Иймон ва куфр жангги ёдингиздан чиқмасин

بِسْمِ اللهِ الرَّحْمٰنِ الرَّحِيم

Агар биз Исломнинг ҳаётдаги асл ўрнини англай олганимизда эди, бугунгидек Исломга бепарволик қилмаган бўлар эдик.

Ишонасизми, Исломнинг ҳаётдаги асл ўрнини бугунги кунда айрим мусулмонлардан кофирлар тўғри тушунадиган бўлиб қолди. Буни идрок қилиш қийин эмас. Бунинг учун куфр оламининг мусулмонларни Исломдан узоқлаштириш учун қанчалик ҳаракат қилаётганига назар солиш кифоя. Бу ҳаракатлар кофирларнинг Исломни ҳаётга таъсири қанчалик эканлигини тушунаётганликларидан дарак беради.

Агар куфр мусулмонларни Исломдан узоқлаштириш учун ҳаракат қилмаса, мусулмонлар жуда тез суратда Исломларига қайтадилар ва Исломий Давлатнинг аввалги нуфузини қайтаришга ҳаракат қиладилар. Чунки мусулмонлар Исломни фикрий тушунишдан узоқлашган бўлсалар-да, бироқ улар Исломга қалбан жуда яқиндирлар. Бу яқинлик Исломнинг аслида инсон фитратига мослиги, ақлан қаноатлантира олганлиги ҳамда тузум сифатида татбиқ қилинган даврларда инсоният учун адолатли, фаровон ҳаётни таъминлаб бера олганидадир. Шунинг учун мусулмонлар фикран тушунишда қолоқлашган бўлсалар-да, Исломга нисбатан қалбан мойилликлари йўқолмади.

Кофирлар шунинг учун тинмай мусулмонларни Исломдан узоқлаштиришга ва қайта исломий ҳаётни қуришга бир бўлиб интилмасликлари учун ҳаракат қилишмоқда. Мусулмонларнинг бугунги ҳолати куфрнинг хизмати ва Исломдан узоқлашиш натижасидир. Мусулмонлар Исломдан қанчалик узоқлашган бўлсалар, шунчалик хор бўлдилар. Шу ҳолатда ҳам Исломни тушунишдан тўсувчи, ҳақни ноҳақ сингари танитувчи, Ислом уламоси эканлигини даъво қилса-да, аслида куфрга малайлик қилувчи шахслар кўплаб топилади. Бу куфрнинг ҳаракати натижасидир.

Куфрни енгишнинг ягона йўли Исломга қайтишдир. Мусулмонлар Исломни асл моҳияти билан тушунишлари ва исломий ҳаётни чин маънода қуришга ҳаракат қилишлари керак. Исломгина Аллоҳни рози қилишимиз ва куфрни енгишимиз учун ҳақиқий йўл бўла олади, фақатгина Ислом бизни икки дунёда азиз қила олади!

Ҳизб ут-Таҳрирнинг Ўзбекистондаги медиа офиси. Абдуллоҳ

28.02.2020й