بِسْمِ اللهِ الرَّحْمنِ الرَّحِيمِ

Инсон ҳуқуқларини муҳофаза қилиш ташкилоти нимани химоя қилади?

Куни кеча “Озодлик” радиоси сайтида Human Rights Wath (инсон ҳуқуқларини муҳофаза қилиш) ташкилотининг Ўзбекистонда сиёсий махбусларга яхши муносабатда бўлишни талаб қилган мақоласи эълон қилинди.

Мақолада айтилишича, “Ташкилот вакиллари фикрича, бундай қадам расмий Тошкентнинг Ўзбекистонда инсон ҳуқуқлари билан боғлиқ вазиятни яхшилаш бўйича бонг урилаётган ислоҳотларга чиндан ҳам содиқ эканини намоён этган бўларди.

– Бизнинг асосий чақириғимиз шуки, агар президент Каримов ўзи тез-тез таъкидлаб турганидек, ҳақиқатан ҳам чинакам ислоҳотлар ўтказилишини истаётганини исботламоқчи бўлса, бу сиёсий маҳбусларнинг озод қилинишига эришиши керак” – дейилган.

Мақола давомида ушбу ташкилот фикрига кўра, сиёсий махбус, деб қараладиган маҳбуслар рўйхати берилган.

Бу рўйхатда Ҳизб ут – Таҳрир исломий сиёсий партиясининг биронта аъзосининг номи киритилмаган. Сабаби оддий, асли харакатида умуман моддий ишлар қилмайдиган, на террор ва на экстремистик харакатларга алоқаси бўлмаган, йўналиши фақатгина мусулмон умматининг сиёсий фикрини Исломий манҳаж бўйича фикрлатадиган бу сиёсий харакатни, куфр тузуми унинг манфаатларига бўйсунмаганлиги учун, асл кирдикорларини очиб ташлагани учун ўзининг бирламчи душмани деб билади. Ва бундай инсон хуқуқларини химоя қилувчи ташкилотлар, асли куфр лойихаларидан келиб чиққанлигидан уларнинг хазоратига, яшаш тарзига, сақофатига ва маданиятига қарши, Ислом асосида хаёт қонунларини мужассам этган тузуми, хазорати, маданияти ва Исломни мабда сифатида дунё сахнасига олиб келишликка харакат қилаётган Ҳизб ут-Таҳрирни тилга олишга ҳам қўрқишади. Куфрнинг бундай инсон хуқуқини химоя қилувчи ташкилотлари куфр манфаатларига зид келмайдиган, балки куфрнинг пойқадамларини мустахкамлайдиган “мўътадил Ислом” тарғиботчи ва тарафдорларини ёки муросасозликка асосланган исломий “шахс” ва ташкилотларни химоя қилишга жазм қилиша олади холос. Лекин имон билан куфр муроса қилмайди, шу жихатдан ҳам Ҳизб ут-Таҳрир, куфр хизматкорлари билан муроса қилмагани учун унга тухмат қилишиб “террористик” ёки “экстремистик” деган тамғаларни босишга харакат қилишади ёки шундай инсон хуқуқларини химоя қилувчи ташкилотлар Ҳизб аъзоларининг устидан шунчалик зулм ва қийноқлар бўлаётган бўлса ҳам билиб туришиб, ўзларини билмаган ва кўрмаганга олишади.

Агар бу куфр тузуми даъво қилаётган демократиясига ўзи амал қила олса, Исломий – сиёсий харакатларни ҳам террорчига чиқармасдан, тек қўйиб берсин, уларни ҳам хуқуқи хақида гапирсин эди. Аммо бу ерда асло Ҳизб ут – Таҳрир бунақанги ташкилотлар томонидан хуқуқлари химоя қилинишини илтимос қилмоқда ёки умид қилмоқда деган даъво бўлмасин, чунки бу сўзлар ушбу ташкилотларнинг холис эмаслигини, демократия хеч қачон адолатли бўла олмаслигини ифодалаш учун холос. Зеро Ҳизб ут – Таҳрир ёрдамни ҳам, мададни ҳам, нусратни ҳам фақатгина Аллоҳдан умид қилади ва Унгагина суянади. Бу гуруҳ ўзига Роббисининг ушбу оятини шиор қилиб олган:

إِيَّاكَ نَعْبُدُ وإِيَّاكَ نَسْتَعِينُ

“Фақат Сенгагина ибодат қиламиз ва фақат Сендангина ёрдам сўраймиз” (Фотиҳа, 5)

Хозирги вақтда Ўзбекистонда кетаётган сиёсий курашлар ва бу курашда Россия югурдакларининг қўли баланд келиб тургани тўғрисида аввалги мақолаларимизда айтиб ўтган эдик. Ушбу сиёсий ўйинларга АҚШ томони жим қараб турганининг сабаби нимада?

Ҳаммамизга маълумки, хийлакор Америка, хеч қачон манфаатига зид қадам ташламайди ва албатта, геополитик ва стратегик жиҳатдан муҳим хисобланган Ўзбекистонни Россияга бериб қўйишни хоҳламайди ҳам. Америка манфаатларини қондириб бериб келган Каримов эса ўйиндан чиқиши хақиқатга яқин бўлиб қолди. Ушбу хуқуқ ташкилотининг сиёсий махбусларни озод қилишни талаб қилиши ва шу вақтларда, тўсатдан ташқи ишлар вазири Абдулазиз Комиловни Америкага ташрифи, Американинг Ўзбекистон ҳудудида амалги ошириш учун бирон бир режа тузаётганига ишора бўлиши эхтимолидан йироқ эмас. Бу хозирча фақатгина тахмин холос, лекин хар не бўлганда ҳам келаётган йил Ўзбекистон учун бир қанча сиёсий ўйинларга ва курашларга бой йил бўлиши табиий.

Ҳизб ут-Таҳрирнинг Ўзбекистондаги медиа офиси Абдуллоҳ

10.12.2013й.