بِسْمِ اللهِ الرَّحْمنِ الرَّحِيمِ

Италиялик Стефан де Мистуранинг Иброҳимий ўрнига Сурияга юбориладиган янги халқаро вакил этиб тайинланиши унинг Шом қўзғолонига қарши макру ҳийла қилишда ва жиноятчи Сурия режими билан тил бириктиришда тутган йўлини охирига етказиши ҳамда ўз вазифасини ниҳоясига етказиши учундир

БМТ бош секретари Пан Ги Мун 2014 йил 10 июл пайшанба куни Италия ташқи ишлар вазирининг собиқ ўринбосари Стефан де Мистуранинг БМТнинг Сурияга юбориладиган янги вакили этиб тайинланганини эълон қилди. У БМТнинг ва араб лигасининг собиқ вакили Ахзар Иброҳимийнинг ўрнини эгаллайди. Пан ўзининг Де Мистурани бу мансабга тайинлашдан олдин «кенг доирада маслаҳатлашувлар олиб борганини», Сурия ҳукумати билан ҳам маслаҳатлашганини таъкидлаб, Дамашқ ва хавфсизлик кенгашига аъзо давлатларни Мистурага зўравонликка ва инсон ҳуқуқларининг бузилишига чек қўйиш, «кризис»нинг сиёсий ечимига эришиш вазифасини муваффақиятли уддалашида ёрдам кўрсатишга чақирди ва Миср собиқ ташқи ишлар вазирининг ўринбосари Рамзий Иззуддиннинг (у ҳозир араб лигасининг Венадаги бюросига бошчилик қилмоқда) Де Мистурага вазифасини бажаришида ёрдам беришини айтди.

Руслар Де Мистуранинг тайинланишидан хурсандликларини яширишмади ва унинг ўз вазифасини муваффақиятли уддалашига умид билдиришди. Америка ташқи ишлар вазири Жон Керри эса Мистуранинг бу вазифани давом эттиришга тайёр эканини мақтаб олқишлади… Сиёсий ечимга ўтиш сари йўл тутиш Женевада эълон қилинган принципларга мос келади ва охир-оқибат ҳаммани ўз бағрига оладиган ҳукумат тузилишига олиб боради, деди Керри. У Мистурани ўтмишдоши Ахзар Иброҳимийнинг «ўзига хос иш юритиши»га таянишга ундаб бундай деди: «Биз махсус вакил Де Мистурани музокаралар орқали сиёсий ечимга эришишдаги ҳаракатида ёрдам беришга интиламиз, бу бизнингча бу кризиснинг барча томонларини муолажа қилишнинг ва низога доимий тарзда барҳам беришнинг энг идеал йўлидир». Буларнинг барчаси Женевадаги собиқ музокара делегацияси бошлиғи Ҳодий Баҳранинг Аҳмад Жарба ўрнига коалициянинг янги раиси этиб «сайланиши» билан бир вақтга тўғри келмоқда. Бундан олдин Баҳра йирик давлатларга мурожаат қилиб «олам оппозициянинг Сурияда экстремизмга қарши курашишга оид ташаббусни қандай қабул қилаётганини кўриши» зарурлигини таъкидлаган эди!

Мақолада айтилганидек мактуб ундаги адресдан билинади. Чунки бу тайинлаш Америка тайинлашидир. Чунки Мистура Американинг, унинг малайи жиноятчи Сурия режимининг ҳамда Россиянинг розилигига эришди. Керри айтган гаплар биз олдинроқ айтган нарсаларни яққол кўрсатиб турибди. Биз олдинроқ Америка Женева ечимини асос деб билади, Американинг Сурияга оид ечими шу асосга қурилади, Америка ҳозир ичкаридагиларни бир-бири билан уруштириш учун ва бу ўзаро жангни «терроризмга қарши кураш» деган ниқоб остида ўзининг ички доирасида олиб кириш учун муносиб заминни тайёрламоқда, деб айтган эдик. Биз гувоҳ бўлиб турган сиёсий ҳаракатланиш ва региондаги ўзгаришлар шароитида бўлаётган бу тайинлашларни кузатган одам бу иш фақат башараларни ўзгартириш ва ифлос ролларни ўзаро алмашишдан иборат эканини, бу иш Американинг кўрсатма ва буйруқларидан, ечимга оид қарашидан ташқарига чиқмай олиб борилаётганини кўради. Америка Шом қўзғолонига қарши кечаю кундуз ҳийла қилмоқда, мақсади Иброҳимий бошлаган ҳийла ва тил бириктиришни тамомига етказиш ва хориждаги оппозиция билан жиноятчи режим ўртасида яширин ва ошкора учрашув ҳамда музокаралар ўтказилишига янада каттароқ йўл очиб беришдир. Уларнинг ҳаммаси жиноятда баробардир. Чунки улар мусулмонлар қони билан ва шаҳидлари берган қурбонлар билан олди-сотди қилиб савдолашишмоқда.

