Jumah Alsaadнинг мусулмон юртларидаги маъҳадлар ҳақидаги саволига жавоб
بِسْمِ اللهِ الرَّحْمٰنِ الرَّحِيمِ
Jumah Alsaadнинг мусулмон юртларидаги маъҳадлар ҳақидаги саволига жавоб
Савол: Ҳурматли биродар, Ассаламу алайкум ва раҳматуллоҳи ва барокатуҳ
Ҳизб ут-Таҳрир тушунчалари китобининг 80 саҳифада, юқоридан ўнинчи сатрда ушбу матн келган: “аксинча, мустамлакачи кофир ўрнатган вазиятни буткул, таг-томири билан суғуриб ташлашга ҳаракат қилади, бу – юртлар, маъҳадлар ва фикрларни босқинчидан озод қилиш билан бўлади”.
“Маъоҳид-маъҳадлар” сўзидан мақсад нима? Аллоҳ сизни Ўзи яхши кўрадиган ва рози бўладиган нарсага муваффақ қилсин, биродарингиз Розий.
Жавоб: Ва алайкум ассалом ва роҳматуллоҳи ва барокатуҳ. Сиз сўраган ўрин “Ҳизб ут-Таҳрир тушунчалари” китобининг охирида, вордда 83 саҳифада келган бўлиб, унинг матни қуйидагича:
“Шунинг учун Ҳизб ут-Таҳрир Исломий иқлимларни бутун мустамлакачиликдан озод қилишга ҳаракат қилади. Бас, у мустамлакачиликка қаши кескин уруш очади. Фақат чиқиб кетишини талаб қилмайди, сохта мустақилликни ҳам талаб қилмайди, аксинча мустамлакачи кофир ўрнатган вазиятни буткул, таг-томири билан суғуриб ташлашга ҳаракат қилади, бу эса юртлар, маъҳадлар ва фикрларни босқинчидан озод қилиш билан бўлади. Бу босқинчилик ҳарбий бўладими ёки фикрий, сақофий, иқтисодий ёки бошқа бўладими, фарқи йўқ. Ҳизб – Ислом рисолатини бутун оламга кўтариб чиқадиган Исломий Давлат қурилиб, Исломий ҳаёт қайта бошлангунга қадар – мустамлакачиликнинг қайсидир жиҳатини ҳимоя қиладиган ҳар қандай кимсага қарши уруш очади. Аллоҳдан бу улкан жавобгарликни кўтариш учун бизга Ўз томонидан бўлган ёрдам билан мадад беришини ялиниб, ёлвориб сўраймиз. Албатта У Эшитгувчи, Ижобат қилгувчидир”.
Бунда “маъҳадлар” сўзидан мақсад таълим муассасаларидир. Мақтаблар бўладими, коллежлар , университетлар ва бошқалар бўладими, фарқи йўқ. Маъҳадлар дейилганда, бутун таълим муассасалари кўзда тутилади. Мустамлакачи кофир мусулмонлар юртларидаги таълим сиёсатини ўзининг ҳаёт ҳақидаги фикрлари ва қарашлари асосига қурди. Бу билан таълим олувчиларнинг фикрларини заҳарлади, уларни Исломнинг ҳаёт ҳақидаги фикрлари ва қарашидан йироқлатди. Шунинг учун озод қилиш жараёни мусулмонлар юртларидаги маъҳадларни ҳам қамраб олиши ўта зарур. Зеро, шунда улардаги таълим сиёсати Исломга мувофиқ бўлади…
Биз Давлат китобида, ворд формати бўйича 224-226- саҳифада, бу маънони изоҳлаб берадиган гапни айтганмиз. Унда қуйидагиларни айтганмиз:
