بِسْمِ اللهِ الرَّحْمٰنِ الرَّحِيمِ

Эй мусулмонлар, Халифаликни барпо қилинглар

Устоз Саид Фазл

Ҳизб ут-Таҳрирнинг Миср вилоятидаги

матбуот бўлими аъзоси

Умматлар ўзлари кўтариб чиқадиган ва тузумлар шаклида намоён бўладиган фикр ва тушунчалар билан уйғонади. Агар фикр ва тушунчалар тузумлардан айриладиган бўлса, инқироз юз беради. Бунга арабларнинг Набий ﷺнинг рисолатидан олдинги ҳаётини ҳамда бугунги кунда устимиздан ҳукмронлик қилаётган капиталистик тузум сояси остида яшаётган Исломий Умматнинг ҳолатини мисол қила оламиз. Уммат фақат Ислом билан уйғонади ҳамда ўзининг собиқ улуғлиги ва куч-қудратига фақат Ислом билан эришади. Аллоҳ рози бўлсин, Умар розияллоҳу анҳу бундай деган эди: «Биз, Аллоҳ Ислом билан азиз-қудратли қилган қавммиз. Агар куч-қудратни Исломдан ўзга ердан қидирсак, Аллоҳ бизни хор қилади».

Кимдир ўйламасдан, ақлини ишлатиб кўрмасдан, «Ғарб Исломсиз, ҳатто барча динлардан воз кечиб, капитализм ва демократияни мабда сифатида кўтариб чиққан пайтда ривожланди-ку, деб айтиши мумкин. Агар диққат билан қараганда эди, бундай демаган бўларди. Чунки капитализм янги дин. Агар буни тан олишмаса, у ҳолда капитализмнинг динни ҳаётдан ажратган ақидаси борлигига, ҳаёт, ҳаётдан олдинги вужуд ва ҳаётдан кейинги ҳаёт тўғрисида ўзига хос фикри мавжудлигига бир назар солишсин. Капитализм Холиқнинг борлигини тан олса-да, бироқ У зотнинг инсонлар ишларини бошқариб, муносабатларини тартиблаштирувчи зотлигини инкор қилади. Тўғри, капитализм сезиларли ҳақиқий уйғонишни пайдо қилди. Бироқ бу вақтинчалик ва бузуқ уйғониш бўлиб, бу нарса ҳар қандай ақлирасо кишига кўриниб турибди. Ғарб ва жамиятларининг бузуқлиги, унда йирик сармоядорларнинг ва ҳокимият тепасидагиларнинг ҳукмронлик, зўравонлик қилаётгани бунга очиқ далилдир. Мана, бу тузум сармоядор-пулдорлар ва манфаатпарастларга хизмат қилиб, ўшаларнинг эҳтиёжини қондирмоқда. Улардан бошқалар эса, ҳар бирлари ўз даражаларига қараб мана шу тузумнинг оловида жизғинак бўлмоқда. Ғарб халқлари бизнинг мусулмон халқлардан ва бошқалардан кўра юқорироқ даражада туради!

Шунинг учун ҳам бугун олам ҳақиқий альтернативага, Ислом тузумига ва Пайғамбарлик минҳожи асосидаги рошид Халифалик давлатига жуда-жуда муҳтож. Зеро, Ислом тузумигина оламни капитализмдан қутқара олади. Бундан ташқари, капитализм ўзи ҳам чўкмоқда, ўзи билан бирга оламни ҳам чўктирмоқда. Ислом шундай тузумки, у инсонлар устидан – дини, ирқи, ранги ва мазҳабидан қатъий назар – адолатни татбиқ қилади. Мусулмонларга нисбатан оладиган бўлсак, Ғарб тортиб олган ҳурматлари, шон-шавкатлари, бойликлари, ресурслари ва эркинликларини қайта олиб беради. Ислом тузуми Аллоҳ мусулмонлар учун рози бўлган, татбиқ қилишни уларга буюрган, унга қарши чиқишни ҳаром қилган тузумдир. Дарҳақиқат, Аллоҳ Таоло Ўз набийси Муҳаммад ﷺга бундай хитоб қилган:

