بِسْمِ اللهِ الرَّحْمٰنِ الرَّحِيم

Роя газетаси:

Коблер: Ливиянинг янги армияси бутун халқни гавдалантиради

Ливиядаги халқаро вакил Мартин Коблер янги Ливия армияси жамиятнинг барча қатламини гавдалантиришини билдирди. Бир вақтнинг ўзида, Ливия давлат Олий кенгаши раиси Абдураҳмон Сувайҳлий халқаро ҳамжамиятни ливиялик халққа берган ваъдаларига вафо қилишга чақирди.

Коблер Сувайҳлий билан учрашуви ортидан пойтахт Триполида берган матбуот анжуманида янги Ливия армияси юртнинг шарқи, ғарби ва жанубидаги барча жамиятни ўзида гавдалантиражагини таъкидлади.

Коблер ливияликларни «Исломий Давлат ташкилотига қарши курашда Вифоқ ҳукумати раиси Файз Саррож етакчилиги остига бирлашиш»га чақирди. Унинг айтишича, ташкилотларга қўйилган қурол эмбаргоси олиб ташланади ва буни БМТ ҳам қўллаб-қувватлайди.

Ўз навбатида, Сувайҳлий ҳам халқаро ҳамжамиятни ливиялик халққа берган ваъдаларига вафо қилиб, терроризмга қарши кураш билан боғлиқ нарсаларда керакли ёрдамларни кўрсатмоғи лозимлигини таъкидлади.

Вифоқ ҳукумати ҳам ўз Фейсбук саҳифасида тарқатган баёнотида «халқаро ҳамжамиятни ўз масъулиятини зиммасига олиб, инсонпарварлик ёрдамларини етказиб беришга оид ваъдаларини тезроқ адо этишга ва Ливияга қўйилган қурол эмбаргосини олиб ташлашга» чақирди. (Ал-Жазира нет).

Роя газетаси шарҳи:

Ҳа, халқаро вакил Мартен Коблер Ливиянинг Файз Саррож раҳбарлиги остидаги президентлик кенгашига қарашли янги армияни қўллаб-қувватлашга оид баёнот берди. Бу шунга далолат қиладики, кенгашнинг «президент гвардияси» номли янги армия таъсис этиш сари ташлаган қадами Европанинг Тобруқдаги армия қўмондони Халифа Ҳафтарга қарши ёрдами билан амалга ошди. Маълумки, Ҳафтар Америка малайи бўлиб, Миср президенти Абдулфаттоҳ Сисий томонидан очиқдан-очиқ қўллаб турилади. Сисий эса Американинг яна бир малайидир. Буни Ҳафтарнинг мазкур президентлик кенгаши қарорига қарши чиққандан ҳам, халқаро вакил Коблерни танқид остига олганидан ҳам яққол кўриш мумкин. Коблер эса Европа, асосан, Британиянинг очиқ қўллаб-қувватлови билан Вифоқ ҳукумати билан иттифоқ тузган. Дарвоқе, Халифа Ҳафтар «Миллий Вифоқ ҳукумати қарорлари қоғоздаги сиёҳ, холос, мени мутлақо қизиқтирмайди», деган эди. «Ливия Ҳадас» канали «Баввобатул Васат» сайтига таянган ҳолда Ҳафтар айтган сўзлардан парчалар келтирди. Унда «Мен бундай терроризм замонида бирор ҳукумат ташкил қилинганини эшитмаганман, бу ҳукумат ҳам асло муваффақиятга эришолмайди», дея қўшимча қилди. БМТ вакили Мартин Коблер билан бир марта учрашгач, у билан қайта учрашмаслигини таъкидлаб, «Бу учрашув менинг позициямда ёки қарорларимда ҳеч қандай ўзгариш ясамайди, бинобарин, бизнинг бунга ўхшаш учрашувларга сарфлайдиган вақтимиз ҳам йўқ, унга таянмаймиз ҳам», деди. Жума куни «i Tele» ахборот телевизион станциясига берган интервьюсида «Унинг кучлари Вифоқ ҳукумати билан иттифоқчи бўлган «кўнгилли лашкарлар» иши ҳал бўлмасидан олдин БМТ томонидан қўллаб-қувватланувчи Вифоқ ҳукуматига қўшилиши мутлақо мумкин эмаслигини», айтди. Бунинг муқобили ўлароқ айтиш мумкинки, Ливия давлати Олий кенгаши раиси Абдураҳмон Сувайҳлий баёноти билан у айтган Вифоқ ҳукумати баёноти, иккаласи ҳам шунга далолат қилмоқдаки, бу ҳукуматдагилар Ғарб давлатларининг қайтадан яна Ливия ишига аралашишларини умид қилиб, уларнинг қўллаб-қувватловини талаб қилишмоқда. Табиийки, бунинг ортидан шу мустамлакачи давлатларга итоат қилишларига ва лойиҳаларини ижро қилиб беришларига тўғри келади. Ваҳоланки, хоҳ, Қаззофий даврида бўлсин, хоҳ ундан кейинги даврда бўлсин, Ливиянинг бу аҳволга тушишига мана шу давлатлар сабабчи. Афсусланарли томони шуки, бу юртдаги томонларнинг бир-бирлари билан низолашиб, Ислом ва мусулмонларнинг душманлари лойиҳасига хизмат қилишаётгани ҳамда мусулмонларнинг жонлари, моллари ва номусларини йирик давлатлар ўртасида кечаётган кураш оловига ўтин қилиб беришаётганидир. Бас, Ливиядаги мусулмонлар қачон бу малайларни тийиб қўйиш сари қўзғалишаркин?!!

Роя газетасининг 2016 йил 25 май чоршанба кунги 79-сонидан

0

0

Related posts:

Британия ва Франция Ливияга босқин қилишга ҳозирлик кўрмоқда БМТ вакили Ғарбнинг терроризмга қарши кураш ниқоби остида Ливияга аралашиши учун замин тайёрламоқда Америка Ливияда «ИШИД»га қарши ҳарбий ҳаракат бошлашга ҳозирланмоқда Ливия: БМТ миссияси билан Вифоқ ҳукумати Триполига қайтиш билан учта вазирлик очади