Катта Фарғона канали гувоҳ бўлган шаҳид қиссаси!
بِسْمِ اللهِ الرَّحْمنِ الرَّحِيمِ
Катта Фарғона канали гувоҳ бўлган шаҳид қиссаси!
1 қисм
Бу воқеа 2001 йилнинг куз ойларида бўлган эди. 2001 йилнинг 11 сентябр куни Эгизак бинолар портлатилиши ортидан кичик Жорж Буш бошлиқ АҚШ ҳукумати бутун дунёда мусулмонларга қарши курашни янада кучайтирди. Хожаларининг бу ташаббусини жон дили билан қўллаб, уларга малайлигини бисёрлигини кўрсатиш учун жон жаҳди билан ҳаракат қилаётган Ўзбекистон президенти Ислом Каримов ва унинг қонхўр режими Ўзбекистондаги мусулмонларга қарши курашни мисли кўрилмаган даражада кучайтирди. Ҳа, бу ишларни шу даражада даҳшатли тус олишига асосий сабаб, Каримовнинг мусулмонларга нисбатан адоватидан келиб чиқиб, мусулмонларга бўлган нафрати ҳамда уларнинг қонига бўлган ташналиги эди. Шу сабабли, Ўзбекистоннинг барча вилоятларида режим малайлари томонидан мусулмонларни қамаш, ўлдириш авж олиб кетди. Хоссатан бу кураш Исломий ҳаётни қайта бошлаш учун фикрий-сиёсий кураш олиб бораётган Ҳизб ут-Таҳрир йигитларига қарши йуналтирилди.
Ўзбекистоннинг барча шаҳар ва туманларида мусулмонларни турли диний оқимларда, жумладан Ҳизб ут-Таҳрир партиясига аъзоликда айблаб ҳибсга олишларнинг кенг кўламдаги компанияси бошланди. Бу курашлар Фарғона вилоятида ҳам олиб борилмокда эди. Жумладан, Марғилон шаҳрида МХХ нинг туманлараро маркази жойлашган бўлиб, унга Хамидхўжа Саидов раҳбарлик қилар эди. Бу идорага шу атрофдаги, яъни Охунбобоев (Қўштепа), Тошлоқ ва Ёзёвон туманлари бириктирилган эди. Шунинг учун бу марказнинг ходимлари Марғилон шаҳри ва юқоридаги туманларда истиқомат қилаётган мусулмонларни қўлга олиш ишларини олиб борар эдилар. Бу ишларни олиб бориш жараёнида улар тумандаги корхона ва ташкилотларнинг хизмат машиналаридан консперация учун фойдаланишар, бундан ташқари уларга мусулмонларни қўлга олишда айрим хоин дин уламолари, маҳаллалардаги виждонсиз, эл ичида "қулоқ" номини олган кишилар яқиндан ёрдам берардилар. Ушбу уч туманда қўлга олинган мусулмонлар Марғилон шаҳар МХХ нинг туманлараро бўлимига олиб келиниб сўроққа тутиларди. Биз ҳикоя қилмоқчи бўлган воқеа ҳам шу ерда содир бўлганди. 2001 йилнинг октябр ойида Охунбобоев (Қўштепа) тумани Дўрмон қишлоғининг масжид имоми, хоин Соқомат Сулаймонов Марғилон шаҳар туманлараро МХХ бўлимига Ҳизб ут-Таҳрир Исломий сиёсий партиясига аъзоликда гумон қилинган 19 нафар Дўрмон қишлоғи фуқароларининг рўйхатини тақдим қилади. Мана шу берилган рўйхат асосида 2001 ийлнинг 31 октябр куни Дўрмон қишлоғи фуқароси Абдужалил Хожиматов қўлга олинди ва шу куни кечқурун унинг уйида тинтув ўтказилди. Тинтув давомида Абдужалил Хожиматовнинг уйидан МХХ ходимлари ўзлари ташлаб қўйган 80 дона Ҳизб ут-Таҳрир партияси варақалари "топилди".
