بِسْـــمِ اللهِ الرَّحْمٰـــنِ الرَّحِيـــم

Роя газетаси:

Иордания режими Ҳизб ут-Таҳрир аъзоларига зулм ва таъқибни давом эттирмоқда

Иордания режими Ҳизб-ут-Таҳрир аъзоларига зулм ва таъқибни давом эттираётганига қарши Ҳизб ут-Таҳрир-Иордания вилояти матбуот бўлими ҳижрий 1439 йил 22 жумодул-аввал, милодий 2018 йил 8 феврал пайшанба куни баёнот чиқарди. «Иордания режими Ҳизб ут-Таҳрир аъзоларига зулм ва таъқибни давом эттирмоқда» сарлавҳаси остидаги ушбу баёнотда бундай дейилади:

«Иордания режими Қуддус масаласини ёпиб қўйганидан кейин, Ҳизб ут-Таҳрир-Иордания вилояти Қуддусни ва бутун Фаластинни қўллаб-қувватлаш намойишини ўтказди. Ҳизб – аввалги намойишлардаги каби – ушбу намойишда ҳам, барча исломий армияларни ёрдамга чақириб, уларни Қуддус яҳудийлар вужуди пойтахти, дея ўйлаб-ўйламай қабул қилинган Америка қарорига қарши ҳаракатга келишга даъват қилган эди. Аммо Иордания хавфсизлик хизмати Ҳизб ва унинг аъзоларига нисбатан нафрат-адоватидан келиб чиқиб, пойтахт Аммондаги Муқобилин минтақасидан Ҳизбнинг икки аъзоси Мўътасим Файзсалом билан Али Васфий Ҳарбни қамоққа олди. Али Васфий қамоққа олиниб, давлат хавфсизлик хизмати ҳибсхонасига ташлангандан буён оиласи, яқинлари ва адвокати билан учрашишига рухсат берилмаяпти. Бу эса, унинг қаттиқ қийноққа солингани, танасига оғир жароҳат етказилгани ва ҳамон жароҳатлари тузалмагани ҳақидаги шубҳаларни келтириб чиқарди».

Баёнотда биродар Ҳарбнинг соғлиғидан Иордания режими тўлиқ жавобгар экани айтилиб, бундай дейилди:

«Биз Ҳизб ут-Таҳрир-Иордания вилояти аъзолари, биродар Ҳарбнинг соғлиғидан Иордания режими, унинг хавфсизлик хизмати, давлат разведка хизмати директори ва барча терговчи зобитлар жавобгар, деб биламиз. Шунингдек, режимдан ҳисоб талаб қилгани, унинг зулмини, тил бириктирувини, коррупциясини ва барча иорданияликларга ойдек маълум бўлиб қолган бебошлигини фош этгани учун Ҳизб ут-Таҳрирнинг мард ўғлонлари қамоққа олинишидан ҳам улар жавобгардир. Зеро, Росулуллоҳ ﷺга эргашган мана шундай шижоат, орият ва ҳикмат соҳибларини етиштириб чиқарган ушбу замин аҳлига режимнинг қилмишлари ойдек маълум бўлиб қолди».

Иордания ҳукуматининг ҳақ сўзни ошкора айтган инсонларга нисбатан тўқиб чиқарган уйдирмалари ва ноҳақ айбловлари ҳақида баёнотда бундай дейилди:

«Иорданиядаги мусулмонларга уйғониш ва озодлик йўлини ёритиб берувчи, исломий армиялар ҳимматини қўзғаб, имонларини зиёда қилувчи ҳақ сўзни ошкора айтаётган ростгўй биродарларимизга нисбатан бу режим турли-туман ёлғон айбловлар тўқиб чиқаришда маҳорат кўрсатишидан биз ажабланмаймиз. Зеро, у сиёсий омадсизликка учради, унинг бошқаришга ожизлиги ва тарихий зулми Иордания аҳлига яққол кўриниб турибди. Бу соҳада капиталистик ақлияга эга бўлган арабу ажам доҳийлари ҳам, сиёсат, иқтисод ва хавфсизлик соҳаси раҳнамолари ҳам унга ета олмайди. Росулуллоҳ A бундай деганлар:

«إِنَّ اللهَ لَيُمْلِي لِلظَّالِمِ حَتَّى إِذَا أَخَذَهُ لَمْ يُفْلِتْهُ»

«Аллоҳ золимга муҳлат бериб қўяди, қачон уни ушлаганда эса, ҳаргиз қочиб қутулолмайди».

Ҳизб ут-Таҳрир-Иордания вилояти матбуот бўлими ўз баёнотини Аллоҳ Субҳанаҳуга, қолаверса мусулмонларга берган аҳд-паймонини янгилаш билан, мана бундай хотималади:

«Биз Ҳизб ут-Таҳрир-Иордания вилояти аъзолари, то Аллоҳ Субҳанаҳу ва Таоло Исломни барча динлардан ғолиб қилиб, Умматни нусрат ва қудрат билан сийлагунга қадар ёки биз Аллоҳга итоат қилиб, динида холис туриб Парвардигорга йўлиққунимизга қадар, Росулуллоҳ Aнинг минҳожлари устида, ундан заррача оғмасдан ҳақни ошкор айтишга, маломатчилар маломатидан, ёмон кўрувчилар адоватидан, тоғутлар зулмидан қўрқмасликка Аллоҳ Субҳанаҳу ва Таолога, қолаверса, Иордания ва оламдаги мусулмонларга қайтадан аҳд-паймон берамиз.

﴿إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الأَشْهَادُ﴾

«Албатта Биз пайғамбарларимизга ва имон келтирган зотларга ҳаёти дунёда ҳам, гувоҳлар (ҳозир бўлиб) турадиган Кунда (қиёматда) ҳам нусрат-ёрдам берурмиз»                                 [Ғофир 51]

Роя газетасининг 2018 йил 14 феврал чоршанба кунги 169-сонидан