Халифалик ким учун хавфли?

(2-қисм)

بِسْمِ اللهِ الرَّحْمٰنِ الرَّحِيمِ

Халифалик ўзи ким учун хавфли? Нега Ўзбекистон ҳукумати ундан шунчалик қўрқмоқда ва қайта тикланишига қарши қаттиқ курашмоқда?!

Аввалги суҳбатимизни мана шу савол билан якунлаган эдик. Бугун ана шу саволга жавоб берамиз. Гарчи Халифалик ҳақида жуда кўп ва хўп гапирган бўлсак-да, унинг қандай тузум эканлигига қисқача тўхталиб ўтамиз. Зеро, мазкур саволга Халифалик ҳақида маълумотга эга бўлмасдан туриб жавоб топиб бўлмайди.

Халифалик давлати Аллоҳнинг буйруқ ва қайтариқлари асосида ҳукм юритадиган давлатдир. Давлат бошлиғи – Халифа. Бу давлатнинг бошқарув низоми шакли оламдаги маълум бошқарув шаклларидан бутунлай фарқ қилади. У подшоҳлик, императорлик, федератив, республика низомлари эмас. Чунки уларнинг барчаси – шаклан турлича бўлса-да – инсон ақли маҳсули бўлган тузумлардир. Халифаликда эса, хўжайинлик Ислом шариатиники бўлади ва ҳеч ким ундан устун бўлолмайди. Халифа қонунларни табанний (қабул) қилишда Ислом доирасидан чиқиши мумкин эмас. Халифалик давлат ичкарисида Исломни барча соҳада татбиқ қилади, ташқи сиёсатда эса Исломни даъват ва жиҳод орқали дунёга ёяди. У мусулмон халқлар ўртасига мустамлакачилар томонидан тортилган (Сайкс-Пико каби) сохта чегараларни олиб ташлаб, 50 дан ортиқ майда давлатчаларга бўлиниб кетган Ислом Умматини яна битта давлат соясида бирлаштиради. Ислом мафкураси ягона ҳукмрон мафкура бўлади ва ундан бошқа барча мафкуралар тамоман тақиқланади. Чунки тўғри мафкура фақат Исломда мавжуд бўлиб, қолганлари тамоман ботилдир. Халифалик ҳозирда мавжуд бўлган БМТ каби халқаро ташкилотлар, НАТО каби ҳарбий блоклар ва ЖСТ, ЖБ каби молиявий-иқтисодий ташкилотларни – умуман олганда мустамлакачилар томонидан ташкил қилинган бугунги халқаро майдон ва халқаро қонун-қоидаларни тан ҳам олмайди, уларга амал ҳам қилмайди. У ҳар қандай ташқи кучларнинг давлат ички ва ташқи сиёсатига дахл қилишларига йўл қўймайди. Ўзининг Ислом аҳкомларига асосланган мустақил сиёсатини юргизади. Ислом Уммати манфаатларини биринчи ўринга қўяди. Мусулмонларнинг жони, моли ва обрўсини ичкарида ҳам, ташқарида ҳам ишончли ҳимоя қилади. Табиий бойликларни муҳофаза қилиб, уларни шаръий аҳкомларга кўра бошқаради…

Мана шу қисқа изоҳдан ҳам кўриниб турибдики, Халифалик давлати ўз мафкурасига эга бўлган, бугунги яроқсиз, бузуқ дунё тартиботини тан олмайдиган, дунёда ўхшаши йўқ, ягона етакчи давлат сифатида намоён бўлади. Шунинг учун ҳам исломий юртлар устига ўрнашиб олган ҳозирги золим режимлар ва айниқса, уларга хўжайинлик қилаётган кофир мустамлакачи давлатлар учун Халифалик даҳшатли туш кабидир. Улар унинг номини тилга олишга ҳам қўрқадилар. Чунки бу тузум Исломий юртлар ўртасига тортилган барча сохта чегараларни бузиб ташлайди ва Ислом Умматини ягона байроқ ва битта Халифа бошқаруви остида бирлаштиради. Халқаро майдонга Америка, Россия, Хитой, Британия каби ёвуз мустамлакачи давлатлар билан рақобатга киришиб, Аллоҳнинг изни ила, тезда уларнинг устидан ғолиб бўладиган қудратли ва айни пайтда адолатли давлат сифатида кириб келади. Хўш, шуларни билган ҳолда ўзини дунёнинг эгаси ҳисоблаётган анави кофир давлатлар қўрқмасинми?! Бу муборак давлатимиз ҳозир ичидан чириб битган, инсониятни жар ёқасига етаклаётган, фақат бир сиқим капиталист бойлар ва йирик давлатлар манфаатига хизмат қилувчи дунё тартиботини остин-устун қилишини билиб туриб даҳшатга тушмасинларми?!…