(Мустамлакачи кофир юртларни босиб олиши биланоқ ғарбнинг бошқа қонунларини – ваҳоланки уларнинг Исломга ҳеч бир алоқаси йўқ – фуқаролик қонунлари деган эътиборда татбиқ қилишни йўлга қўйди, шаръий ҳукмлар тарк қилинди. Бу нарса куфр бошқарувини мустаҳкамлаб, Ислом бошқарувини йироқлатди. Бунда унга устунларини ўзи ўрнатган ва барча ишларини ўзи чизиб берган, ўзи ишлаб чиққан ва ҳозиргача барча ислом юртларида қўлланилаётган таълим сиёсати ва ўқув дастурлари асосига қургани ёрдам берди. Натижада ўқитувчиларнинг катта армияси вужудга келди, уларнинг аксарияти ушбу дастурларни қўриқлайди ва ҳимоя қилади. Улардан кўпчилиги бошқарув устига ҳам келади ва мустамлакачи кофир истаги бўйича иш олиб боради. Таълим сиёсати ва ўқув дастурлари икки асосга қурилди: биринчиси, динни ҳаётдан ажратиш. Бу эса табиий равишда диннинг давлатдан ажралишига олиб келади ва бунинг оқибатида мусулмонларнинг фарзандлари Ислом давлатини барпо этишга қарши курашадиган бўлиб қолади. Чунки бу давлат улар кофир сиёсати бўйича таълим олишган асосга зиддир. Иккинчиси эса, мустамлакачи кофир ўз шахсиятини ёшлар ақлларини тўлдириб ташлайдиган асосий билим ва маълумотлар манбаига айлантиришдир. Бу нарса албатта кофирни – гарчи у мустамлакачи кофир бўлса ҳам – эҳтиром қилишни, уни улуғ санашни, унга ўхшашга ва тақлид қилишга уринишни келтириб чиқаради, мусулмонни эса таҳқирлашни, ундан узоқлашишни, ундан жирканишни, ундан олишдан тийилишни келтириб чиқаради. Бунинг учун Ислом давлати барпо этилишига қарши курашиш ва уни ортга тортувчи-реакцион деб ҳисоблаш зарур. Мустамлакачи фақат ўзи назорат қиладиган ёки ўзининг ўрнига ўрнатиб қўйган ҳукуматлар назорат қиладиган ўқув дастурларини жорий қилиш билан кифояланиб қолмади, аксинча улар билан бир қаторда мустамлакачилик тамойилларининг нақ ўзига асосланган миссионерлик мактабларини ва сақофий маъҳадларни ҳам пайдо қилди. Бу мактаб ва маъҳадлар ўз зиммасига хато сиёсий йўналтириш ва адаштирувчи сақофий йўналтириш вазифасини олди. Бунинг оқибатида турли-туман мактаблар ва сақофий маъҳадларда шундай бир фикрий муҳит юзага келдики, унда Умматга уни Исломий Давлат ҳақида фикрлашдан йироқлатадиган, уни қуриш учун ҳаракат қилишига тўсиқ бўлиб тушадиган сақофат бериладиган бўлди.
Шу билан бир қаторда, барча исломий юртларда сиёсий ўқув дастурлари динни ҳаётдан ажратиш асосига қурилди. Оқибатда бутун зиёлилар орасида кенг тарқалган фикр – динни давлатдан ажратиш бўлиб қолди, оддий халқ орасида эса динни сиёсатдан ажратиш жамоатчилик фикрига айланди. Бунинг оқибатида “мусулмонларнинг қолоқ бўлиб қолишига сабаб динга маҳкам ёпишиб олганларидир, уйғонишнинг ягона йўли миллийлик ва унга ҳаракат қилишдир” деб даъво қиладиган “зиёли”лар тўдаси пайдо бўлди).
Шунга биноан, демак, Исломий юртларни, улардаги маъҳадларни ва мусулмонлар фикрларини мустамлакачининг булғанч кирликларидан, унинг думини қирқиб, таг-томири билан қуритиб ташлайдиган даражада тозалаш ва озод қилиш ўта зарурдир. Зеро, ўшанда Умматнинг фикри соф бўлади.
Биродарингиз Ато ибн Халил Абу Рошта 21 муҳаррам 1447ҳ
16 июл 2025м