МХХ бўлимида Абдужалил Хожиматовга нисбатан мисли кўрилмаган қийноклар бошланди. Ундан Ҳизб ут-Таҳрир партиясига аъзоликни бўйнига олишни ва Дўрмон қишлоғи фуқаролари бўлган Аломиддин Хамидов, Мухаммадодил Рахмонов, Абдурахмон Хамидов, Абдуқаххор Хамидов, Абдулатиф Ахмадалиев ва Алимухаммад Мамадалиевларга нисбатан уларни Ҳизб ут-Таҳрир партиясига аъзолиги ҳақида кўрсатма беришни талаб қилинади. Қийноқлар остида Абдужалил Хожиматов бу айбларни бўйнига олади ва МХХ ходимлари айтган шахсларга қарши кўрсатма беради. Ушбу кўрсатма асосида 2001 йил 1 ноябрь куни 1974 йилда туғилган Дўрмон қишлоғи фуқароси Аломиддин Хамидов қўлга олинди. Унга Ҳизб ут-Таҳрир партиясига аъзолик ва унинг махаллий бўлимига раҳбарик қилиш айби қўйилди. Бундай айбловларни қўйилишига сабаб, Аломиддин Хамидовнинг икки акаси Ҳизб ут-Таҳрир партиясига аъзоликда айбланиб, узоқ муддатга қамалгани эди. Аломиддин Хамидовни қўлга олишда, Дўрмон қишлоғи участка нозири уни уйига келиб ўзи билан бирга участкага олиб кетади, у ерда уларни МХХ ходими Бобур Фозилов кутиб турган эди. У Аломиддин Хамидовни МХХ бўлимига олиб боришни буюради. Ўша куни чамаси соат 14:00 ларда Аломиддин Хамидовни МХХ бўлимининг тергов хонасига олиб киришади ва у ерда бўлган тўрт нафар ниқобли шахс калтаклай бошлайди, натижада А. Хамидов хушидан кетиб йиқилади. У ўзига келганида тергов хонасида бўлган МХХ ходими Ғуломқодир унга чўнтакларидаги бор нарсани чиқаришини буюради. Унинг чўнтагидан бир оз микдорда пул ва Ҳизб ут-Таҳрир партиясига тааллуқли икки дона варақа чиқади (қизиқ жойи шуки, МХХ бўлимига кетаётган инсон бу варақаларни атайин олиб боргандай).
Шундан сўнг, Ғуломқодир А. Хамидовга Ҳизб ут-Таҳрир партиясига аъзоликни, раҳбарликни ва 80 дона варақани А. Хожиматовга берганликни бўйнига олишни талаб қила бошлади. А. Хамидов бу айбларни қаттик туриб инкор қилгандан сўнг, шу хонада бўлган тезкор ходим Бобур Фозилов уни аямай калтаклай бошлади, унга икки нафар ниқобли шахслар ҳам қўшилди. Калтаклаш узок давом этди, калтаклаётганларнинг икки нафари чарчаши билан, қолган иккитаси билан ўрин алмашар, аямасдан дубинка билан калтаклаб тепкилар, натижада А. Хамидов ҳушидан кетиб ҳеч нарсани билмай қолганди. У ўзига келганда қоронғу тушган ва бутун танаси қонга беланган эди. Шундан сўнг, Ғуломқодир уни идора ҳовлисига олиб чиқиб, сув ичишга рухсат беради, лекин у сувни ича олмайди, сабаби томоғидан қон келар, ҳеч нарса ўтмаётган эди. Гумонланувчи А. Хамидовни МХХ бошлиғи Хамидхўжа Саидов ва бошқа бўлим бошлиқлари ўтирган хонага олиб киришди. Х. Саидов унга айбини бўйнига олишни буюрди, А.Хамидов инкор қилгач А.Хожиматовни олиб келиб юзлаштиришни буюрди. Бу ҳам фойда бермагач, А.Хамидовни тергов хонасига олиб кириб, қўлларини хонадаги батареяга кишанлаб, Бобур Фозилов ва икки ниқобли шахс калтаклай бошладилар, натижада у яна хушидан кетади.