Шуни ҳам айтиб ўтиш керакки, Мистура Ислом ва мусулмонларга қарши тил бириктириш борасидаги ўзининг янги вазифаси бўйича олдин ҳам тажрибалар орттирган ва бу борада билимга эга. Чунки у 2007 йилда БМТнинг Ироққа юборилган махсус вакили мансабини, 2010 йилда эса Афғонистонга юборилган вакили мансабини эгаллаган. Бу вазифа юкланадиган кимсага қўйиладиган шартлардан бири мусулмонларнинг дарё қилиб оқизиладиган покиза қонлари ва нобуд қилинадиган жонлари ҳисобига бўлса ҳам Америка ва Ғарб манфаатларига хизмат қилишдир. Олам давлатлари эса барчаси БМТ ва хавфсизлик кенгаши орқали ўзаро тил бириктирган ва барчаси бунда шерикдир!

Аллоҳ изни ила яқинда нусрат ва зафарга эришадиган Шомдаги, қаҳрамонликлар еридаги қоядек мустаҳкам турган эй мусулмонлар:

Қўзғолонингиз етиб келган нарсанинг ечими душманларингиз қўлида эмас, сизнинг қўлингиздадир, асил душманингизнинг, унинг вакилининг, югурдаклари ва қўғирчоқлари қўлида эмас, сизнинг қўлингиздадир. Бундан олдинги вакиллар: Аннан, Мод ва Иброҳимийнинг қилган ҳийлайи найранглари сизларга махфий эмас. Шундай экан янги вакилни данакни туфлаб улоқтиргандек улоқтириб ташланг. Чунки у ҳам фақат қўзғолонингизни бўғиб ташлаш учун заҳар заққумларни олиб келмоқда. Бошлаган қўзғолонингизни охирига етказинг, уни режимни барча одамлари ва таянчлари билан қўшиб қулатиш учун Аллоҳ учун кўтардингиз. Бу режим бошқаруви вайроналари устида фақат пайғамбарлик минҳожи асосидаги Халифалик соясида татбиқ этиладиган Ислом бошқарувини тиклашнигина қабул қилинг, ундан бошқасини асло қабул қилманг. Аллоҳ сизлар билан биргадир ва амалларингизни ҳаргиз беҳуда кетказмас.

Биз Ҳизб ут-Таҳрир аъзолари неъмат ато этилган бу Умматга доимо ишончли насиҳатчи бўлиб келдик ва шундай бўлиб қоламиз. Биз бу Умматга халос бўлиш йўлини чизиб беряпмиз ва унга қилиши вожиб бўлган нарсани баён қиляпмиз. Бу Уммат ўзи берган қурбонлар, фарзандларининг ҳаракатлари ва шаҳидларининг фидокорликлари мевасидан баҳраманд бўлиши учун шу ишларни қилиши лозим. Аллоҳ Ўз ишида ғолибдир, лекин кўп одамлар (буни) билмаслар.

Аллоҳ Таоло деди:

 وَقَدْ مَكَرُواْ مَكْرَهُمْ وَعِندَ اللّهِ مَكْرُهُمْ وَإِن كَانَ مَكْرُهُمْ لِتَزُولَ مِنْهُ الْجِبَالُ

«Дарҳақиқат, улар ўзларининг макр-ҳийлаларини қилдилар. (Лекин) агар уларнинг макрлари сабабли тоғлар емирилиб кетадиган бўлса-да, уларнинг (бу) макр-ҳийлалари Аллоҳ ҳузурида (маълумдир)»   [Иброҳим 46]

Аллоҳ Азза ва Жалла деди:

وَإِذْ يَمْكُرُ بِكَ الَّذِينَ كَفَرُواْ لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللّهُ  وَاللّهُ خَيْرُ الْمَاكِرِينَ

«(Эй Муҳаммад), кофирлар сизни ҳибс қилиш ё ўлдириш, ёки (Маккадан) чиқариб юбориш учун сизга макр қилган пайтларини эсланг! Улар макр қилурлар, Аллоҳ ҳам «макр» қилур. Аллоҳ «маккор»роқдир»  [Анфол 30]

Ҳизб ут-Таҳрир                                                                      14 рамазон 1435ҳ 

Сурия вилояти                                                                        12 июл 2014м