بِسْمِ اللهِ الرَّحْمٰنِ الرَّحِيمِ

Ҳизб ут-Таҳрир – Танзания: Йигитларимизни судга оширинг ёки уларни зудлик билан қўйиб юборинг

Танзаниядаги уч нафар Ҳизб ут-Таҳрир аъзоларининг ўғирлаб кетилганига уч йил бўлди. Ҳизбнинг 41 ёшли устоз Рамазон Мусо, 33 ёшли Вазир Сулаймон ва 51 ёшли Умарсалим Бумбулардан иборат ушбу аъзоларига «террористик ҳаракат содир этишга тил бириктириш» ва «террористик амалиётлар содир этиш» каби ёлғон айбловлар қўйилган.

Бу ҳақда Ҳизб ут-Таҳрирнинг Танзаниядаги матбуот бўлими баёнот чиқариб, қуйидагиларни таъкидлади: «Биз Ҳизб ут-Таҳрир аъзолари ўғирлаб кетилган уч нафар аъзойимизнинг ҳеч қандай жиноят қилмаганликларини қаттиқ таъкидлаймиз. Шу сабабдан, ҳукуматга нисбатан ишончимиз йўқ. Чунки у йигитларимиз ишини ҳалигача судга оширгани йўқ. Бу аъзоларимиз ҳам, имомлар кенгаши чиқарган ҳужжатда (17-25 саҳифаларда) таъкидланган бошқа кўплаб аъзоларимиз ҳам нохолис қонуннинг қурбонларига айландилар. Терроризмга қарши кураш, дейилаётган бу қонун йирик давлатлар томонидан зўрлаб тиқиштирилган бўлиб, мусулмонларни бостириш, террор қилиш, ўғирлаб кетиб, қийноққа солиш ва бошқа ёвуз мақсадларга хизмат қилади.

Биз Ҳизб ут-Таҳрирнинг Танзаниядаги аъзолари юртда адолатни рўёбга чиқариш учун ҳаракат қилаётган барча органлардан муносиб-лойиқ суд жараёни ўтказишларини талаб қиламиз. Бу жараён қамоққа олинган учала аъзоларимизни судга тортиб, судга далиллар тақдим этиб (агар қўлларида бирор далил бўлса албатта), уларни кафолат асосида қўйиб юбориш ёки мутлақо озод этиш жараёнидир.

Роя газетасининг 2020 йил 29 июл чоршанба кунги 297-сонидан