаган тарафига уларни ўзгартиришга уриняпти

Ҳомид Абдуллоҳ

Капитализм ақидаси динни ҳаётдан ажратувчи мабда-система. Бу системадан учта тузум келиб чиқади: сиёсий ҳаётни тартиблаштирувчи демократия, иқтисодий ҳаётни тартиблаштирувчи сармоядорлик ва ижтимоий ҳаётни тартиблаштирувчи эркинликлар. Демократия инсонлар ишларини динни ҳаётдан ажратиш нуқтаи назаридан туриб бошқаради. Бу эса, муносабатлар устидан манфаат ҳукмрон бўлишига ҳамда инсонлар, жамиятлар ва давлатлар ўртасидаги олий қадриятларнинг кўринмай кетишига олиб келди.

Воқеда капиталистик давлатларда, асосан, Америкада айнан шу нарса мавжуд. Мисол учун, Америкада сайловлар «баллар тизими» ёки шахслар каби механизмга асосланган бўлиб, йирик монополист ширкатларга сайлов натижалари устидан ҳукмронлик қилишларига, уни ўз манфаатлари томонга буриб олишларига имкон беради. Модомики, Америкада аҳвол шу экан, демак, унга тобе давлатларда ундан-да баттар!

Мисрда ўттиз йил мобайнида сайловлар натижалари доим 99 % Ҳусни Муборак фойдасига бўлди. 25 январ қўзғолонидан сўнг ҳамда Миср аҳли қалбига ўтириб қолган қўрқув парчалангач, сайлов қутиси Исломни татбиқ қилади, дея гумон қилинган кишини олиб келди. Бу эса, исломий ҳис-туйғу одамларда сезиларли даражага кўтарилганини англатди. Ана шунда Америка ўзининг мабдаси ва манфаатларига нисбатан хавф-хатарни ҳис қилди ва бунга қарши пистирма қўйди, динни ҳаётдан ажратиш бўлган куфр доирасида сиёсий ҳаётни сақлаб қолиш учун Миср ичкарисидаги ҳамма энергияси, агент ва малайларини ишга солиб, заиф Ихвонул Муслимин ҳукуматини ағдарди, унинг нуқтаи назари бўйича бу ҳукумат заиф эди, капиталистик тузумни ҳам, Америка манфаатларини ҳам, яҳудийлар давлати манфаатларини ҳам муҳофаза этиш қўлидан келмайдиган ҳукумат эди. Унинг ўрнига, ҳарбий разведкада ишлаган Сисийни олиб келди, уни «Мисрни сотган ихвончи хоинлар»га қарши ишончли вакил, дея одамларни алдаб олиб келди. Америка бу «ишончли вакил»и йўлида қанча-қанча қонларни тўкди, эркинликларни йўқ қилди, сўнг уч имтиёзни: президентлик сайловлари, конституцияга оид референдум ва парламент сайловларини рўёбга чиқаришга киришди. Аммо буларнинг ҳаммаси муваффақиятсиз чиқди, чунки уларда сайловчилар жуда оз қатнашди. Шундай қилиб, демак, конституция ҳам, парламент ҳам, президент ҳам кўпчилик халқ овози билан сайлангани йўқ. Балки президентлик сайловида қатнашганлар нисбати биринчи ва иккинчи кунларида 15 %дан нарига ўтмади! Натижада, Миср халқига ахборот қўзғолони уюштирилиб, қўрқитилгач, сайловни учинчи кунга чўзишга мажбур бўлишди. Халқни гоҳ ихвончилар ва «терроризм»ни олабўжи қилиб кўрсатиш орқали, гоҳ сайловларда иштирок этмаганларга жарима солиш билан қўрқитишди… ана шунда натижа 47 %га етди. Конституцияга оид референдум ва парламент сайловлари натижалари ҳам шунга яқин бўлди.

