Даъватчини эшитмоқ, англамоқ лозим, зеро, улар сизлардан эваз сўрамайдилар

بسم الله الرحمن الرحيم

Танамизда бирор аъзомиз хасталанса, оғриқ билан сигнал юбориб даволаш лозимлигидан огоҳ қилувчи ўз “хабарчи”сини юборади. “Хабарчи” сўзламаса-да, оғриқ билан бизни огоҳ қилади. Баъзан шундай кучли оғриқ тутадики, энг зарур ишлардан воз кечиб, бу дардга даво излаб қоламиз. Аммо баъзилар “хабарчи”ни ўлдириб, у огоҳ этган аъзонинг муолажасига киришмайди. Оқибатда тишлар суғуриб ташланади, баъзан қўллар кесилишга, оёқларни қирқиб ташлашга тўғри келади. Ўз танасининг беминнат хабарчиси бўлган оғриқ сигналини ўлдирган кишилар тирик қолсалар-да, яроқсиз ногирон ҳолга тушадилар. Аслида аъзолар ўз вақтида даволанса эди, танамиз соғлом қолармиди…

Азизлар, менинг суҳбатим табобатга тааллуқли эмас, балки УММАТнинг бир вужуд каби эканлиги ҳақидадир. Сарвари Коинот ﷺ:

“Умматим бир тана кабидир, бирор жойи оғриса қолган аъзолари истима билан бир-бирини ёрдамга чақиради” деб марҳамат қилганлар. Демак, иймон аҳли миллати, ирқи, оламнинг қайси четидалигидан қатъий назар, бир тана кабидир. Қачонки унинг бир қисмига озор етса, ёрдамга отланмоғимиз вожибдир.

"ما من امرئٍ يخذل امرءًا مسلمًا في موطنٍ يُنتَقَصُ فيه من عِرضِه، ويُنتهَكُ فيه من حُرمتِه، إلا خذله اللهُ تعالى في موطنٍ يحبُّ فيه نُصرتَه، وما من أحدٍ ينصر مسلمًا في موطنٍ يُنتقَصُ فيه من عِرضِه، ويُنتهَكُ فيه من حُرمتِه، إلا نصره اللهُ في موطنٍ يحبُّ فيه نُصرتَه".

“Бирон киши бирон мусулмон кишини унинг обрўси камситилаётган, ҳурмати поймол этилаётган ўринда ёрдамсиз ташлаб қўйса, Аллоҳ Таоло уни ҳам ёрдам истаб турган ўринда ёрдамсиз ташлаб қўяди. Кимки бир мусулмонга унинг обрўси камситилаётган ва ҳурмати поймол этилаётган ўринда ёрдамга отланса, Аллоҳ унга ҳам ёрдам истаб турган ўринда ёрдам беради” деб огоҳ этган ҳам Пайғамбаримиз ﷺнинг ўзларидир!

Эй азиз Уммат, вужудингизнинг кўп қисми оғриқдан нола қилиб, ёрдамга чорламоқда, бу ҳақда тинимсиз огоҳ этаётган даъватчиларни кўз ўнгингизда маҳаллий раҳбарлар қатл қилиб, қамаб, таъқиб қилмоқда. Ва сизга уларни экстремист, террорист дея танитмоқда. Чунки улар оғриқдан хабар берувчи даъватчиларни ёқтирмайди. Улар раҳбарлик, шоҳлик даврини бир мунча муддатга узайтириш мақсадида ўзларининг Ғарбдаги хўжайинларини рози қилиш учун вужудингизнинг соғайиб, қайта оёққа туришига қарши курашаверади. Сунъий чегаралар билан парчаланган Уммат ватан ва миллатчилик ғоялари остида хорлик ботқоғида қуллик аламларини тотмоқда. Умматнинг аввалги азизлиги Ислом билан бўлганидан, шаръий ҳукмлар асосида бошқариладиган Ислом Давлатининг ҳаётга қайтиши нажотимиз эканидан хабар берувчиларингиз ер юзининг куфр давлатлари югурдаклари томонидан қамоққа ташланиб, қатл қилинмоқда.