Демак, улар ҳақиқатда Халифалик ҳақида нафақат гапиришдан, балки ўйлашдан ҳам қўрқишади. Афсуски, ўзларини мусулмон санайдиган бошлиқларимиз ҳам Ислом Умматини ҳозирги хор, қолоқ ва заиф аҳволдан қутқариб, уни азиз ва куч-қудратли қиладиган Халифаликни тикланишига қарши қаттиқ курашяпти. Буни, албатта, хўжайинларини рози қилиб, ҳокимиятларини сақлаб қолиш учун қилишяпти. Шунинг учун улар Уммат вужудига бегоналашиб кетишди ва ҳатто унга нисбатан хиёнатларини ҳам яширмай қўйишди. Шундай бўлса-да, мусулмонларнинг ҳақиқий душмани улар эмас, балки уларни бошқараётган ва буйруқлар бераётган Америка, Россия, Британия каби мустамлакачи давлатлардир. Айнан улар ватанпарварлик, миллатчилик, мазҳабпарастлик каби Исломга бегона бўлган чалғитувчи ғоялар билан мусулмонлар ораларини бузиб, бир-бирига қарши кайфиятда ва ҳатто душман бўлишлари учун бор кучини сарфламоқда. Жумладан, Ислом Умматини Халифаликни тиклашга чақириб келаётган ва ўзи ҳам шу йўлда туну кун фаолият олиб бораётган Ҳизб ут-Таҳрир Исломий сиёсий партиясига ҳам “радикал, террорист ва экстремист” деган тамғаларни ёпиштириб, мусулмонларни ундан қўрқитишга уринмоқда ва даъватига қулоқ солмасликка чақирмоқда. Улар бу ишни ўзларининг малай ҳукмдорлари орқали амалга оширмоқдалар.

Минг афсуслар бўлсинки, аввалда Ислом давлатининг илм-фан, ҳарбий ва иқтисодий марказларидан бири бўлган юртимизда ҳам ўзбек режими дунё бўйича давом этаётган Халифаликни тиклашга қаратилган даъватга нисбатан – бошқа режимлар сингари – тиш-тирноғи билан қарши курашмоқда. Аввалги суҳбатимизда таъкидлаганимиздек, бунда Халифалик шунчаки ёмон деб айтишдан нарига ўта олмаяпти, балки фақат ёлғон ва уйдирмалар билан мусулмон халқимизни ундан қўрқитишга уриняпти. Уларга Аллоҳ таолонинг мана бу сўзлари кифоя қилади:

﴿سَيُصِيبُ الَّذِينَ أَجْرَمُواْ صَغَارٌ عِندَ اللّهِ وَعَذَابٌ شَدِيدٌ بِمَا كَانُواْ يَمْكُرُونَ﴾

– “Яқинда бундай жинояткорларга қилиб ўтган ҳийла-найранглари сабабли Аллоҳ ҳузурида хорлик ва қаттиқ азоб етажакдир”.  (Анъом:124)

Аммо, Аллоҳга ҳамдлар бўлсинки, ҳозирга келиб жуда кўп мусулмонлар Халифаликсиз бизга на ғамхўрлик, на хавфсизлик, на ҳимоя ва на фаровонлик бор экан, деган хулосага келиб бўлишган. Айниқса, Ғазо воқеалари кўпчилик мусулмонларнинг мана шу ҳақиқатни англашларини тезлаштириб юборди. Албатта, бунинг таъсири Ўзбекистондаги мусулмон халқимизнинг онгги ва шуурида ҳам акс этаётганига ишончимиз комил.

Гарчи Ислом Уммати Халифалик давлатини тиклашдан мисли йўқ манфаатларга эришиши аниқ бўлса-да, унга Аллоҳнинг буйруғи – бажарилиши вожиб бўлган шаръий ҳукм ва ҳеч шубҳасиз амалга ошадиган иш, деган эътиборда қараши лозим. Аллоҳ азза ва жалла айтади:

﴿وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ﴾

– “Аллоҳ сизлардан иймон келтирган ва яхши амаллар қилган зотларни Ер юзида халифа қилишни ваъда қилди”.            (Нур:55)

Мусулмонлар учун исломий ҳаёт билан яшаш вожиб экан, буни фақат мана шу муборак давлатимиз таъминлайди холос. Шунга кўра, Ислом оламининг ажралмас қисми бўлган Ўзбекистон мусулмонлари ҳам – ҳукуматнинг босимлари, қўрқитувлари ва чалғитувларига қарамай – Халифалик давлатини тиклашга ҳаёт-мамот масаласи сифатида қарашлари лозим. Бу йўлда фаолият қилаётган ягона Исломий сиёсий партия – Ҳизб ут-Таҳрирни ўз бағрига олиб, қўллаб-қувватлашлари ва у билан елкама-елка туриб биргаликда ҳаракат қилишлари зарур. Аллоҳнинг нусрати кутган одам учун, албатта, яқиндир!

﴿وَيَوْمَئِذٍ يَفْرَحُ الْمُؤْمِنُونَ * بِنَصْرِ اللَّهِ يَنصُرُ مَن يَشَاء وَهُوَ الْعَزِيزُ الرَّحِيمُ﴾

– “Ўша кунда мўминлар Аллоҳнинг нусрати сабабли шодланурлар. (Аллоҳ) Ўзи хоҳлаган кишига нусрат берур. У қудрат ва раҳм-шафқат эгасидир”.  (Рум:4-5)

Форуқ

05.11.2025й