Эй Одам болалари, шайтон сизларни ҳам алдаб қўймасин!

بسم الله الرحمن الرحيم

Хабар: kun.uz 08.07.2021й да қуйидаги хабарни тарқатди:

Халқ таълими вазирлиги мактаб формаси бўйича талаблар ўзгармаганини эслатди.

Халқ таълими вазирлиги янги таҳрирда қабул қилинган «Виждон эркинлиги ва диний ташкилотлар тўғрисида»ги қонун умумтаълим мактаблари ўқувчиларининг кийинишида ўзгаришларга сабаб бўлмаслигини маълум қилди.

Вазирлик баёнотида айтилишича, Вазирлар Маҳкамасининг 2018 йил 15 августда қабул қилинган 666-сонли «Давлат умумий ўрта таълим муассасалари ўқувчиларини замонавий ягона мактаб формаси билан таъминлаш чора-тадбирлари тўғрисида»ги қарори билан давлат умумий ўрта таълим муассасалари ўқувчилари учун ягона мактаб формасини жорий этиш тартиби тўғрисидаги низом тасдиқланган.

«Бугунги кунда давлат умумий ўрта таълим муассасалари ўқувчилари таълим муассасасига мазкур Низом талабларида белгиланган тартиб ҳамда таълим муассасаси томонидан тасдиқланган мактаб формасига мувофиқ кийинишлари, 2024/2025 ўқув йилидан бошлаб эса Вазирлар Маҳкамасининг 2019 йил 18 июндаги 509-сон қарори билан давлат умумий ўрта таълим муассасалари учун ҳукумат томонидан тасдиқланган мактаб формаси мажбурий ҳисобланади.

Низомда ўқувчилар таълим муассасаси биноси ичида бош кийимсиз юришлари кераклиги, мактаб формасига турли дин ва конфессиялар ҳамда турли субмаданиятларга мансубликни акс эттирувчи элементларни (ҳижоб, кипа, кашая, хоч ва бошқалар) қўшишга йўл қўйилмаслиги кўрсатилган.

Низомга мувофиқ, ўқувчиларнинг мактаб формасини кийиш тартибига риоя қилмаслик таълим муассасасининг ички тартиб-қоидаларини бузиш деб баҳоланади ва бундай ўқувчиларга чора қўрилади», дейилади баёнотда.

Изоҳ: Исломда эркак ҳам, аёл ҳам авратини ёпиши вожиб. Аллоҳ Субҳанаҳу ва Таоло аёлларга авратларини тўсишни буюриб бундай деди:

 "وَلاَ يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلاَ يُبْدِينَ زِينَتَهُنَّ إِلاَّ لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوْ التَّابِعِينَ غَيْرِ أُوْلِي الإِرْبَةِ مِنْ الرِّجَالِ أَوْ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ".

– “Ҳамда кўриниб тургандан бошқа зеб-зийнатларини (яъни устларидаги либосларидан бошқа зеб-зийнатларини номаҳрамларга) кўрсатмасинлар ва кўкракларини рўмоллари билан тўссинлар! Улар зеб-зийнатларини кўрсатмасинлар, магар эрларига ё оталарига ё эрларининг оталарига ё ўғилларига ё эрларининг ўғилларига ё ўзларининг оға-иниларига ё оға-иниларининг ўғилларига ё опа-сингилларининг ўғилларига ё ўзлари (каби) аёлларга ё қўл остиларидаги чўриларга ё (аёллардан) беҳожат бўлган (яъни жуда кексайиб қолган ёки ақлсиз-девона) эркак хизматкор-қулларга ё аёлларнинг авратларидан хабардор бўлмаган гўдакларгагина (кўрсатишлари жоиздир).                                                                                                              (Нур:35)

“Тўрт мазҳаб бўйича фиқҳ” китобида аёлнинг аврати ҳақида бундай дейилган: “озод аёл авратининг чегараси – агар у хилватда (яъни ўзи ёлғиз) бўлса ёки маҳрамлари ҳузурида бўлса ёки муслима аёллар ҳузурида бўлса – киндик билан тизза ўртасидаги нарсадир. Шунинг учун у баданидан бундан бошқа ўринларни ана шу кишилар ҳузурида ёки хилватда очиб юриши мумкин. Аммо бегона эркак ёки ғайримуслима аёл ҳузурида унинг бутун бадани авратдир. Бундан фақат юз ва икки кафт мустасно. Чунки бу иккиси аврат эмас. Шунинг учун иккаласига фитнадан омонда бўлинган пайтда қараш ҳалол бўлади”. Аврат масаласида жумҳур имомларнинг раъйи мана шу.