Ўзбекистон ҳукумати 25 йилдан бери зиндонларида сақлаб келаётган Ҳизб ут-Таҳрир аъзоларини эсланг! Улар ва оилалари сиз азиз халқнинг кўз ўнгида яшаган кишилар эмасмиди?! Сизга ўшаларни бузғунчи, халқ душмани, ватан хоинлари дея танитиб келишмадими?! Ахир, енгилгина кузатсангиз, устингиздаги ҳокимлар эмасми юртингиз бойликларини, тонналаб олтинларни, уран, нефт, газ ва пахта-ю пиллаларини ғарбдаги очкўз хўжайинларига тортиқ этганлар. Қизлари бўйнига етти юз минг долларлик тақинчоқлар таққан, тоғлар орасига кошоналар барпо этган ўша очкўзлар, тўймас очофатлар эмасми ахир?! Уларнинг хоинлигидан, золимлигидан, ёлғончи, ваъдабоз пасткашлигидан сизни хабардор этган анави зиндон аҳлида ўша юртфуруш хоин раҳбарларнинг бирор сифатини кўрганмисиз?! Ўз халқини ўзга юртларда қора қулга айлантириш каби сифатларидан бирортасини учратганмисиз?! Асло йўқ! Учратмагансиз, бундай жирканчлик уларга мутлақо бегонадир. Улар фақат ўзбек миллати оғриғидан, Ўрта Осиёдаги қонхўрлик, адолатсиз бошқарувлардан огоҳ қилибгина қолмай, балки бутун оламдаги аввалда бир бутун бўлган ВУЖУД дардига малҳам қўйиш ташвишидаги яхшиларингиздир. Афсуски, ўша Уммат оғриғидан сизни огоҳ этган даъватчиларингизни янги раҳбар аксарларини озод этаётган бўлса-да, ёш даъватчи азизларни сизга яна олабўжи қилиб кўрсатишда давом этмоқда. Уларнинг холис ҳаракатларини Буюк Ғояга эмас, баъзи кишиларгагина боғлаш билан чалғитишмоқда. Нега? Чунки улар оғриқдан хабар етказувчини – юқорида айтиб ўтганимдек – ёқтиришмайди. Умматнинг аввалгидек енгилмас азиз Вужуд бўлиб кетишини хоҳлашмайди. Зеро, Америка, Европа, Хитой, Россия ва “Исроил” каби мустамлакачи ва ашаддий куфр давлатлари ўзларига малай ҳокимчалар ёрдамида ВУЖУДни қўлсиз, оёқсиз қилиб, бўлиб, парчалаб ташлаш билангина ўз жирканч тузумларини татбиқ эта олади.

Шунинг учун агар оламда бир бутун ВУЖУД сифатида ўн тўрт аср ҳукм сурган Халифалик Давлатини тиклашга уриниб келаётган Ҳизб ут-Таҳрир чақириғига қўшилиб, ҳимоячи қалқонимиз бўлмиш Халифамизни ҳаётга қайтармас эканмиз, ҳозирги сунъий чегаралар ортида парчаланиб, қўлсиз, оёқсиз, заиф, шол жасад каби ночор қолаверамиз.

Бундан-да даҳшатлиси, Аллоҳнинг ҳузурида бугунги Фаластин, Кашмир, Мьянма ҳамда Шарқий Туркистон мусулмонлари устида кечаётган жабр зулмлардан сўраладиган КУНда шарманда бўлиб, хорликка, азобга гирифтор бўламиз, Аллоҳ сақласин бундай оқибатдан. Аммо огоҳ бўлингизки, биз моварауннахр аҳли ҳам ўша азизлар изтиробларига малҳам излашдан бошқалар каби жавобгармиз. Ва бу аянчли ҳолатларга энг тўғри ечим излашимиз вожибдир.

Эй Роббимиз, бизларни Ислом билан аввалги азизлигимизга қайтар, токи Ўзингга ёруғ юз ила рўбарў бўлайлик. Амийн Я Роббул аламийн.

يَا قَوْمَنَا أَجِيبُوا دَاعِيَ اللَّهِ وَآمِنُوا بِهِ يَغْفِرْ لَكُم مِّن ذُنُوبِكُمْ وَيُجِرْكُم مِّنْ عَذَابٍ أَلِيمٍ

– “Эй қавмимиз, Аллоҳга даъват қилгувчининг даъватини қабул қилинглар ва унга иймон келтиринглар, (шунда Аллоҳ) сизларнинг гуноҳларингизни мағфират қилур ва сизларга аламли азобдан паноҳ берур”.                                          (Аҳқоф:31)

Ҳизб ут-Таҳрирнинг Ўзбекистондаги матбуот бўлими аъзоси Зайниддин

04.08.2022й