Кофир хитойлар билан мусулмонлар хавфсизлиги умумий манфаатми?

بِسْمِ اللهِ الرَّحْمٰنِ الرَّحِيمِ

ОАВларда хабар берилишича, шу йилнинг 8-11 сентябр кунлари Хитойнинг Синцзян-Уйғур автоном районининг марказида Марказий Осиё давлатлари ва Хитой махсус бўлинмалари иштирокида Хитой – Марказий Осиё форматида биринчи бор халқаро мусобақа ўтказилди.

Хабарларга кўра, мусобақа терроризм ва трансмиллий жиноятчиликка қарши курашда минтақавий давлатлар ўртасида тажриба алмашиш ва ҳамкорликни мустаҳкамлаш учун ташкил этилди. Унда Хитой, Қозоғистон, Қирғизистон, Тожикистон ва Ўзбекистондан 80 нафар махсус бўлинма аъзолари қатнашди.

Мазкур мусобақа 2025 йил Остонада бўлиб ўтган Хитой–Марказий Осиё саммити доирасида ўтказиляпти. Саммитда Си Цзиньпин хавфсизлик борасида қуйидаги асосий йўналишларни белгилаб берган эди:

• тинчлик, хотиржамлик ва бирдамлик учун минтақавий хавфсизлик механизмини такомиллаштириш;
• қонунни ҳимоя қилиш ва хавфсизлик соҳасида ҳамкорликни чуқурлатиш;
• экстремистик ғояларни биргаликда олдини олиш ва йўқ қилиш; терроризм, сепаратизм ва экстремизмга қарши қатъий курашиш;
• трансмиллий уюшган жиноятчиликка қарши кураш, киберхавфсизлик ва биологик хавфсизлик;
• “Safe City” лойиҳалари, қўшма машқлар ва қўшма тайёргарликлар орқали тегишли қобилиятларни кучайтириш;

Шунингдек, Хитой раҳбари саммитдаги нутқида шундай деган эди: “Биз тинчлик, хотиржамлик ва бирдамлик учун хавфсизлик тизимини ривожлантиришимиз керак. Минтақавий хавфсизлик бошқарувини кучайтириш, ҳуқуқни муҳофаза қилиш ва хавфсизлик соҳасида ҳамкорликни чуқурлаштириш, экстремистик ғояларни биргаликда олдини олиш ва йўқ қилиш, терроризм, сепаратизм ва экстремизмга қатъий қарши курашишимиз керак, шу орқали минтақамизда тинчлик ва барқарорликни сақлаб қоламиз”.

Ҳар қандай давлатга таъсир ўтказишда энг муҳим воситалардан бири – унинг хавфсизлик тизимидир. Давлат хавфсизлик тизими, унинг таркибидаги бўлинмалар, уларнинг махсус тайёргарлиги ва хавфсизлик стратегиялари – буларнинг барчаси ташқи таъсирлар учун “кириш нуқтаси” ҳисобланади. Шу сабабли, Хитой минтақада ўз таъсирини кучайтириш учун маҳаллий хавфсизлик тизимлари билан ҳамкорлик қилиш, махсус кучлар билан мунтазам машғулот ва мусобақалар ўтказишга интиляпти.

Бундан ташқари, Хитой инвестициялар ҳажми бўйича ҳам минтақада етакчиликни қўлига олган. Биргина Ўзбекистон миқёсида оладиган бўлсак, Миллий статистика қўмитаси маълумотларига кўра, 2024 йилда жами 27,7 миллиард АҚШ доллари миқдорида инвестиция ва қарз маблағлари ўзлаштирилган. Буларнинг энг катта қисми Хитойга тегишли бўлиб, 28,7%ни ташкил қилади.  Шунингдек, Марказий Осиё логистика жиҳатидан ҳам Хитой учун муҳим аҳамиятга эга, чунки “Бир камар, бир йўл” лойиҳасидаги транспорт йўлаклари шу минтақадан ўтади. Шуларни ва Хитой бу ерда Ғарб, айниқса Америка таъсирига қарши ўз позициясини мустаҳкамлашга ҳаракат қилаётганини ҳисобга оладиган бўлсак, минтақа барқарорлиги Хитой учун ўта муҳим ҳисобланади.

