Девоннинг янги раҳбари ва муфтий мурожаати ҳақида
Девоннинг янги раҳбари ва муфтий мурожаати ҳақида
بسم الله الرحمن الرحيم
Ўзбекистонда энг катта шов-шувларга сабаб бўладиган ва қилмишлари кенг муҳокама қилинадиган соҳа вакилларини ҳокимлар дейиш мумкин. Шавкат Мирзиёев ҳокимиятга келганидан кўп ўтмай, ҳокимларни ўзининг жойлардаги вакили деб эълон қилди ва ДХХ ҳамда прокуратурани уларга тегмаслик ҳақида огоҳлантирди. Оқибатда порахўрлик ва молиявий жиноятлар бир кишига (асосан ҳоким ўринбосарига) юкланиб давлат ва халқ мулкларини талон-тарож қилиш ҳолатлари ортди. Бундан ташқари, ҳокимларнинг жойлардаги сиёсий, иқтисодий, ижтимоий муаммоларни ёритган журналист ва блогерларни қаматгани ва мунтазам босим қўллаб келаётгани кузатилмоқда. Давлат Илоҳий низом асосида бошқарилмагани учун қайси тизимга озгина ҳуқуқ берилса, улар тарафидан халқ мулкини талаш ва зулм-зўравонликни қўллаш ҳолатлари авж олди.
Халқнинг ҳокимлар устидан арз-доди ва уларнинг тўраларча иш юритиши хориж матбуотида акс этгач, Андижон, Асака, Пахтаобод, Фарғона ва Миробод туманлари ҳокимларини ишдан олиш ва Сурхондарё вилоят ҳокими Тўра Боболовга жарима интизомий жазо чорасини қўллаш тўғрисидаги президент қарори чиқди. Таажжублиси шундаки, мазкур қарор эълон қилингач, уни чиқарган одам эмас, уни ўқиб эшиттирган Сардор Умурзоқов халқ тарафидан олқишланиб кўкларга кўтарилди. Аллақачон қамоқ жазосига ҳукм қилиниши керак бўлган бу ҳокимларни ишдан олган Мирзиёев бўлишига қарамай, омманинг диққат маркази С. Умурзоқовга қаратилди. Айрим зиёлилар С. Умурзоқовнинг президентлик сари ўзини тайёрлаб бораётганини иддао қилган бўлса, аксар кишилар Сардор Умурзоқов ҳаққига дуолар қилиб мана шундай раҳбар мамлакатда адолат ўрнатишига ишонишини ёзишди.
Мустамлакачи Ғарбнинг капиталистик оламий тизими ва Россиянинг таъсирида шакллантирилган юртимиздаги якка ҳокимлик инсонлар тақдирини бир кишига боғлиқ қилиб қўйди. Халқнинг иш фаолияти, турмуш даражаси, ҳатто шахсий ибодатларини адо қилиши ҳам бир кишининг хоҳиш-иродасига боғлиқ қилиб қўйилди. Бундай ҳолатни юзага келишида диний соҳа вакилларининг қўшаётган “ҳиссасини” ҳам алоҳида таъкидлаш лозим. Муфтий Нуриддин Холиқназаровнинг сўнгги мурожаатида ҳам мазкур сиёсатни кузатишимиз мумкин. Сўзини “бу мурожаатни Шариятни гапи деб қабул қилинг” деб бошлаган муфтий, Ўзбекистонда виждон эркинлиги, сўз эркинлигини бемалол ҳаётга татбиқ қила оляпмиз, динимизга, эътиқодимизга берилган имкониятлар олдида ижтимоий тармоқлардаги диний мавзудаги тортишувлар дилни хира қиляпти, деди. Лекин муфтий бу “дилхиралик”ларни ношаръий бўлгани учун эмас, балки ҳукумат сиёсатига мос келмаётгани учун танқид қилди. Зеро, диний мавзудаги баҳс-мунозаралар одамларни холислик билан ҳақиқатларни излашга ҳамда яшириб келинган Исломини ўрганишга ва теран фикрлашига ҳам туртки бўляпти. Бу эса, мусулмонларни уйғонишига ва устидаги зулмларни ҳис қилишига сабаб бўляпти. Шунинг учун муфтий диний билимларни яхши ўзлаштирган ва танилган уламоларнинг ижозасини олган кишиларгина диний мавзуларда гапириши мумкин, дея урғулади. Динни давлат ва ҳаёт ишларидан четлатилишини қабул қилган ва бу сиёсатга туну кун хизмат қилаётган мазкур “уламолар” халқни Ҳақ Таолога эмас, ҳукуматга бўйсунишга ва унинг ҳар қандай зулмига сабр қилишга, ношукр бўлмасликка тарғиб қилишяпти.
Мирзиёев ҳукумати Британияда таҳсил олган ва Лондонда катта банкир лавозимида ишлаган янги фигурани президент девонига раҳбар этиб тайинлаш билан халққа қарши “пиар юриш” қилди. Чунки халқда адолат қарор топиши ва ҳаёт ўнгланишига нисбатан кучли истак мавжуд. Бу истак гоҳ ёш раҳбарлардан, гоҳ ғарбда заҳарланган кадрлардан умид қилишга олиб келяпти. Афсуски, аксар халқимиз “ким гапираётганига эмас, нимани гапираётганига қара…” деган ҳикматнинг моҳиятини англаб етмаяпти. Улар давлатда қонунлар ишласа фаровонлик таминланади, деб ишониб қолишган. Қонунларни ва унга асос бўладиган тузумларни ўрганишга эса, ҳукумат кўплаган ғовларни қўйиб ташлаган. Мусулмонлар идораси ҳам ана шундай ғовлардан бўлиб, Исломнинг сиёсатга ёндашувини ҳукумат мулозимлари ҳаққига дуо қилиш ва мавжуд ҳолатга шукр қилиб рози бўлиш, деб талқин қилишади. Аслида эса, Ислом ҳар қандай замон ва маконга жавоб берувчи сиёсий дин бўлиб, унинг сиёсий тузумлигини инкор қилиш куфр ва осийликка олиб боради. Шундай экан, мусулмонлар Ислом ҳукмларини тўла татбиқ қиладиган Рошид Халифаликни тиклаш учун ҳаракат қилсинлар. Зеро, барча муаммоларнинг туб ечими ва фаровон ҳаёт Исломдадир.
يَا أَيُّهَا الَّذِينَ آمَنُواْ أَطِيعُواْ اللّهَ وَأَطِيعُواْ الرَّسُولَ وَأُوْلِي الأَمْرِ مِنكُمْ فَإِن تَنَازَعْتُمْ فِي شَيْءٍ فَرُدُّوهُ إِلَى اللّهِ وَالرَّسُولِ إِن كُنتُمْ تُؤْمِنُونَ بِاللّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلاً
– “Эй мўминлар, Аллоҳга итоат қилинг ва Расулга ҳамда ўзларингдан бўлган (мусулмон) ҳокимларга итоат қилинг! Борди-ю бирон нарса ҳақида талашиб қолсангиз – агар ҳақиқатан Аллоҳга ва охират кунига ишонсангиз – у нарсани Аллоҳга ва пайғамбарига қайтарингиз! Мана шу яхшироқ ва чиройлироқ ечимдир”. (Нисо:59)
Ҳизб ут-Таҳрирнинг Ўзбекистондаги матбуот бўлими аъзоси Абдураҳмон
09.10.2022й