﴿فَاحْكُمْ بَيْنَهُمْ بِمَا أَنزَلَ اللَّهُ وَلاَ تَتَّبِعْ أَهْوَاءَهُمْ عَمَّا جَاءَكَ مِنْ الْحَقِّ﴾

«(Эй Муҳаммад), одамлар ўртасида Аллоҳ нозил қилган нарса билан ҳукм юритинг ва Сизга келган ҳақдан юз ўгириб, уларнинг ҳавойи нафсларига эргашманг!»                                                                                 [Моида 48]

Яна бундай хитоб қилган:

﴿وَأَنْ احْكُمْ بَيْنَهُمْ بِمَا أَنزَلَ اللَّهُ وَلاَ تَتَّبِعْ أَهْوَاءَهُمْ وَاحْذَرْهُمْ أَنْ يَفْتِنُوكَ عَنْ بَعْضِ مَا أَنزَلَ اللَّهُ إِلَيْكَ﴾

«(Эй Муҳаммад), улар ўртасида Аллоҳ нозил қилган нарса билан ҳукм қилинг, уларнинг ҳавойи нафсларига эргашманг ва Аллоҳ Сизга нозил қилган ҳукмларнинг айримларидан Сизни буриб фитнага солиб қўйишларидан эҳтиёт бўлинг!»                                                                          [Моида 49]

Бу ерда Набий ﷺга қилинган хитоб Умматга қилинган хитобдир. Шунинг учун Исломни татбиқ қилиш ва у билан ҳукм юритиш бутун Уммат зиммасидаги ҳақ вожибга айланган. Мусулмон кишининг ҳолати фақат уч ҳолатдан бири бўлиши лозим: ё устидан Ислом билан ҳукм юритилаётган фуқаро бўлсин ёки Ислом билан ҳукм юритаётган ҳоким бўлсин ёхуд Ислом билан ўзи ҳукм юритишга, ёки ҳукм юритилишига ҳаракат қилаётган киши бўлсин. Акс ҳолда гуноҳкор бўлади. Шундай экан, Ислом татбиқига душманлик қилиб, унга қарши курашаётган кимсалар ҳақида нима дейиш мумкин?! Шунингдек, Исломни татбиқ қиладиган ва уни инсонларнинг кўз ўнгидаги амалий воқеликка айлантирадиган Халифалик давлатининг қайтиб келишига тўсқинлик қилувчиларни нима деб аташ мумкин?! Шубҳасиз, бундай қилмиш Аллоҳнинг наздида гуноҳи азимдир.

Режимларнинг «масжидлар очиқ, одамларга намоз ўқишлари учун рухсат берилган, намоз, закот, рўза ва ҳаж ибодатлари адо бўляпти», дея қилаётган ташвиқотлари Исломни татбиқ қилиш эмас. Баъзи давлатларнинг Ислом шариатидаги кичик бир жазо қонунини татбиқ қилаётгани ҳам Ислом татбиқ қилинаётганини англатмайди. Чунки буларнинг барчаси Исломни татбиқ ҳолатига олиб чиқмайди ҳамда исломий юртларни Ислом диёрига айлантирмайди. Юртларимиз Ислом диёрига айланиши учун Ислом тўла ва кенг қамровда татбиқ қилиниши лозим.

﴿يَا أَيُّهَا الَّذِينَ آمَنُوا ادْخُلُوا فِي السِّلْمِ كَافَّةً وَلاَ تَتَّبِعُوا خُطُوَاتِ الشَّيْطَانِ إِنَّهُ لَكُمْ عَدُوٌّ مُبِينٌ﴾

«Эй мўминлар, тўла ҳолдаги Исломга кирингиз ва шайтоннинг изидан эргашмангиз! Шубҳасиз, у сизларнинг очиқ душманингиздир»      [Бақара 208]

