“Кимки тонгини Умматнинг ғамида орттирмаса, комил мусулмон бўлмабди”
بِسْمِ اللهِ الرَّحْمنِ الرَّحِيمِ
“Кимки тонгини Умматнинг ғамида орттирмаса, комил мусулмон бўлмабди”
Дунё миқёсида содир бўлаётган охирги ҳодисотларни кўриб туриб, беихтиёр баъзи бир нарсалар хаёлимга келади. Оламда содир бўлаётган янгиликларни кузатиб бораётган ҳар қандай шахс, бир нарсага эътибор беришлиги мумкин. У ҳам бўлса, бугунги кундаги Умматнинг хор ва забун ҳолатидир. Бугун Умматнинг аҳволи ҳар доимгидан ҳам ачинарли. Зулм чўққига чиқиб, инсонлар қулоқ эшитмаган қийноқ ва азобларга тортилишмоқда. У хоҳ Бирмада бўлсин, хоҳ Ливияда, Покистондами ёки Ливанда, Суриядами ёки Ўзбекистонда… Бутун дунё бўйлаб Ислом Умматининг аянчли ҳолати ҳақидаги хабарлар ҳар бир хонадонга кириб бормоқда. Тириклайин ёқилаётганлар, дорга тортилаётганлар, уй – жойсиз қолдирилаётганлар, қамоққа олинаётганлар… Мазлумлар сони ой сайин, кун сайин эмас, соат сайин ўсиб бормоқда. Суриядаги аҳволга бир назар ташланг. Уруш оқибатида ҳалок бўлаётган бегуноҳ мусулмонларнинг сонлари нечтага етиб борди? Уларнинг катта фоизи эса ёш болалар ва аёллардир. Суриянинг қочоқлари қиш келиши билан капалар ичида ҳеч қандай иситгичларсиз яшашга мажбурлар. Сурия қамоқхоналарида, қочоқлар лагерларида совуқ оқибатида ҳалок бўлаётганлар сони тобора ортиб бормоқда. Бирмадаги мусулмонларнинг ёқиб юборилган маҳалла – кўйларида юзлаб бегуноҳ мусулмонлар куйиб битишмоқда. Рамазон ойида Шарқий Туркистонда золим Хитой рўзадорларнинг рўзаларига қарши чиқиб, қанчадан – қанча рўзадорларни қон ютишга мажбур қилди ва бу йўлда, қарими ёшми, аёлми ёш болами, аяб ўтиришмади. Ливандаги сотқин Хизбуллоҳ аъзолари минглаб муслима аёлларнинг номусларига тажовуз қилиб, уларни ҳам тириклайин ёқиб юборишаётгани сир эмас. Ўз мақсадига эришишлик йўлида ҳеч нарсадан тап тортмайдиган бу гуруҳ аъзолари шу кунгача минглаб фуқароларни пичоқдан ўтказишди. Мусулмонлар қонининг ариқ бўлиб оқишлигида бу гуруҳнинг ҳам ҳиссаси жуда каттадир. Россияда эса ўз иймонида мустаҳкам турган мусулмонларни куппа – кундуз куни отиб, ўлдириб кетишаётгани, ҳар хил қонунга хилоф бўлган материалларни мусулмонларнинг уйларига ёки чўнтакларига ташлаб, қамоққа олишаётгани, қамоқхоналарда эса қийноқларга дучор қилаётганлари ҳам инкор этиб бўлмас ҳақиқатдир. Умматнинг бошига тушаётган озорларни ёзаверса на қоғоз ва на қалам етади.. Ўзимизнинг юртимизда ҳам мусулмонларнинг қатағони ҳақида қанчадан – қанча мақолалар ёзилди, шеърлар битилди.. Бутун дунё юртимиздаги содир бўлаётган ваҳшийликлардан хабардордир. Умматнинг бошини шу кўйларга солаётган золим раҳбарларга бир боқинг. Миллионлаб мусулмонларнинг ваҳшийларча қатлиомига сабабчи бўлаётган бу ваҳший раҳбарлар, юрт бошқарувчилари бўлмиш