بِسْمِ اللهِ الرَّحْمنِ الرَّحِيمِ

“Интернетни тўсиб бўлмайди, барака топгурлар….”

“Озодлик” сайтининг хабар қилишича Самарканд вилоятида мактаб ўқитувчи ва ўқувчиларга мобил телефондан фойдаланиш таъқиқланди. Вилоят халқ таълими мутасаддиларига кўра, бу тадбир ёшларнинг ижтимоий тармоқларга киришни чеклаш мақсадида амалга оширилмоқда.

Ўзбекистоннинг юритаётган бу сиёсати собиқ шўролар сиёсатидан мерос десак муболаға бўлмайди. Балки ундан ҳам ошиб тушаяпти. Масалан, собиқ шўро хукумати бойлар қатламини жамиятдан йўқотишдан олдин, халқни бу қатламга нисбатан бадиий фильмлар, хикоялар шунга ўхшаш услублар билан нафратини уйғотиб олган. Халқни нафратини қўзғаб олгандан кейин эса кимни ушбу жиноят билан айбли деб топса, ўшани қамоққа тиқиш, қулоқ қилиш каби манфур, жирканч чоралар билан жазолаган.

Ўзбекистон давлати ҳам ҳудди шундай йўлни тутди, интернет оламини бошқара олмай қолишига кўзи етиб, унга таъқиқ қўйиш кераклигини ўйлаб чиқди ва бу таъқиққа бир йил давомида халқни тайёрлаб борди. Бунга мисол президент Каримовнинг интернетга тўсиқ қўйиб бўлмаслиги хақидаги нутқи, ички бозорни қўллаб қувватлаш мақсадида, четдан кираётган компьютер, мобил алоқа воситаларига нисбатан қўшимча қиймат солиғини оширилиши ва шу кунларда Ўзбекистон телеканалларида эфирга узатилган "Одноклассники.ру" бадиий фильм кабилардир.

Нима учун бу режим ижтимоий тармоқдан хавфсирамоқда?

Бугунги кунда ижтимоий тармоқларда холис мусулмонлар даъвати туфайли Ислом кенг кўламда ёйилаётгани хеч кимга сир эмас. Ва бу холат албатта ижтимоий тармоқлардан фойдаланаётган аксар ёшларга ўз таъсирини ўтказмай қолмади. Ёшлар ичида Исломга бўлган қизикиш кундан – кунга ортиб бормоқда. Шундоқ ҳам мусулмонларни диндан узоқлаштиришга ҳаракат қилаётган манфур тузум бу холатга жавобан ҳам ўзининг золимона услубини қўллади, яъни юқоридаги ишларни амалга оширди. Ха, бу куфр тузум, хеч качон мусулмонларни ўз Исломи билан яшашларини истамайди ва йул қўймайди.

Биз тузум эгаларига Аллох Таъолонинг қуйидаги оятларини эслатмоқчимиз,

يُرِيدُونَ لِيُطْفِؤُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ

“Аллоҳнинг нурини оғизлари билан ўчирмоқчи бўладилар. Вахоланки Аллоҳ, кофирлар ёқтирмаса ҳам, Ўз нурини тугал этгувчидир” (Соф, 8)

Ўзбекистон Ҳизб ут-Таҳрирининг медиа офиси Умар

27.12.2013й.