Ихвон муслимин жамоатининг юртни бошқаришдаги муваффақиятсизлиги, Сисийнинг иқтисодни кўтариш, одамлар аҳволини яхшилаш ва уларни юксалтириш ҳақида бераётган турфа хил ваъдалари манзарасида сайловларнинг аҳволи шу бўлса юртнинг иқтисодий, сиёсий ва маънавий даражаси пасайган бир пайтда сайловлар натижаси қандай бўлади?! Оддий мисрликлар бошдан кечираётган қимматчилик, хавфсизлик ходимлари Миср аҳлидан кўпчилигига зулм ва зўравонлик қилиши, ахлоқий бузуқликлар қўпайди, юртни ва муассасаларни қамраб олган коррупция  иқтисодий, сиёсий ва маънавий аҳволнинг бир кўринишидир… Буларнинг барчаси Сисий халқчиллигини энг тубан даражага тушириб юборди. Демак, мана шундай аҳволда сайловлар ўтказиш ғоят қалтис бўлиб, ҳаргиз Сисий манфаатига хизмат қилмайди, ҳатто улар шаффоф тарзда ўтказилса ҳам, оқибатлари ҳавас қилмайдиган даражада авантюра билан тугаса ҳам, натижалари устида ўйин қилинса ҳам, фарқсиз, унинг фойдасига хизмат қилмаслиги аниқ. Аксинча, Сисий режимини янада шармандалиги очилавериши, одамларда қўрқув девори иккинчи марта ағдарилиб, Америка манфаатларига таҳдид солиши турган гап. Шу боис сайловлар кризисидан қутулиш учун Америка ва унинг мисрдаги ювиндихўр режими олдида парламентни ишга солишдан, яъни парламент орқали тўрт йиллик президентлик муддатини етти йилга ўзгартиришдан ўзга йўл қолмади… Зеро,  аслида, бу парламентни ҳукмдор қарорини ёлғон ва бўҳтон билан халқ номидан чиқариш учун тузишган. Чунки Америка ҳамон Сисийга муҳтож бўлиб турибди, хусусан, хавфсизлик хизмати чангали орқали Америка ва унинг ширкатлари Миср аҳли томирларида қолган қонларни ҳам сўриб тугатишмоқчи ва бунинг учун Халқаро Валюта Фондидан фойдаланишмоқчи. Шунингдек, Америкага Сисий унинг халқаро сиёсатини ижро этиш учун ҳам керак. Бу сиёсат Ливия бойликларига ҳукмронлик қилишда ҳамда Пайғамбарлик минҳожи асосидаги Халифалик лойиҳаси сабабли Обаманинг сочини оқартириб ташлаган Сурия қўзғолонига якун ясашда гавдаланади. Фаластин масаласини Американинг минтақадаги манфаатларига хизмат қиладиган тарзда ҳал қилиниши ҳам шу сиёсатнинг бир қисмидир.

Шу тарзда Америка ўзининг малайлари ёрдамида Миср аҳли устидан демократия ўйинини ўйнаб, ё Сисийни президентлик муддатини узайтиради ёки ўрнига бошқа малай олиб келади. Муҳими, Мисрда капиталистик куфр тузуми ҳукмрон бўлиб, манфаатлари сақланиб қолиши шарт.

Муаммо, Сисийнинг президентлик муддати узайтирилиши ёки ўрнига бошқасининг келишида эмас. Муаммо юрт ва фуқаро танасига зулукдек ёпишиб олган капиталистик тузумда, Уммат душманларига хизмат ва итоат қилиш учун унинг бирин-кетин келаётган раҳбарлар томонидан татбиқ этилаётганида. Бу малай раҳбарлар Ғарб қўлидаги қўғирчоқ, улардан истаганини муддатини узайтириб сақлаб қолади, истаганини тарих ахлатхонасига улоқтириб ташлайди. Саддам, Қаззофий, Ибн Али, Ҳусни Муборак ва улардан олдинги Эрон шоҳи каби. Дарвоқе, Эрон шоҳининг ўзи «Америка мени ўлик сичқонни деразадан ташқарига улоқтиргани каби улоқтириб ташлади», деган эди.

Шунинг учун мусулмонларнинг қайта ривожланишлари учун, мана шу режимни ағдариб, Аллоҳ буюрган рошид Халифаликни барпо этиш орқали исломий ҳаётни қайта бошлашдан ўзга йўл йўқ. Чунки Халифалик Ислом ақидасидан балқиб чиққан сиёсий тузумдир. Бу тузум хўжайинликни Аллоҳга беради. Ҳокимият эса, Умматникидир. Уммат раҳбарни сайлайди, раҳбар хўжайинликни Аллоҳга беришда давом этар экан, ҳоким бўлиб қолаверади. Хўш, қай бири яхши, мана шундай Халифалик тузуми яхшими ёхуд хўжайинликни инсонга берадиган, ҳокимиятни Уммат душманларига топширадиган, бу душманлар Уммат тақдири билан ўйнашиб, унинг устидан ўзлари истаган кимсани раҳбар қиладиган капиталистик тузум яхшими?!

http://telegram.me/hizbuzbekiston

Роя газетасининг 2017 йил 6 сентябр чоршанба кунги 147-сонидан