بِسْمِ اللهِ الرَّحْمٰنِ الرَّحِيمِ

Халифалик қулатилганининг 101 йиллиги унинг қайта барпо бўлишига дебочадир

Равла Иброҳим қаламига мансуб

Ҳижрий 1443 йил кириши билан Халифаликсиз ўтган йилларга 101 йил тўлди. Бу йиллар мобайнида мусулмонлар ўз тарихларида энг оғир азоб-уқубатларни ва турли машаққатларни бошдан кечирдилар. Лекин Халифалик қулатилганининг 101 йиллиги бугунга келиб, Пайғамбарлик минҳожи асосидаги иккинчи рошид Халифалик давлатини барпо этиш учун қилинаётган жиддий фаолият билан ҳамда капитализмнинг бутун дунёни бошқараётган система сифатидаги қулашини кўрсатаётган аломатлар билан, шунингдек, Халифаликни барпо этиш зарурлиги ва унинг яқинлашиб келаётгани тўғрисида мусулмонлар ўртасида юзага келган белгилар билан чамбарчас боғланмоқда. Зеро, Халифалик қулатилиб, исломий юртларда куфр сиёсий тузуми татбиқ қилингандан бошлаб, сиёсий жиҳатдан Исломга якун ясалди, унинг ўрнини Ғарбнинг капиталистик система таркибидан келиб чиққан сиёсий мафкураси, яъни динни ҳаётдан ажратиш мафкураси эгаллади. Шу боис, Ислом Уммати англамоғи керак бўлган ҳақиқатлардан бири шуки, ҳаётдаги ишларни Ислом билан бошқариш фақатгина рошид Халифалик давлати билан амалга ошади, сиёсий Исломни ҳаётдан ва диндан ажратиш Исломни, унинг тузумини ва аҳкомларини тириклайин кўпиш ҳисобланади. Бундан ташқари, Умматни, унинг қадриятларини ҳамда ҳазорат ва рисолатини йўқ қилиш, демакдир.

Капитализм емирилаётганининг белгилари қуйидагилардан иборат:

1 – Капиталистик тузум даврида бутун дунё барча соҳада аниқ муваффақиятсизликка учради. Шунингдек, ушбу тузумдаги сиёсий тадбир-чораларнинг бузуқлиги сабабли иқтисодий ва ижтимоий тадбир-чоралардаги бузуқлик ҳам аниқ намоён бўлди.

2 – Сиёсий Исломга, яъни динни қоим қилиш ва Халифалик давлатини барпо этиш учун фаолият олиб бораётганларга душманлик шиддатли тус олди. Бу эса, Халифалик давлати барпо бўлиши яқинлашаётганини душманларимизнинг ўзлари ҳам тан олаётганини кўрсатмоқда.

3 – Капитализмнинг кризисларни идора қилишдан ҳамда дунё халқлари у ёқда турсин, ўз халқларини ҳам ғамхўрлик билан бошқаришдан ожиз экани барчага маълум бўлди.

4 – Капитализмга эътиқод қилувчи дарғалардан баъзилари ҳам бу тузумнинг яроқсизлигини тан оладиган ва Ислом давлати соясида яшашни афзал кўрадиган бўлиб қолишди.

5 – Йирик капиталистик давлатлар ўртасидаги кураш шиддатли тус олди. Масалан, Франция билан Америка, Британия ва Австралия ўртасида бўлгани каби ёки ҳозирда бир тарафда АҚШ-Европа, иккинчи тарафда Хитой-Россия ўртасида бўлаётгани каби.

6 – Ғарб Ислом ва мусулмонлар билан қарама-қаршилик сиёсатини қўллашга ўтди. Бу эса, Ғарбнинг жиловлаш сиёсатидан тортиб, ёмон отлиқ қилиш сиёсатига қадар Ислом ва мусулмонларга қарши қўллаб келган ўзининг барча сиёсатларида омадсизликка юз тутганини яққол кўрсатиб турибди.

