Эй мусулмонлар! Яширин қуролингизни ишга солинг!
بسم الله الرحمن الرحيم
Эй мусулмонлар! Яширин қуролингизни ишга солинг!
Тасаввур қилинг, жанг майдонидасиз, қўлингизда қурол йўқ. Битта сизда эмас, қолган барча аскарларда ҳам умуман қурол йўқ. Шунга қарамай, сон жиҳатдан душмандан бир неча баробар кўпсизлар. Лекин душманингиз тиш-тирноғигача қуролланган, сизларда эса ҳатто пичоқ ҳам йўқ. Хўш, нима деб ўйлайсиз, ғалаба ким тарафда бўлади? Ҳа, тўғри айтасиз, қуроли йўқ тарафнинг ғалаба қозонишига деярли имконият йўқ. Шунга ўхшаш ҳолат бир пайтлар мусулмонларнинг бошига тушган. Уларнинг қўлида қурол бор эди ўша пайтда, аммо бу қуролларнинг деярли фойдаси бўлмади, чунки улар ўзларининг асосий қуролларидан – мустамлакачи кофирлар дағ-дағ титрайдиган ва улар учун энг даҳшатли тушга айланган қуролларидан жудо бўлган эдилар.
Бугунги кунга келиб эса, мусулмонлар ўзларини бошқа халқларга қараганда заиф сезадиган бўлиб қолди ва бунга кўникдилар ҳам. Улар ўзларини дунёда етакчилик қилишга кучи етмайдиган бир паст сортдаги одамлар қаторига кириб қолганларини кўриб туриб ҳам бунга эътиборсизлик билан қарашди. Уларнинг кўзларидаги олов сўниб, юракларидаги ўт ҳам ўчиб қолди. Ақллари заҳарланиб, фикрлари туйғуларидан ажраб қолди. Гарчи сон жиҳатдан бошқа умматлар ва халқлардан устун бўлсаларда, ҳудди қўлида қуролсиз жангга кирган аскарларга ўхшаб осон ўлжага айланиб қолдилар. Ҳатто дунёда умуман ўрни йўқ бўлган, ўзлари ясаб олган ҳайкалларга сиғинадиган бутпарастлар ёки ҳайвонларга ибодат қиладиганлар ҳам мусулмонларни бемалол сўйиб, гўштини емоқдалар. Буни яқинда Мьянмада бўлган мусулмонларнинг оммавий қирғини мисолида, минг афсуслар бўлсинки, гувоҳи бўлдик. У ерда мусулмонларга нисбатан амалга оширилмаган зулмнинг тури қолмадику ахир! Ҳа, Ислом Уммати бугун ўзини ҳатто лайча итларга ҳам бемалол талатиб қўймоқда.
Мусулмонларнинг бугунги тубандан ҳам тубанроқ аҳволга тушишларига уларнинг ўша асосий қуролларидан – Исломдан узоқлашганликлари бош сабабчидир. Мустамлакачи кофирлар мусулмонлардаги буюк қудрат Ислом эканлигини билганликлари учун ҳам, уларни аввало мана шу ўзлари қўрққан энг кучли қуролдан маҳрум қилишни режалаштирдилар ва уларнинг режаси амалга ошди. Улар, биринчи навбатда, душманни қуролсизлантириб, кейин зарба бердилар ва бу зарбани Ислом Уммати кўтара олмади ҳамда мағлубиятга учради. Бу мағлубият асоратлари эса бугунги кунда ҳам ўз таъсирини кўрсатиб келмоқда. Бу мағлубият шу даражада аламли мағлубият бўлдики, тарихда ҳеч ким бундай мағлубиятга учрамаган бўлса керак. Ҳозирги давр мусулмонлари учун бу мудшиҳ тарих, нафақат тарих, балки ҳар куни содир бўлаётган воқеа-ҳодисалар етарли сабоқ бўлиши керак эди, аммо улар ҳамон сукут сақламоқдалар. Уларнинг йўқотадиган нарсалари қолмаган бўлса ҳам тубан ҳаётларига рози бўлиб яшамоқдалар.
Эй Ислом Уммати! Сизга нима бўлди!? Нимадан шунчалик қўрқяпсиз!? Ахир Аллоҳнинг ҳисоб-китобидан ҳам қўрқинчлироқ нарса бор эканми бу дунёда!? Ахир бу дунёингизда ҳам бир рўшнолик кўрганингиз йўқку!? Ахир йўқотадиган нарсангиз қолмадику!
Эй Ислом Уммати! Бугун ўзингизда яшириниб ётган энг кучли қуролингизни ишга солмайсизми!? Сизнинг қуролингиз – Исломдир, Аллоҳга бўлган иймонингиздир! Бизнинг душманларимиз “Ла илаҳа илаллоҳ, Муҳаммадар расулуллоҳ” калимасидан, “Аллоҳу Акбар” деган такбир овозларидан ядровий қуролдан ҳам кўпроқ қўрқадилар! Танк, автомат, самолёт, вертолёт ва ҳоказо қуроллардан эмас, айнан шундан қўрқадилар. Биз уларга Исломий ҳаётни қайта бошлаш билан энг қатшатқич зарба берган бўламиз. Сиз ўзингизни заиф ҳисобламанг, балки ҳеч кимда бўлмаган қудратга эга эканлигингизни англаб етинг. Ана ўшанда мусулмонлар Ислом байроғи остида бирлашиб, юксак даражага кўтариладилар ин ша Аллоҳ!
Ҳизб ут-Таҳрирнинг Ўзбекистондаги медиа офиси Фаррух
12.11.2015й.
