بِسْمِ اللهِ الرَّحْمٰنِ الرَّحِيم

Матбуот баёноти

Ислом АҚШ каби уруш ҳолатида бўлган кофир давлатлар билан қўшма ҳарбий операциялар ва ҳарбий машқлар ўтказишни қатъий шаклда тақиқлайди

АҚШ давлат департаментининг Жанубий ва Ўрта Осиё ишлари бўйича ёрдамчиси 2020 йил 4 январда шундай баёнот билан чиқди: «АҚШ президенти муштарак манфаатларни қўлга киритиш ҳамда Америка миллий хавфсизлигини сақлаш учун ҳарбий ҳамкорликни мустаҳкамлаш мақсадида Покистон билан халқаро ҳарбий машқ ва ҳарбий таълим (IMET)ни қайта бошлашга рухсат берди». Зобитларимизнинг Америка ҳарбий институтларида малака ошириши Американинг малайлар излаш ва уларни ҳарбий етакчиликка жалб қилишдаги самарали қуролидир. Американинг содиқ малайига айланган ҳамда АҚШ билан иттифоқчи бўлиш Покистоннинг стратегик хатарларига қарши курашишда шифобахш малҳам бўлади деб ишонтириб келинган Покистон ҳарбий етакчилиги мустамлакачилар ҳарбий институтларида бир неча ўн йиллардан бери малака ошириб келади. АҚШга содиқ бўлган бу етакчилик Америка лойиҳалари ижроси учун бизнинг кучимизни кўкка совуриши ҳам мумкин. Лекин улар босиб олинган Фаластин, Кашмир, Мьянма, Ироқ ва Суриядаги мусулмонларни зулмдан озод қилиш учун зарур бўлганда казармаларидан чиқмайдилар. Генерал Парвез Мушарраф, генерал Киёний, генерал Раҳил ва генерал Бажва, буларнинг барчаси мустамлакачининг ҳарбий программаси асосида тарбияланган кишилардир. Бундан ташқари ҳарбий ўқув дастури жосуслик учун йўл очади. Америка ушбу дастур орқали қуролли кучларимизга фикрлаш, машқ қилиш ва ҳарбий тайёргарликни ўргатади.

Ислом мусулмонлар билан уруш ҳолатида бўлган кофир давлатлар билан алоқа қилишни тақиқлайди. Шунингдек, улар билан дипломатик алоқа ўрнатишга рухсат бермайди. Ҳарбий алоқалар, иттифоқлар, стратегик музокаралар ва қўшма манёврлар ҳақида айтмаса ҳам бўлади. Аллоҳ Таоло айтади:

﴿الَّذِينَ يَتَّخِذُونَ الْكَافِرِينَ أَوْلِيَاءَ مِنْ دُونِ الْمُؤْمِنِينَ أَيَبْتَغُونَ عِنْدَهُمُ الْعِزَّةَ فَإِنَّ الْعِزَّةَ لِلَّهِ جَمِيعاً﴾

«Улар мўминларни қўйиб кофирларни дўст тутадилар. Улар ўша кофирлар олдидан куч-қудрат излайдиларми?! (Овора бўладилар!) Зеро, бор куч-қудрат Аллоҳникидир»                                                                                [Нисо 139]

Росулуллоҳ ﷺ бу ҳақда шундай деганлар:

«لَا تَسْتَضِيئُوا بِنَارِ الْمُشْرِكِينَ»

«Ишларингизда мушриклар билан маслаҳатлашманг». Аллоҳ Таоло айтади:

﴿وَلَنْ يَجْعَلَ اللَّهُ لِلْكَافِرِينَ عَلَى الْمُؤْمِنِينَ سَبِيلاً﴾

«Аллоҳ ҳаргиз кофирлар учун мўминлар устига йўл бермагай»          [Нисо 141]

Америка билан иттифоқ тузилганига етмиш йил ўтган бўлишига қарамай, қўшма ҳарбий машғулотлар ҳамда ҳарбий ўқув дастурлари ички ва ташқи сиёсатда хорлик ва ноумидликдан бошқа нарса олиб келмади. АҚШ нафақат мусулмонлар душмани, балки у душманларимизни бизга қарши кучайтириш учун улар билан стратегик ҳамкордир. Шундай экан, қандай қилиб бу душман бизни куч-қувват, ёрдам ва машғулотлар билан таъминлаши мумкин?! Дарҳақиқат уруш ҳолатида бўлган давлатлар билан иттифоқ тузишдан воз кечиш вақти келди. Шунингдек хавфсизлик, тинчлик, шараф ва қадр-қийматни рўёбга чиқариш учун Халифалик лойиҳасини қабул қилиш вақти келди. Чунки Пайғамбарлик минҳожи асосидаги рошид Халифалик Покистон, Ўрта Осиё ва Ўрта Шарқни ягона ва кучли давлат соясида бирлаштиришга ҳаракат қилади. Бу эса, АҚШни мусулмон юртлардан чиқиб кетишга мажбур қилади ва у бу юртларга қайта келишга журъат қила олмайди.

﴿إِنْ يَنْصُرْكُمُ اللَّهُ فَلَا غَالِبَ لَكُمْ وَإِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ وَعَلَى اللَّهِ فَلْيَتَوَكَّلِ الْمُؤْمِنُونَ﴾

«Агар сизларга Аллоҳ ёр бўлса, ҳеч ким сизлардан ғолиб бўлмас. Ва агар сизларни ёрдамсиз қўйса, Ундан ўзга ҳеч бир зот ёрдамчи бўлмас. Имон келтирган зотлар Аллоҳнинг ўзигагина суянсинлар!»

                                                                                              [Оли Имрон 160]

0

0

Related posts:

Америка ҳукмронлигини йўқ қилинг ва Пайғамбарлик минҳожи асосидаги Халифаликни барпо этинг Раҳил-Навоз режими АҚШ билан Ҳиндистонни ўзига душман деб ҳозир эълон қилмаса қачон эълон қилади?! Даъват етказиб беайб маҳбусларга айланган сара фарзандларнинг фозила онахони вафоти Бажва-Имрон режими босиб олинган Кашмирнинг мусулмон аҳолиси билан «бирга эканини ифодалаб», 14 август куни мустақиллик байрамини ўтказмоқчи