Халифалик яқинлашаётгани аломатларига келсак, улар қуйидагилардан иборат:

1 – Халифаликнинг қайтишини башорат қилувчи қуръоний оятлар ва набавий ҳадислар мавжуд. Улар Халифаликни барпо этишга ҳаракат қилаётган мўмин мусулмонларга халифа қилиш, нусрат бериш, ғолиблик ва тинчликка етказишни ваъда қилмоқда.

2 – Халифаликни барпо этиш учун жиддий равишда ва шаръий тариқат асосида фаолият олиб бораётган Ҳизб ут-Таҳрирнинг мавжудлиги. У Исломни илғор ва кучли равишда тушуниб, ўз адабиёт ва нашрларида Исломни ақида ва аҳком сифатида тиниқ баён қилиб берди. Уйғонишга олиб борувчи фикрларни ёритиб, Исломни оламшумул мафкура сифатида кўрсата олди. Давлат барпо этишга оид Росулуллоҳ ﷺнинг тариқатларига амал қилиб, бу тариқатни ўз китоблари ва нашрларида очиқ баён қилди. Шунингдек, ўзининг давлат барпо этиш фаолияти давомида ҳар бир босқич учун услуб ва воситаларни ишлаб чиқиб, самарали услуб-воситаларни ишга солди. Демакки, Ҳизб ут-Таҳрир – мусулмонлар биргаликда фаолият қилишлари ва уни ўз бағрига олишлари учун лойиқ жамоадир.

3 – Мусулмонлар Аллоҳнинг шариатини татбиқ қилишни йўқотиб қўйганларидан ва ундан узилишнинг аламларини тотганларидан сўнг, бугун унга интиқ бўлиб турибдилар.

4 – Халифалик мафкурасини қўллаб-қувватловчи куч-қудрат аҳли кўпайди ва Халифаликка даъват қилаётганларга муносиб вақтда нусрат беришга тайёр бўлиб қолдилар.

5 – Икки фронт, мусулмонлар фронти ва кофиру мунофиқлар фронтини очишга далолат қилувчи белгилар кўрина бошлади.

Шу муносабат билан биз Халифаликнинг барпо бўлишига олиб борувчи буюк даъват юкларини елкаларига олган мусулмон ёшларнинг фаол йигит-қизларига мурожаат қилиб, бундай деймиз:

Умматнинг умиди аввало Аллоҳ Азза ва Жалла бўлса, кейин сизсиз. Шунинг учун фаолиятингизни давом эттиринг ва нусрат сабр билан бўлишини, машаққат кетидан енгиллик келишини унутманг.

Бутун мусулмонларга, хусусан, улар орасидаги куч-қудрат аҳлига айтар сўзимиз: Аллоҳ ризосига олиб борувчи ушбу буюк иш билан шуғулланишингиз ва Ислом Умматига нусрат беришингиз вақти келди. Шоядки, бу ағдарилган давлатни қайта барпо этишимиз учун ҳамда қуриладиган бинони бугун нишонлаб, эртага байрам қилишимиз учун сўнгги хотира бўлсин. Шоядки, ушбу тадбирларда ҳар бир мусулмон амалга оширишга ҳаракат қилаётган «Халифалик 101» шиорининг натижаси ё даъватчи Мусъаб ибн Умайр ёки нусрат эгаси Саъд ибн Муоз амалга оширган нарса бўлсин.

﴿وَاللَّهُ غَالِبٌ عَلَى أَمْرِهِ وَلَـكِنَّ أَكْثَرَ النَّاسِ لاَ يَعْلَمُونَ﴾

«Аллоҳ Ўз ишида ғолибдир, лекин одамларнинг кўплари (буни) билмайдилар»                                                                                                    [Юсуф 21]

Роя газетасининг 2022 йил 16 феврал чоршанба кунги 378-сонидан