Ҳизб ут-Таҳрир аъзоларидан бири даъват қилгани учунгина қамоққа олинди
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Ҳизб ут-Таҳрир аъзоларидан бири даъват қилгани учунгина қамоққа олинди
2017 йил 22 феврал куни Ҳизб ут-Таҳрирнинг шижоатли аъзоларидан бири Сожид ибн Илм ҳибсга олинди. Дакка университети (DU) журналистика факултетининг иккинчи курс талабаси бўлган Сожидни «Бенгал Шатра Иттифоқи» хизматининг 10дан зиёд ходимлари катта жоме масжидида аср намози адо этаётган пайтда зўрлик билан ҳибсга олишди. Унинг қўлга олинишига университетдаги нозир устоз ёрдам берди! Уни терроризмга қарши кураш бўлими зиндонида бир ҳафта сақлашганидан сўнг полиция марказига топширишди… Савол туғилади: Нега бу устоз айни шармандали қилмишга қўл урди!? Ахир, обрўли илм даргоҳида ишловчи бир устоз қандай қилиб «Бенгал Шатра Иттифоқи»дек разил идора қароқчилари билан тил бириктириши мумкин?!
Сожиднинг «айб»и Ҳизб ут-Таҳрирнинг холис аъзоси бўлгани, холос. «Бенгал Шатра Иттифоқи»дан фарқли ўлароқ, у босқинчилик, зўравонлик амалиёти билан шуғулланиш ёки бирор сиёсий куч ишлатиш ишига мутлақо аралашган эмас. Ваҳший режим эса уни ҳибсга олиб, икки ҳафта мобайнида (февралнинг бешинчисидан йигирманчисига қадар) қийноққа солди. Шубҳасиз, режимнинг бундай қилмишига бирдан-бир сабаб, Ҳизб ут-Таҳрир-Бангладеш вилояти томонидан муваффақиятли равишда ўтказилган халқ кампаниясидир. Дарҳақиқат, кампанияда Ҳизб сайловлар комиссиясини қайта тузишнинг фойдаси бўлмаганини ва демократиянинг омадсизлигини фош этди. Зотан, Сожид бир йиғинда маъруза қилиб, одамлар диққатини жалб қилган ва бу телерепартёрлардан бири томонидан тасвирга туширилиб, сўнг «Ekattor TV» фазовий каналдан намойиш этилган эди. Бу эса унинг ҳибсга олинишига сабаб бўлди. Режим оғиз кўпиртириб гапирадиган фикр эркинлиги мана шуми?! Демократик сайловлар, деган нарса ёлғон эканини очиб берган гапдан шунчалик қўрқадими бу режим?! Аслида, «ҳақиқий демократия», деганлари мана шу бўлади, унинг Ғарбдаги сурати исломий оламдаги демократиядан фарқ қилмайди. Фикр эркинлигидан Исломни ёмонотлиқ қилишда фойдаланилмоқда. Бир вақтнинг ўзида, режимлар хиёнатини ва Ғарб демократияси тушунчалари сохталигини фош этишда эса фикр эркинлигидан фойдаланишга йўл қўйилмаяпти!
Биз Ҳизб ут-Таҳрир- Бангладеш вилояти аъзолари Сожид ибн Илмни дарҳол озод этилишини талаб қиламиз. Аллоҳ Субҳанаҳу ва Таолога дуо қилиб, барчамизга марҳамат қилишини, солиҳ бандаларига нусрат беришини, даъватни етказаётган холис аъзоларимиз олиб бораётган фаолиятлару бераётган қурбонликларни қабул айлаб, то ғояларини амалга оширгунларига қадар қадамларини собит қилишини сўраб қоламиз, Аллоҳим омин!
Ҳизб ут-Таҳрирнинг
Бангладешдаги матбуот бўлими
Телефон: +880 1713008822
Факс: +880 29558854
Электрон почта: Info@khilafat.org
Адрес: H. M. Siddque Mansion, 55/A Purana Paltan,
4th Floor (Next to Grand Azad Hotel), Dhaka 1000
