بسم الله الرحمن الرحيم

Роя газетаси:

Ҳизб ут-­Таҳрир ўз йўлида давом этади

У Пайғамбарлик минҳожи асосидаги рошид Халифалик тўғрисидаги Аллоҳнинг ваъдасига етгунига қадар, бевафолар ҳам, туҳматчилар ҳам унга ҳаргиз зиён етказолмайди

Муҳаммад ибн Абдуллоҳ қаламига мансуб

2018 йил 21 март куни «Ковалисул Явм» веб-сайтида «Ҳизб ут-­Таҳрир террористик ташкилоти Адл ва Эҳсон жамоати билан ҳамкорликда Жарода юртида иккинчи халифаликни барпо этишга даъват қилмоқда» номли мақола чоп этилди. Ичи қора кимсалар одатига мувофиқ, мақолада Ҳизбга қатор туҳмат ва ёлғон тошлари отилди. Жумладан: Ҳизбни террорчи, суриячи, дейишди, Ҳизб аъзоларидан бири Назир Солиҳни террорчи ва каллакесар, деб атаб, уни иқтисодий тараққиётни бузаётганликда, фуқаролар урушига олов ёқаётганликда айблашди ҳамда мухолиф шахсларни ўлдиришга чақиради, худкушликка ва оддий инсонлар ҳаётига суиқасд қилишга рухсат беради…, дея унга қатор туҳматлар ёғдиришди.

Ҳеч бир мақола бу каби ёвузлик ва бу даражада ёлғонларни ўз ичига олмаган. Афтидан, ёзувчи ва унинг ортида турганлар фикран омадсизликка юз тутиб, ҳужжат тополмай қолишгач, мана шундай қуруқ туҳматлар йўлига ўтишган кўринади. Аммо уларнинг бахтига қарши, Ҳизб ут-­Таҳрир қандайдир номаълум, биров билмайдиган, у ҳақда қилинган ёлғонларга одамлар ишониб кетаверадиган ҳизб эмас. Ҳизбнинг китоб ва варақалари, позицияси, электрон сайтлари ҳаммага маълум. Унинг аъзолари одамлар орасида яшаб, уларнинг хурсандчилик ва ташвишларида шерик бўлиб келадилар. Одамлар ҳам уларнинг юриш­туришларини, Исломга қаттиқ риоя қилишларини жуда яхши билади.

Ҳизб ут-­Таҳрирнинг қордек оппоқ­беғубор тарихи каттаю кичик барча инсонларга маълум. Унинг ўн йиллаб тарихи давомида бирор марта ҳам қон тўкканини, Аллоҳ ва Росулига осийлик қилганини, ўзининг илк ташкил топган кунда эълон қилган манҳажини бузганини кўрсатувчи ҳодиса юз бермаган. Унинг айни мана шу саботи ва сабр­тоқати одамларга қаттиқ таъсир қилиб, уларни Ҳизб атрофига жамланишга ва у ўз аҳлини алдамайдиган етакчи эканини англаб етишларига ундади. Шунингдек, Ҳизб табанний қилган фикрлар ҳамда Китобу суннатдан истинбот қилиб, даъват қилаётган ечимлар – ҳукмдорлар ва душманлар зулми остида эзилган Исломий Умматнинг ягона халоскори эканини ҳам англаб етишди.

Ҳизбнинг Жародадаги норозилик намойишларига нисбатан позициясига келсак, Ҳизб араб баҳори, дея аталаётган қўзғолонларга нисбатан позициясини ҳеч қачон яширган эмас. Ҳизб – ушбу қўзғолонлар мусулмонлар бошдан кечираётган қашшоқлик, маҳрумлик, мусулмонлар ишларига нисбатан бепарволик ва панжа орасида қарашнинг ҳақиқий сабабларини йўқ қиладиган реал бир ўзгаришга олиб келади, дея умид қилмоқда. Зеро, мусулмонлар бошдан кечираётган мана шундай мусибатларнинг асосий сабабчиси Аллоҳнинг шариати татбиқ этилмаслигидир ҳамда мусулмонларнинг юртлари ҳукмдорлар, уларнинг югурдаклари ва ғарблик хўжайинларига хизмат кўрсатишни халққа хизмат кўрсатишдан биринчи ўринга қўядиган илмоний мустабид режимлар томонидан бошқарилишидир.

Энди, Ҳизбнинг Адл ва Эҳсон жамоаси билан бўлган муносабатига келсак, бу жамоа Ҳизбнинг иттифоқчиси ҳам, шериги ҳам эмас. Лекин уларнинг ўртасини, худди мусулмонлар ўртасини ака­укачилик муносабатлари боғлаб тургани каби, исломий муносабат боғлаб туради. Аммо буни анави илмонийлар қаёқдан ҳам тушунсин!

Роя газетасининг 2018 йил 4 апрел чоршанба кунги 176-сонидан