بسم الله الرحمن الرحيم

Роя газетаси:

Дунёдаги эркинликлар ва инсон ҳуқуқлари «етакчи»си бошпана сўраб келган қочоқларни оёқ-қўлларини кишанлаб депортация қилди!

Ҳижрий 1439 йил 10 жумодул-аввал, милодий 2018 йил 27 январ шанба куни Онадўли ахборот агентлиги веб-сайти қуйидаги хабарни нашр қилди:

«АҚШ ҳукумати бир гуруҳ фаоллар норозилиги фонида ўнлаб муҳожирларни яширин йўллар билан депортация қилди. Муҳожирлар Чикаго шаҳридан 50 км. узоқликда жойлашган «Гари» аэропортидаги «World Atlantic» ширкати самолёти бортида жўнатилди.

Онадўли мухбири кузатувига кўра, Чикаго, Милоуки ва Индиана шаҳарларида ҳибсга олинган ноқонуний муҳожирлар, оёқ-қўллари кишанланган ҳолда, таҳқирли суратда самолётга чиқарилган.

АҚШ ҳукумати – орасида аёллар ҳам бўлган муҳожирларни атайин депортация қилиб юборди. Буни аэропортдаги махсус самолётлар учун мўлжалланган махсус яширин йўл орқали амалга оширди. Маълумки, «Гари» аэропорти ҳаво ҳаракати масаласида бошқа аэропортларга нисбатан тинч ҳисобланади.

Амалиёт чоғида бир неча фаоллар аэропорт яқинида ҳукуматнинг муҳожирларга нисбатан бундай ҳаракатига қарши норозилик намойиши ўтказди. Намойишчилар «Адолат бўлмаса тинчлик бўлмайди», «Муҳожирлар бўлмаганда Трампнинг хотини ҳам бўлмасди» каби сўзлар ёзилган плакатларни кўтариб чиқиб, адолат ва эркинликни талаб қилдилар.

Аэропорт маъмурияти – депортация қилиш ва муҳожирларни самолётга миндириш жараёнини намойишчилар кўрмаслиги учун аэропорт олдини техникалар билан тўсиб ташлади.

Роя газетасининг 2018 йил 31 январ чоршанба кунги 167-сонидан

0

0