Бироқ Хитой раҳбари Остона саммитида сўзлаган нутқидан минтақа барқарорлиги борасида Ислом омилидан ҳам қаттиқ хавфсираётганини тушуниш мумкин. Чунки хавфсизлик масаласида терроризм ва экстремизмга қарши кураш деганда Ислом ва мусулмонларга қарши кураш эканлиги ҳеч кимга сир эмас! Шунга кўра, Хитой минтақада мавжудлигига хавфни Ислом омилидан  ҳам кўрмоқда. Сир эмаски, Хитой Ислом ва мусулмонлардан қаттиқ нафратланади, чунки у мушрик қавм. Аллоҳ таоло яҳудлар ва мушрик кимсалар ҳақида бундай дейди:

لَتَجِدَنَّ أَشَدَّ ٱلنَّاسِ عَدَٰوَةٗ لِّلَّذِينَ ءَامَنُواْ ٱلۡيَهُودَ وَٱلَّذِينَ أَشۡرَكُواْۖ

– “Яҳудий ва ширк келтирганларнинг иймон келтирганларга нисбатан одамларнинг ашаддий адоватлиси эканини топасан”. (Моида:82)

Мушрик Хитой режимининг Ислом ва мусулмонларга нисбатан қаттиқ нафратини Шарқий Туркистондаги уйғур мусулмонларига қарши олиб бораётган шавқатсиз репрессив сиёсати ҳам очиқ кўрсатиб турибди. Унинг ушбу адоватли сиёсатида айнан ана шу хавфсизлик кучларини ишга соляпти. Шундай экан, аҳолисининг 95% дан ортиғини мусулмонлар ташкил қиладиган Ўзбекистоннинг хавфсизлик кучлари қаттол Хитой хавфсизлик кучлари билан ҳамкорлик қилиши ва улар билан мусобақада қатнашишини қандай тушуниш мумкин?! Ахир, бу Уйғур мусулмон биродарларимизга ҳам улкан хиёнат эмасми?!

Қолаверса, бундай мусобақанинг босиб олинган Уйғур автоном районида ўтказилишида ҳам бир рамзий маъно бор – гўёки Ислом қадриятларидан воз кечмаганларнинг қандай оқибат кутаётганини кўрсатмоқчи бўлаётгандек. Мушрик Хитой режимининг Исломга эътиқодий душман эканини ҳисобга олганда, унинг ҳаракатлари тушунарли. Аммо ўзларини мусулмон санаган минтақамиз раҳбарлари, хусусан, ўзбек режими ҳам мана шу вазиятни кўра-била туриб ўзларини кўр-соқовдек тутишмоқда. Ҳатто улар Хитойнинг зулмларига шерик бўлиб, унинг махсус кучлари билан ҳамкорлик қилишяпти. Улар учун энг муҳим нарса – Хитойнинг ифлос пуллари ва ўз тахтларининг тақдири. Мусулмонларнинг ҳимояси ва хавфсизлигининг эса ҳеч қандай эътибори йўқ.

Мусулмон халқимиз кофир мустамлакачи давлатларнинг, хусусан, Хитой давлатининг хавфсизлик ҳақида сотаётган сафсаталарига алданиб қолмаслиги зарур. Чунки хавфсизлик деганда улар фақат ўз манфаатлари ва хавфсизлигини назарда тутадилар. Зеро, мусулмонларнинг ҳимояси ва хавфсизлиги фақатгина Исломий бошқарув остида бўлади. Шунинг учун ҳам мусулмонлар билан кофир ўртасида хавфсизлик борасидаги манфаатлари ҳеч қачон бирлашмайди ва хавфсизлик соҳасида умумий манфаат деган нарсанинг бўлиши мумкин ҳам эмас.

Расулуллоҳ ﷺ шундай деганлар: “Мушрикларнинг оловидан фойдаланманглар” (Абу Довуд, Сунан, Китобул-Жиҳод, ҳадис №2787; Термизий, Сунан, Китобус-Сийар, ҳадис №1604)

Бу ҳадисда Расулуллоҳ ﷺ мусулмонларнинг ҳаёти, турмуш тарзи ва хавфсизлигида мушрикларга таянмаслик, улар билан яқинлашмаслик лозимлигига ишора қилганлар. Уламолар бу ерда “олов” сўзини фақат маънавий эмас, балки иқтисодий ва хавфсизлик соҳаларида ҳам улардан мустақил бўлиш лозимлиги деб изоҳлашган.

Хулоса шуки, минтақамиз ва юртимизнинг хавфсизлик соҳасига мўр-малахдек суқулиб кирмоқчи бўлаётган Хитой каби кофир давлатларни тийиб қўядиган ёлғиз куч бу – Халифалик давлатидир. Биз мусулмонлар учун мустамлакачи давлатлар экспанциясидан қутулишнинг бундан бошқа ҳеч қандай йўли йўқ!

Салоҳиддин

18.09.2025й