Ҳаётингизни тўғри тартиблаштиринг

بِسْمِ اللهِ الرَّحْمٰنِ الرَّحِيم

Инсон бу дунёда яшар экан, ўз ҳаётини тўғри тартиблаштириши лозим. Акс ҳолда, унда кўнгил хотиржамлиги бўлмайди, демакки, у бахтсиз ҳаёт кечиради. Ҳаётни тўғри тартиблаштириш эса, ҳаётдаги барча ишларда – у хоҳ муайян амал бўлсин, хоҳ ўз муаммосига ечим излаш бўлсин, фарқсиз – тўғри асосга таянган ҳолда амалга оширилади. Демак, ҳар қандай ишда тўғри асосга таяниш инсонга хотиржамлик бахш этади ва у бахтли ҳаёт кечиради. Тўғри асоснинг нималигини эса, жуда яхши биламиз, у Исломдир.

Юқоридаги фикрни тўлиқ тасаввур қилиш учун бир мисол келтирамиз. Тасаввур қилинг, қўлингизда чиройли ва бежирим дур шодаси бор. Дурлар бир ипга тизилиб, муайян шаклга солинган. Уларни шундай чиройли ва бежирим тақинчоқ шаклига келтирган нарса ҳам ипдир. Бошқача айтганда, дурлар айнан ип ёрдамида тартиблаштирилган. Инсон ҳаётидаги ишларнинг ҳар бирини дурга қиёсласак ва уларнинг ҳар бирини худди битта ипга тизилган дурлардек тартиблаштирмоқчи бўлсак, бизга ип керак бўлади. Ип эса, юқорида айтганимиз тўғри асос, яъни Исломдир. Ислом инсон ишларини худди дурларни ипга тизгандек тартиблаштиради, муайян бир шаклга солади. Бу шундай бир гўзал ва тенгги йўқ тартиботки, агар инсон ҳаётини Исломга таянган ҳолда тартиблаштирса, унинг учун бахтли ҳаёт кафолатланади. У ҳар бир ишида Исломга мурожаат қилади, муаммоларига ечимни фақат ундан излайди. Бунинг ортидан унинг ҳаёти бир асосга кўра шаклланиб, худди ипга тизилган дурлар шодаси чиройли ва бежирим тақинчоқ кўринишида бўлганидек, унинг ҳаёти ҳам гўзал суратда, тинчлик-хотиржамликда ўтади. Чунки Яратувчимиз Аллоҳ Таоло бизга айнан Исломни дин, деб рози бўлган, демак, биз исломий ҳаёт кечириш билангина бахтли яшашимиз мумкин. У зотни рози қилиш билан биз ўз бахтимизни топамиз.

Энди қўлингиздаги дур шодасини ипини узиб юборсак нима бўлади? Дур шодасининг аввалги чиройли ва бежиримлиги қолмайди албатта. Улар ҳар ёққа сочилиб кетади, тартиботи ва шакли бузилади. Чунки улар ўзларини чиройли ва бежирим ҳолатга келтирган ипдан узилиб, тартибсиз ва пала-партиш ҳолатга келиб қолишди. Инсон ҳаёти тартиботининг бузилиши ҳам шунга ўхшайди. Агар унинг ҳаёти тўғри асосда, яъни исломий асосда шаклланмас экан, худди дур шодаси ўз ипидан узилиб чиройи ва бежиримлигини йўқотганидек, инсон бахтсизлик домига тушиб қолади. Чунки у ўз ишларида таянаётган Исломдан узоқлашди, энди бошқа асосга, масалан, ўз хоҳиш-истакларига таянмоқда. Бир сўз билан айтганда, исломий ҳаётдан узоқлашиб кетмоқда. Бундай яшаш тарзида на хотиржамлик ва на тинчлик бўлади. Балки бутун ҳаёт кўнгилдаги хавотир ва умидсизликлар билан ўтади.

Агар сиз бахтли, йўқ, чинакам бахт-саодатли ҳаёт кечиришни хоҳласангиз, исломий ҳаёт тарзини шакллантиринг. Ўз ишларингизда Исломдан бошқа нарсага мурожаат қилишдан сақланинг. Зеро, Яратувчимиз биз учун Исломни дастури-амал қилиб берган экан, демак, бахтли ҳаёт биз учун кафолатланган. Энди айтинг-чи, яна ким шундай кафолат бера олади?

Ҳизб ут-Таҳрирнинг Ўзбекистондаги медиа офиси. Фаррух 

01.09.2019й