Шу боис, мусулмон учун Исломни татбиқ қилишдан ёки шунга ҳаракат қилишдан кўра вожиброқ иш йўқ. Масалан, Росулуллоҳ ﷺ Мадинада Ислом давлатини барпо қилиб, Ислом билан ҳукм юритганлар ҳамда бутун Араб ярим оролини тиз чўктириб, Ислом байроғи остига киритганлар. Ул зотдан кейин келган рошид халифалар ҳам Пайғамбарлик минҳожи асосида юриб, юртларни фатҳ қилганлар, Исломни Росулуллоҳ ﷺдек татбиқ қилганлар. Гарчи кейинги халифалар Пайғамбарлик минҳожидан оғган бўлсалар-да, бироқ Ислом ўзининг тузуми ва давлати билан мусулмонлар устидан татбиқ этиб келинган. Мусулмон юртлари битта ҳукмдор-халифа томонидан бошқариладиган битта давлат бўлган. Мусулмонлар халифага тўлиқ, кенг қамровли равишда Ислом билан ҳукм юритиши шарти билан Аллоҳнинг Китоби ва Росулининг суннати асосида итоат байъатини берадилар. Агар бунга хилоф иш тутиб, Ислом билан ҳукм юритмаса ёки ўзида очиқ куфрни намоён қилса, унга қулоқ солиб итоат қилинмайди. Бу ҳолатда уни ишдан бўшатиб, ўрнига Исломни татбиқ қилувчи шахсни сайлаш вожиб бўлади. Убода ибн Сомитдан унинг бундай дегани ривоят қилинади: Набий ﷺ бизни даъват қилдилар. Биз у кишига байъат бердик. Биздан байъат олар экан, хурсандчиликда ҳам, хафачиликда ҳам, оғир кунларимизда ҳам, енгил кунларимизда ҳам қулоқ солиб, итоат этишга, ишни эгасидан талашмаслигимизга байъат беришимизни айтиб: фақат агар очиқ куфрни кўрсангиз ва сизда бу ҳақда Аллоҳдан аниқ ҳужжат бўлса, (шундагина талашишингиз мумкин), дедилар. Шундай қилиб, Ислом давлати ўн уч асрдан зиёд вақт мобайнида бутун дунёни бошқариб келди. Одамлар бу даврда том маънодаги адолатни ҳис қилдилар. Ислом давлати дунёнинг ҳеч бир рақибисиз биринчи давлати бўлди. Кейинчалик Ғарб унга кўппаклардек ташланиб, милодий йигирманчи йилнинг бошларида уни ҳаётдан четлатиб юборди, шу билан инсонлар қонини ичиш ва бойликларини талашдек мақсадига етди.

Мусулмонларнинг ҳаёт-мамот масаласи сифатида қарашлари керак бўлган тақдирий масалалари Пайғамбарлик минҳожи асосидаги рошид Халифалик давлатини барпо этиш орқали яна Исломни татбиқ қилишдир. Мусулмонлар юртларини Ислом бошқармоғи даркор. Бу эса, халифасиз асло амалга ошмайди. Уммат халифага ўзидан вакил сифатида Исломни татбиқ қилиши ва бутун дунёга Исломни даъват ва жиҳод орқали олиб чиқиши шарти асосида розилик ва танлов билан байъат беради ҳамда яширину ошкор ишларда халифага итоат қилиш учун унга қўл узатиб, қалб қўрини беради. Ушбу даъват ва жиҳод ҳидоят ва нур рисолати бўлиб, Аллоҳ у билан ўзи истаган бандаларини бандаларга ибодат қилишдан бандалар Роббисига ибодат қилишга, дунё торлигидан, дунё ва охират кенглигига, динлар зулмидан Ислом адолатига олиб чиқади.

﴿يَا أَيُّهَا الَّذِينَ آمَنُواْ اسْتَجِيبُواْ لِلّهِ وَلِلرَّسُولِ إِذَا دَعَاكُم لِمَا يُحْيِيكُمْ وَاعْلَمُواْ أَنَّ اللّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ﴾

«Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни, динга) даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар»                                   [Анфол 24]

Роя газетасининг 2021 йил 17 феврал чоршанба кунги 326-сонидан

+2

0

Related posts:

Ҳизб ут-Таҳрир Халифалик ағдарилганининг аламли 100 йиллик хотирасида халқаро тадбирлар ўтказмоқда Ҳизб ут-Таҳрирнинг Халифалик ағдарилишининг аламли юз йиллик хотирасида бошлаган халқаро кампанияси давом этмоқда Халифалик давлатининг қулатилиши мусулмонлар бошига тушган энг катта фалокат бўлди Биз Халифалик билан тирикмиз