Рамазон Аллоҳнинг изни ила яна нусрат ва фатҳлар ойи бўлсин

بِسْمِ اللَّهِ الرَّحْمَٰنِ الرَّحِيمِ

Ислом Уммати Исломни татбиқ қилиб, унинг ҳукмларига амал қилиб яшаган даврларида Аллоҳ Таоло уни азиз ва мукаррам қилди, кўз кўриб, қулоқ эшитмаган буюк ғалабаларни тортиқ қилди. Уларнинг ичида муҳим аҳамиятга эга бўлган кўплаб ғалабалар эса, Рамазон ойига тўғри келади. Биз ушбу шарафли кунларни мусулмонларга яна эслатишни ният қилдик, токи улар бугун ҳам ўша тарихни такрорлашга қодир эканликларини, бунинг учун Аллоҳнинг динини маҳкам ушлаб, унинг ҳукмларини ҳаётда татбиқ қилишлари лозимлигини англасинлар.

Рамазоннинг 1-кунида қуйидаги муҳим воқеалар содир бўлган:

Ҳижрий 20 йил – мўминлар амири Умар ибн Хаттоб р.а. халифалиги даврида Амр ибн Ос қўмондонлиги остидаги Исломий қўшин Мисрни фатҳ қилди;

Ҳижрий 91 йил – Андалусияни (ҳозирги Испания) фатҳ қилинишининг бошланиши. Ториф ибн Молик қўмондонлиги остидаги мусулмонларнинг Андалусиянинг жанубига тушиши ва унинг жанубий чегараларида ҳарбий амалиётларнинг бошланиши.

Рамазоннинг 2-куни:

Ҳижрий 82 йил – Ҳасан ибн Нўъмон қўмондонлиги остидаги мусулмонлар қўшини Мағрибул Авсатни (“Ўрта Мағриб”, Тунис ғарби ва Жазоир шимоли) фатҳ қилди. Исломий қўшин Дохи Кохинийни (Шимолий Африкадаги барбар-яҳудий князлиги қироличаси, Карфагеннинг охирги қироличаси) тор-мор қилди. Шу сабабли унинг 12000 аскари Ислом қўшини тарафига ўтди ва Исломни қабул қилди.

Рамазоннинг 3-куни:

Ҳижрий 2 йил – Росулуллоҳ ﷺ бошчилигидаги мусулмонлар қўшини Қурайш мушрикларига қарши ҳал қилувчи жанг қилиш учун Мадинаи Мунавварадан Бадр томон йўлга отланди.

Рамазоннинг 4-куни:

Ҳижрий 1 йил – Росулуллоҳﷺ  Исломнинг биринчи байроғини Хамза ибн Абдулмутталибга топширдилар. У муҳожирлардан бўлган 30 кишилик гуруҳга бош бўлиб, 300 аскар қўриқлаб бораётган Абу Жаҳл бошчилигидаги қурайшликлар карвонига ҳужум қилишга отланди. Бироқ улар ўртасида ҳеч қандай тўқнашув ва жанг бўлмади.

Ҳижрий 666 йил – Зохир Бейбарс бошчилигидаги қўшин салибчилардан Антакяни қайтариб олди. 

Ҳижрий 927 йил – мусулмонлар Марказий Европа дарвозаси ҳисобланадиган, Усмоний Халифалик билан Венгрия чегарасидаги энг ҳимояланган қалъа бўлган Белградни фатҳ қилдилар.

Ҳизб ут-Таҳрирнинг Ўзбекистондаги матбуот бўлими аъзоси Фаррух

26.04.2021й