Ҳукуматнинг бу низоми бўйича эса, қизларнинг мактабда рўмолда юриши тақиқланади. Низомда кипа, хоч каби ғайридинларнинг элементларини ҳижоб билан бирга тилга олинганлиги ҳукуматнинг Исломга ва Исломий кўринишларга қарши курашаётганини яшириш учун, холос! Сарой муллалари ҳар доимгидек ҳукуматнинг бу низомини қўллаб–қувватлаб чиқишди. Ҳатто бир сарой мулласи уялмай “бу мактаб формаси авратни беркитади” деди. Ваҳоланки, бу форма қизларнинг болдирларини беркитмайди! Бошлари ҳам очиқ қолади. Зеро, ҳукуматнинг ана шу низомида қизларнинг мактабда рўмол ўрашлари тақиқланиши очиқ айтилган. Бу сарой муллалари ўзларини “аҳли сунна вал жамоа” ва “ҳанафия” мазҳабида эканликларини даъво қилишади. Лекин ҳукумат буюрса, аҳли сунна вал жамоатни ҳам, ҳанафий мазҳабини ҳам деворга уришади!  Мустамлакачи кофирларга малай режимлар бундай ёмонлик уламоларига минбарларни ланг очиб қўяди. Улар минбарларда ўтириб, ҳаромни ҳалол, ҳалолни эса, ҳаром қилишиб, халқни адаштиришади. Шунинг учун уларнинг хатари уларни улов қилиб миниб олган ДХХ нинг хатаридан каттароқдир. Чунки халқ ДХХ куфр режимнинг репрессив қуроли эканини билгани учун ундан нафратланади. Аммо сарой муллалари дин ниқобини таққанлари учун авом халқ уларга осонгина алдана қолади. Анас ибн Молик розияллоҳу анҳудан шундай дегани ривоят қилинди:

    "العلماء أمناء الرسل على عباد الله ما لم يخالطوا السلطان فإذا خالطوا السلطان، فقد خانوا الرسل فاحذروهم، واعتزلوهم".

“Уламолар – модомики султон билан муносабатда бўлмас эканлар – пайғамбарларнинг Аллоҳ бандалари устидаги ишончли кишиларидир, султон билан муносабатда бўлсалар пайғамбарларга хиёнат қилишибди, улардан эҳтиёт бўлинглар ва улардан ўзингизни четга олинглар”.

Куфр режимларнинг бундай низомлардан мақсади мусулмонларни Исломдан йироқлатишдир. Шунинг учун бугун уммат ўзининг жонини, ор-номусини ва молини ҳимоя қилувчи қалқон-имомга ўта муҳтож бўлиб турибди!

يَٰبَنِىٓ ءَادَمَ لَا يَفْتِنَنَّكُمُ ٱلشَّيْطَٰنُ كَمَآ أَخْرَجَ أَبَوَيْكُم مِّنَ ٱلْجَنَّةِ يَنزِعُ عَنْهُمَا لِبَاسَهُمَا لِيُرِيَهُمَا سَوْءَٰتِهِمَآ ۗ إِنَّهُۥ يَرَىٰكُمْ هُوَ وَقَبِيلُهُۥ مِنْ حَيْثُ لَا تَرَوْنَهُمْ ۗ إِنَّا جَعَلْنَا ٱلشَّيَٰطِينَ أَوْلِيَآءَ لِلَّذِينَ لَا يُؤْمِنُونَ

– “Эй Одам болалари, шайтон Оталарингизнинг авратларини ўзларига кўрсатиш (яъни уятли аҳволга солиб қўйиш) учун либосларини ечиб, жаннатдан чиқаргани каби сизларни ҳам алдаб қўймасин! Чунки у ва унинг малайлари сизларни ўзингиз билмайдиган тарафдан кўриб турадилар (яъни қандай алдашганини сезмай қолишингиз мумкин). Албатта Биз шайтонни иймонсиз кимсаларга дўст қилиб қўйганмиз”.                (Аъроф:27)

Ҳизб ут-Таҳрирнинг Ўзбекистондаги матбуот бўлими аъзоси Абдуллоҳ

18.07.2021й