Башар Асад, Владимир Путин, Барак Обама, Имомали Раҳмон, Беньямин Нетаньяху, Рамазон Қодиров, Ислом Каримов ва ҳоказолар… Бу рўйхатни жуда узоқ давом эттириш мумкин… Ана шу золимлар қўлларида бугун Уммат тарих кўрмаган озору азиятларни бошидан кечирмоқда! Ана шу золимлар туфайли Умматнинг асл, мард ўғлонлари уруш ёки қийноқлар дастидан шаҳидлик мақомига эришишмоқда! Ана шу золимлар туфайли муслималар номуслари топталиб, зино ортидан гўдаклар дунё юзини кўришмоқда! Ана шу золимлар туфайли ёш болаларнинг юзларида катталарга хос вазминлик ва дард мужассам! Содир бўлаётган воқеаларнинг бари ақлга сиғмас ва юрак кўтара олмас даражада оғирдир. Ахир, бу инсонларнинг бари бизнинг опа – сингилларимиз, ака – укаларимиз, болаларимиздир. “Бировнинг муаммоси ўзига”, дейишликка ҳеч биримизнинг ҳаққимиз йўқ аслида. Нега деганда, Уммат ғамида бўлмаган ҳар қандай мусулмон энг ёмон душмандан ҳам баттардир. “Нима бўлса бўлсин, асосийси мен тинч бўлсам бўлди”, деганлар огоҳ бўлишсинким, бугун сизни четлаб ўтган муаммо жуда тез орада ўзингизга қайтишлиги ҳақиқатдир.. Ишонинг, агар бугун қўшнингизнинг аёлига тажовуз қилишган бўлишса, эртага албатта сизнинг оилангизгача ҳам етиб келишади. Агар кеча қўшнингизнинг фарзанди осиб ўлдирилган бўлса, бугун сиз фарзандингизни улардан ҳимоя қила олишлигингизга қандай далилингиз бор? Мисоллар балким жуда қўпол ёки қаттиқдир, аммо начора, бугунги воқеълик айнан шунақа: жуда қўпол ва оғир, жуда ваҳший ва даҳшатли.. Энди бу воқеаларнинг бари киноларда эмас, балки ҳаётда содир бўлаётгани жуда ачинарлидир… Аммо, бу золимларнинг қилаётган ишлари ва зулмларига четдан туриб томошабин бўлишлигимиз, бизнинг ҳам шу кўйга солинишлигимизни янада яқинлаштириши эсингиздан чиқмасин. Негаки, куфр бир дақиқага ҳам тинчигани йўқ ва у ўз мақсадига етмагунига қадар ёки кунфаякун қилинмаганига қадар Ислом ва мусулмонларга қарши ашаддий курашини олиб бораверади ва бу йўлда ҳеч кимни, умуман ҳеч кимни аяб ўтирмайди.
Аммо душман қанчалик кучли ва қудратли бўлмасин, Буюк Аллоҳнинг кучи ва қудрати олдида ҳеч нарса эмас. Ахир шайтонга Қиёматга қадар муҳлат бериб қўйган Аллоҳ Таъоло бу бадбахтларга ниятига яраша бойлик ва қудратни бермасинми? Албатта бу золимлар ҳам, агар тавба қилишмаса, Охиратда шайтон каби ноумидлардан бўлиб қолурлар.
قُلْ مَن كَانَ فِي الضَّلَالَةِ فَلْيَمْدُدْ لَهُ الرَّحْمَنُ مَدّاً حَتَّى إِذَا رَأَوْا مَا يُوعَدُونَ إِمَّا الْعَذَابَ وَإِمَّا السَّاعَةَ فَسَيَعْلَمُونَ مَنْ هُوَ شَرٌّ مَّكَاناً وَأَضْعَفُ جُنداً
Сен: «Ким залолатда бўлса, Роҳман унга муҳлат бериб қўйсин. Токи ўзларига ваъда қилинган нарсани — азобни ёки қиёматни кўрганларида, албатта, кимнинг мартабаси ёмонроқ ва аскари кучсизроқ эканини билурлар», дегин. (Марям сураси, 75 — оят).
