Миллионлаб гувоҳлар жинояткор дея қоралаб, гувоҳлик беришига қарамай Асад – суриялик халқ мени қўллаб-қувватлайди… мен супермэн эмасман демоқда
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Миллионлаб гувоҳлар жинояткор дея қоралаб, гувоҳлик беришига қарамай Асад – суриялик халқ мени қўллаб-қувватлайди… мен супермэн эмасман демоқда
Сурия президенти Башар Асад унинг режимини ағдаришни талаб қилган Суриядаги қўзғолоннинг «олти йили давомида ҳеч қандай даҳшатли ишларга қўл урмаган»ини айтмоқда.
Даниянинг «ТВ-2» каналига берган интервьюсида Асад «кенг қўллаб-қувватловга эга» эканини айтар экан, «Мен бунчалик қўллаб-қувватловга эга бўлмаганимда эди, бугун бу ерда ўтирмаган бўлар эдим… тўғри, мен сурепмэн эмасман», деди.
Асад ўз интервьюсида айтишича, унинг режимининг сақланиб қолаётганига сабаб, «сурияликларни мудофаа қилгани бўлиб, оддий фуқароларга қарши жиноятларда Дамашқнинг қўли борлиги тўғрисидаги иддиоларни у қоралар» эмиш.
Асад ўз режими содир этган қирғинлар ҳажмини камайтиришга уриниб, булар хато сабабли бўлганини айтар экан, жумладан, «Инкор этмайман, бирор шахс хато қилган бўлиши мумкин. Чунки ҳар қандай уруш хатосиз бўлмайди, албатта», деди.
Унинг режими содир этган жиноятлар ҳақида айтилган ҳисоботларни Асад ёлғон, дея баҳолаб, бундай деди: «Сурияда уруш бошланганидан бери бизга мана шундай туҳматларни ёғдиришяпти. Энди, бундай туҳматларни тан олиб, буни рост дея ҳисоблаш билан мен ростгўйликдан чиқиб қоламан. Бу ҳаргиз ростгўйлик-тўғрилик ҳисобланмайди». (Арабий-21).
Роя газетаси шарҳи:
Сурия президенти Башар Асад ҳам, дунёдаги барча давлат раҳбарларидан фарқ қилмайди. У ҳам ўшалар каби каззоб ва каззоблигини ўзи ҳам билади. Ҳамма раҳбарлар бир-биридан ўтган каззоб эканликларини билишади. Ҳатто Асад каззобликда ҳаммасини ортда қолдирди. Ахир, бу Асаднинг қонхўрлигига ва Сурия аҳлини ёмон кўришига минглаб шаҳидлар, мажруҳлар, мусибат кўрганлар, сон-саноқсиз маҳбуслар, шунингдек, миллионлаб қочқинлар, муҳожирлар ва мазлумлар гувоҳлик берадилар. Минглаб вайрон бўлган уй-жойлар, ер билан теп-текис қилиб ташланган касалхоналар, бозорлар ва мактаблар бунга гувоҳлик бериб турибди. Шунга қарамай, бу кимса олти йил ичида содир этган даҳшатли ишларини инкор этмоқда. Унингча, бу рўй берган қотилликлару вайронагарчиликлар маълум шахснинг хатоси эмиш ёки булар Сурия аҳлини мудофаа қилиш йўлида рўй берганмиш. Наҳотки, Сурия аҳлини мудофааси уларни қатли ом қилиб, йўқ қилиш орқали амалга ошса?! Ё Аллоҳ, бугун Башар ҳам, Россия ҳам, АҚШ ва уларнинг малай ҳукмдорлари ҳам, ҳаммаси бизга ўз куч-қудратларини намойиш қилишди, бас, энди бизга Ўзинг куч-қудратингни намойиш эт!
Роя газетасининг 2016 йил 11 октябр чоршанба кунги 99-сонидан