Шундай қийнаш, азоблаш ҳолати икки кун давом этди. Учинчи куни МХХ ходимлари Дўрмон қишлоғи фуқаролари Хамид Саидов ва Хидоят Мавлоновларни олиб келишди. Улар А.Хамидовни аҳволини кўргач, ўзларини Ҳизб ут-Таҳрир партиясига аъзоликларини ва А.Хамидов маҳаллий бўлим раҳбари эканлигига кўрсатма берсаларда, А.Хамидов бу кўрсатмаларни барчасини инкор қилди. Гумондорни ушлаб туриш вақти тугаётганидан ва у айбига иқрор бўлмаётганидан ғазабланган тезкор ходим Бобур Фозилов гумонланувчи А.Хамидовни аёвсиз калтаклайди, бунга қаноат хосил қилмаган золим, учи конуссимон ва қалинлиги 4-5 см бўлган алюмин мослама билан шафқатсизларча жинсий тажовуз қилади. Азобни давом эттириш Бобур Фозиловдан Ғуломқодирга ўтади. У А. Хожиматовни А. Хамидовни олдига олиб кирди ва "иккаланг келишиб ол" деб, уларни ёлғиз қолдиради. Абдужалил Хожиматов таниши бўлган Аломиддин Хамидовга ўзини қийнамай айбларини бўйнига олишни маслаҳат беради. Аммо А. Хамидов буни қатъий инкор қилади. Гумонланувчи А. Хамидовни раддиясига чидолмаган Ғуломқодир, калтаклашда давом этди. Учинчи куни А. Хамидовни олдига бошқа МХХ ходими кириб, исми Баходир эканини ва бундан буён бу иш бўйича ўзи шуғулланишини айтади ва уни идора ҳовлисига олиб чиқиб дубинка билан аёвсиз калтаклай бошлайди. Аломиддин Хамидовни оғзидан ва ичидан қон кетар, оёқда туришга ҳам ҳоли қолмаган бўлсада айбини инкор қиларди.
Бундан ғазабланган тезкор ходим Баходир, МХХ бўлими раҳбарининг ҳайдовчиси Алишер билан А. Хамидовни ойналари йўқ хонага олиб киришди ва Алишер А. Хамидовни қўлини ушлаб беради. Баходир эса уни узунлиги 0,5 метр бўлган арматура билан зўрлай бошлайди. Бу ифлослар мусулмон инсонни саботи олдида ўз ожизликларини кўриб, инсоний қиёфадан чиқиб ваҳший ҳайвонга айланган эдилар. Бу даражадаги ғайриинсоний азоблардан сўнггина А. Хамидов “айбини” бўйнига олишга мажбур бўлди. Чунки у шундай ҳолатга келиб қолган эдики, на юра оларди, на ўтира оларди, томоғидан тўхтовсиз қон кетарди. Инсон қиёфасидаги иблислар, арзимас дунё матоҳи ва кичик бир лавозим учун ўз онасини сотишдан ҳам қайтмайдиган шайтон қуллари бир мусулмонни иймони учунгина шу аҳволга солишди.
МХХ бошлиғи Х. Саидов хонага кирди ва ҳолатни кўриб тиббий ёрдам кўрсатишга рухсат берди. А. Хамидовни текшириб кўрган врач унга ухлаш кераклигини айтиб бир неча дона хаб дори бериб чиқиб кетди, ваҳоланки А. Хамидовни ҳолати оғирлигини махсус тиббий маълумотга эга бўлмаган инсон ҳам билиши мумкин бўлган ҳолатда эди. Хамидхўжа Саидов эртасига 2001 йил 4 ноябрь куни соат 9:00 да айбларини бўйнига олганлик ҳақидаги тушунтириш хати унинг столида бўлиши шартлигини таъкидлаб чиқиб кетди. Қўлга олинганининг учинчи куни кечқурун А. Хамидовни кровати бор хонага олиб киришди ва кроватга кишанланган ҳолда ухлашга рухсат беришди. Эртасига эрталаб А. Хамидов терговчи талаб қилганидек айбини бўйнига олди ва Муҳаммадодил Рахмонов, Абдурахмон Хамидов, Абдуқаххор Хамидов, Абдулатиф Ахмадалиев ва Алимуҳаммад Мамадалиевларга нисбатан уларни Ҳизб ут-Таҳрир партиясига аъзоликлари ҳақида терговчининг таъкиди остида кўрсатма берди.
Хизб ут-Тахрирнинг Марказий
Ахборот булими аъзоси Ислом Абу Халил
17.06.2015й.
