Ислом бирдамлиги ўйинлари ҳақида

بسم الله الرحمن الرحيم

Жорий йилнинг 9-18 август кунлари Туркиянинг Кўня шаҳрида 2021 йилги Ислом бирдамлиги ўйинлари бўлиб ўтди. Ўтган йили ўтказилиши режалаштирилган мусобақа COVID-19 пандемияси сабаб бир йилга кечиктирилган эди. Ислом бирдамлиги ўйинлари Ислом ҳамкорлик ташкилотига аъзо давлатлар иштирокида ҳар тўрт йилда бир маротаба ўтказиладиган спорт мусобақасидир. Бу сафарги Ислом бирдамлиги ўйинларини Туркия президенти Ражаб Тоййиб Эрдўғаннинг басмала (Бисмиллаҳир Роҳманир Роҳийм) билан бошланган нутқи ҳамда Қуръон тиловати билан очиб берилди. Тантанали очилиш маросимидан сўнг спортчи аёл-қизларнинг ярим-яланғоч кўринишлари маърифий телеканал орқали жонли узатиб турилгани ва бундай ғайриисломий мусобақага “Ислом” номи берилгани норозиликларга сабаб бўлди. Чунки Аллоҳ Таоло Қуръонда:

وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ

– “Мўминаларга ҳам айтинг, кўзларини (номаҳрам эркакларга тикишдан) тўссинлар ва авратларини (ҳаромдан) сақласинлар! Ҳамда кўриниб тургандан бошқа зеб-зийнатларини (яъни устларидаги либосларидан бошқа зеб-зийнатларини номаҳрамларга) кўрсатмасинлар ва кўкракларини рўмоллари билан тўссинлар! Улар зеб-зийнатларини кўрсатмасинлар”.                           (Нур:31)

Шунингдек, Шариатда аёлнинг бошқа аёллардан беркитиши зарур бўлган аврат ўринлари ҳам баён қилинган бўлиб, Ислом бирдамлиги ўйинларида мана шу қатъий ҳукмлар назар-писанд қилинмади.

Мусобақада қатнашган 4200 нафар спортчининг бирортаси Исломий кўринишда бўлмагани ҳолда ҳамда улардан Исломга амал қилиш ҳам талаб қилинмаган бундай мусобақага Ислом номи берилгани Росулуллоҳ ﷺга ва Исломга қилинаётган бўҳтонлардан асло қолишмайдиган бир улкан бўҳтондир. Чунки бундай ишлар мусулмон ёшларига “сиз эркинсиз, очиқ кийинишингизга ва ҳар қандай спорт мусобақасида қатнашишингизга Ислом қарши эмас” деган тасаввурни беради. Зотан, бундай ахлоқсизликни Исломдан дейиш кишини диндан чиқаради. Қолаверса, бундай беҳаё спорт мусобақасини Истанбулдан Кўня шаҳрига кўчирилишида ҳам унинг нисбатан тоза муҳитини булғаш режалангани эҳтимолдан узоқ эмас. Чунки Кўня ўзининг уламолари ва диёнатли халқи билан Ислом кўпроқ кўзга ташланган шаҳарлардан ҳисобланади. Бундай муҳит эса, Эрдўған сиёсатига ноқулайликлар келтириб чиқариши сабаб “демократик туб ислоҳотлар” олиб боришни тақозо этади. Шунингдек, салибчиларга қарши шиддатли курашган Салжуқийлар давлатининг пойтахти ҳисобланган Кўня шаҳрида бундай ғайриисломий мусобақани ўтказиш билан “кофир ғарб мусулмонлар устидан бугунги ғалабасини шу тарзда нишонлаяптими?” деган савол туғилади. Аллоҳнинг ғазаби ва балосини чақирадиган бундай бузуқликка нисбатан Туркиянинг айрим имомлари ва халқи тарафидан билдирилган қарши фикрлар натижа бермади. Аксинча, Эрдўған ҳукуматининг катта эътибори ва жонбозлиги сабаб бу мусобақа янада дабдабали тус олди.