Ўз мухлис бандаларини ҳар хил синовлар ила синашликни Ўз Китобида ваъда бериб қўйган Парвардигор Ўз ваъдасида туриб келмоқда. Албатта тилида ва дилида ягона Аллоҳга иймон келтириб, Унгагина итоат қилишга жазм қилган ҳар бир муслим албатта синалгусидир. Негаки, сўзида содиқ қолган бандаларгина Жаннатнинг дарвозаларидан киришлик ва у ерда абадий роҳат – фароғатда яшашлик ҳаққига эга бўлурлар. Жаннатнинг нархи эса энг қиммат ва унга етишишлик энг оғир ишдир…
أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَأْتِكُم مَّثَلُ الَّذِينَ خَلَوْاْ مِن قَبْلِكُم مَّسَّتْهُمُ الْبَأْسَاء وَالضَّرَّاء وَزُلْزِلُواْ حَتَّى يَقُولَ الرَّسُولُ وَالَّذِينَ آمَنُواْ مَعَهُ مَتَى نَصْرُ اللّهِ أَلا إِنَّ نَصْرَ اللّهِ قَرِيبٌ
Сиздан аввал ўтганларга келганга ўхшаш нарса сизларга келмасдан туриб, жаннатга кирамиз, деб ўйладингизми? Уларни бало ва мусибатлар тутган ва ларзага туширилганлар. Ҳаттоки, Пайғамбар ва у билан иймон келтирганлар: «Аллоҳнинг нусрати қачон бўлади?» деганлар. Огоҳ бўлинглар, албатта, Аллоҳнинг нусрати яқиндир. (Демак, жаннатга кириш осон эмас, иймон, Исломни оғизда эълон қилиб қўйиш билангина бўлавермайди. Жаннатга киришнинг бир шарти–аввалги умматлардан унга киришга ҳақдор бўлганларга юборилган оғир синовларни бошдан ўтказиш зарур.) (Бақара сураси, 214 — оят).
Шу ўринда Қиёматга қадар барча золимлар ва мазлумларга ибрат ўлароқ Фиръавн қиссасини эслайлик. Бани Исроил қавмини йиллар давомида ўз зулми ичра ушлаб келган бу қонхўр, охирида қандай ўлим топди? Наҳотки, бу оддий бир қисса бўлса? Ахир бу қисса мусулмонлар учун юпанч, душманлар учун эса эслатма эмасми??? Наҳот Аллоҳ Таъоло ҳеч қандай сабабларсиз бу қиссани Пайғамбаридан Умматига сўзлатган бўлса? Наҳотки ҳеч қандай мақсадсиз Фиръавннинг жасадини келажак авлод учун сақлаб қўйса? Наҳотки ҳеч қандай сабабларсиз, Қуръоннинг 20дан ортиқ сурасида Фиръавн қиссасини келтириб ўтса??? Йўқ! Буюк Ҳаким ҳеч бир ишни ҳикматсиз амалга оширмайди. Ва яна йўқ! Буюк Аллоҳ ҳар бир ишини фақат адолат ила олиб боради. Золим Фиръавн қиссаси Қиёматга қадар ҳар биримиз учун буюк хабар ва эслатма бўлиб қолаверади! Шу сабабли, томирларимизда жўш уриб оқаётган қонимиз бор экан, кўксимизда уриб турган юрагимиз бор экан, бугунги кундаги Умматнинг хор ва забун ҳолатини ўзгартириш устида иш олиб борайлик. Қилинадиган ҳар бир ишнинг нияти Аллоҳга аёндир. Қилинаётган ҳар бир ишнинг натижаси фақатгина Аллоҳдандир. Қилинадиган ҳар бир ишнинг фойдаси фақатгина ўзимиз учундир. Вақтни бой бермайлик! Золимлар ўз зулмларида барқарор бўлаётган бир даврда, биз ҳам бунга қарши туришликда ва Аллоҳ ваъда берган Халифалик Давлатини барпо қилишликда мустақим бўлайлик. Умматнинг аҳволи фақатгина Халифалик Давлати тиклангачгина яхшиланади. Аллоҳ барчамизни Ўз Йўлида ҳидоятлаб, Халифалик Давлатининг байроғини даст кўтаргувчилар қаторида қилсин!
وَاعْتَصِمُواْ بِحَبْلِ اللّهِ جَمِيعاً وَلاَ تَفَرَّقُواْ وَاذْكُرُواْ نِعْمَتَ اللّهِ عَلَيْكُمْ إِذْ كُنتُمْ أَعْدَاء فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَاناً وَكُنتُمْ عَلَىَ شَفَا حُفْرَةٍ مِّنَ النَّارِ فَأَنقَذَكُم مِّنْهَا كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَهْتَدُونَ
Барчангиз Аллоҳнинг ипини маҳкам тутинг ва бўлиниб кетманг. Ва Аллоҳнинг сизга берган неъматини эсланг: бир вақтлар душман эдингиз, бас, қалбларингизни улфат қилди. Унинг неъмати ила биродар бўлдингиз. Оловли жар ёқасида эдингиз, ундан сизни қутқарди. Шундай қилиб, Аллоҳ сизга Ўз оятларини баён қилади. Шоядки ҳидояттопсангиз. (Оли Имрон сураси, 103 оят)
Ҳизб ут-Таҳрирнинг Ўзбекистондаги медиа офиси аёллар бўлими
Омина Рашидова
16.12.2013й.
