Ҳизб ут-Таҳрир Тунис вилояти ажнабий юртлар элчихоналари томонидан Тунисдаги сиёсий ҳаётнинг ҳар бир каттаю кичик ишларига аралашилаётганини қоралайди
بِسْمِ اللهِ الرَّحْمٰنِ الرَّحِيمِ
Ҳизб ут-Таҳрир Тунис вилояти ажнабий юртлар элчихоналари томонидан Тунисдаги сиёсий ҳаётнинг ҳар бир каттаю кичик ишларига аралашилаётганини қоралайди
Ҳизб ут-Таҳрир хориж давлатлари элчихоналарининг Тунисдаги сиёсий ҳаётнинг ҳар бир каттаю киччик ишларига бурнини суқаётганини ҳамда сурлик ва таҳқирлов билан аралашаётганини қоралади. Туниснинг муваққат президенти Муҳаммад Носирнинг АҚШ депутатлар палатаси ва сенати делегациясини қабул қилиши ҳам айни ажнабий аралашувнинг биридир. Делегацияга раислик қилган АҚШ намояндалар палатаси аъзоси Алсее Хэйстингс берган мана бу баёнот, унинг юрти ғарбча демократик илмоний лойиҳаларни тақдим этиш билан Исломни бошқарувга ҳаргиз яқинлаштирмасликка ўч экани кўриниб турибди: «Делегациямиз сафаридан мақсад, юртимиз Туниснинг демократияга ўтишига ғоят қизиқмоқда, Туниснинг терроризмга қарши курашдаги ютуғини ҳамда ривожланаётган демократия сифатидаги стратегик роли умуман минтақада барқарорликни таъминлаш ва мустаҳкамлашга хизмат қилишини мамлакатимиз юксак баҳолайди».
Бунга нисбатан Ҳизб ут-Таҳрир – Тунис вилояти матбуот бўлими ўз баёнотида қуйидагиларни таъкидлади:
«Бу каби баёнотлардан кўриниб турибдики, бугун Ғарб ўз манфаати йўлида ва Исломни ҳокимиятга келтирмаслик учун юртларимизда макр ва нопок ўйин-демократия ўйинини олиб бормоқда. Унинг Тунис аҳлининг сайловларда қатнашишини жуда қаттиқ хоҳлагани сири шундаки, у ўз тизимини барқарорлаштириш ва цивилизациясини қўриқлашда Тунисни минтақа давлатларига намуна қилиб кўрсатмоқчи. Токи, минтақа халқлари Ислом асосида тубдан самарали ўзгариш сари қўзғалмасин». Баёнот сўнггида Тунис аҳлига қуйидагича мурожаат йўлланган:
Аллоҳ Таоло сизни мустабид режимларга қарши қўзғалган биринчи халқ бўлиш бахтига муяссар қилди. Сиз ёққан қўзғолон олови минтақада ҳамон ўчгани йўқ ва ҳамон мустамлакачилар ҳаловатини бузмоқда. Бас шундай экан, бошлаган қўзғолонингизни Ислом билан тамомланг, покдомон шариатни татбиқ қилиш ҳамда демократик режимни ва мустамлакачиликни мустаҳкамловчи сайловни йўққа чиқариш орқали Аллоҳга ёрдам беринг, шунда Аллоҳ сизга нусрат-ёрдам бериб, қадамларингизни мустаҳкамлайди. Биз сизнинг Ҳизб ут-Таҳрирдаги биродарларингиз биргаликда фаолият қилиш ва бизга нусрат бериш учун ғайратингизни қўзғаймиз. Нусратки, барчамиз оловида жизғинак бўлаётган золим подшоҳлик замонидан сўнг Аллоҳ Субҳанаҳунинг ваъдасини рўёбга чиқариш учун Пайғамбарлик минҳожи асосидаги иккинчи Халифаликни қайта ато этсин.
﴿وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ…﴾
«Аллоҳ сизлардан имон келтирган ва яхши амаллар қилган зотларга ер юзида халифа қилишни … ваъда қилди» [Нур 55]
Роя газетасининг 2019 йил 7 сентябр чоршанба кунги 255-сонидан