Динимизга мутлақо зид бўлган беҳаё кўринишда спорт мусобақасида қатнашган Ўзбекистонлик аёл-қизларни халқимиз тарафидан катта тантана билан кутиб олингани ва Умра зиёратидан қайтган Мирзиёевнинг уларни қутлаб, катта пул мукофоти билан тақдирлагани мусулмонларнинг ақлияти қанчалар қолоқлашганини кўрсатади. Бунинг сабаби шуки, Исломий юртлардаги айрим етакчилар Умматнинг заиф ва тарқоқлигини кўриб қайғуришади. Сўнг мусулмонларни ҳар қандай соҳада бирлаштиришга ҳаракат қилишади. Улар воқени ҳис қилишдан фикрга эмас, бевосита амалга ўтишади. Бу билан улар воқени фикр юритиш ўрни эмас, балки фикр юритиш манбаи қилиб олишади. Мана шундай воқеий (реалист) зеҳниятдаги сиёсий етакчилар спорт мусобақалари воситасида мусулмонларни бир-бирига яқинлаштиришни ўйлашади. Ваҳоланки, миллий байроқлар ҳамда ватан шарафи учун беллашишлар мусулмонларни бир-биридан узоқлаштиради. Бу ўйинларда кофир ҳамюрти мусулмон рақибини мағлуб қилгани учун мусулмонларнинг хурсандликдан бақириб, ирғишлаганига гувоҳ бўлинади.

Аслида эса, Исломий ўлкаларнинг аччиқ воқеси чуқур ўрганилиши, сўнг уни қандай ўзгартириш ҳақида пухта фикрга келиш, сўнг ана шу фикр асосида амалга киришиш зарур бўлади. Мана шу мусулмонларни бирлаштиришнинг ва Исломий ҳаётни қайта бошлашнинг бирдан-бир йўлидир. Чунки бу йўл Ислом ақидасини ва инсон муаммоларининг ечимларини ҳамда уни ҳаётга жорий қилишнинг йўлини фикран қабул қилишга олиб келади. Бугунги ҳокимларнинг эса, бундай йўлдан юриб Исломий ечимни олишини кутиш ақлдан бўлмайди. Чунки улар мукаммал Исломий дастурни ҳеч қандай таъмасиз тақдим қилаётган Ҳизб ут-Таҳрир аъзоларига қарши аёвсиз курашиб келишмоқда. Ва Ислом бирдамлиги каби бузуқ тадбирларни мунтазам ўтказиш тўғрисида ўзаро келишиб олишмоқда. Аллоҳ Таоло:

وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ

 – “Яхшилик ва тақво йўлида ҳамкорлик қилинг. Гуноҳ ва душманлик йўлида ҳамкорлик қилманг”, (Моида:2) дея марҳамат қилади. Шундай экан, мусулмонлар агар дунё ва Охирати ҳамда авлодларининг тақдири ҳақида қайғурса, Ҳизб ут-Таҳрир жамоаси билан Ислом йўлида ҳамкорлик қилсинлар! Зеро, шунда аёл-қизларни ярим-яланғоч қилиб тўплаш билан Ислом бирлиги амалга ошмаслиги, аксинча бундай спорт мусобақалари мусулмонларни Исломдан узоқлаштириб, фасод-бузуқликларни авж олдираётгани ҳақида бутун дунёга бонг урилади. Мусулмонларни Ислом асосида бирлаштирадиган ягона куч Халифалик эканлиги етказилади. Шунингдек, Ислом бирдамлиги ўйинлари мусулмонларнинг зеҳнини Халифаликдан буришга хизмат қилаётгани учун ҳам мустамлакачи Ғарб уларни халқаро жиҳатдан дастаклаётгани тўлиқ фош қилинади. Ваниҳоят, Аллоҳнинг нусрати билан Рошид Халифалик Давлати ҳам тикланади.

وَيَوْمَئِذٍ يَفْرَحُ الْمُؤْمِنُونَ بِنَصْرِ اللَّهِ يَنْصُرُ مَنْ يَشَاءُوَهُوَ الْعَزِيزُ الرَّحِيمُ

– “Ўша кунда мўминлар Аллоҳ ғолиб қилгани сабабли шодланурлар. (Аллоҳ) Ўзи хоҳлаган кишини ғолиб қилур. У қудрат ва раҳм-шафқат эгасидир”.  (Рум:5)

Ҳизб ут-Таҳрирнинг Ўзбекистондаги матбуот бўлими аъзоси Абдураҳмон

03.09.2022й