بِسْمِ اللهِ الرَّحْمنِ الرَّحِيمِ

Иймон ва куфр курашида сиз қайси томондасиз?

Инсоният тарихига назар ташлар эканмиз, Аллоҳга итоат қилувчилар билан Аллоҳнинг динига қарши чиқувчилар хар бир замонда ва хар хил кўринишларда жанг қилиб келишган. Бундай курашлар тўғрисида Қуръонда келтирилган кўплаб мисолларни кўришимиз мумкин. Хар бир мусулмон бу кураш то қиёматгача давом этишини жуда яхши билади. Мана шуларни хисобга олган холда биз сизга савол бермоқчимиз, айтингчи сизнингча бугунги кунда ҳам иймон ва куфр кураши олиб борилмоқдами?

Бугунги кунда иймон куфр жанги янада жадаллик билан олиб борилмоқда. Чунки маълум вақт ўзлигини, вазифасини унутиб қўйган мусулмонлар куфр қай томонга бурса ўша томонга юриб ҳаракатланишаётган эди. Лекин мусулмонлар яна уйғонишди ва ўзлигини таниб асл юрадиган йўлларини топиб олдилар, мана шундан қўрқадиган куфр аҳли эса, курашни янада жадаллаштирди, токи мусулмон миллати ўз ухлоқлигида бардавом бўлиб куфрнинг “чизиб” бергани бўйича яшасин. Уйғонишда давом этаётган мусулмон аҳли эса ўз хаётининг хар бир соҳасини худди ўргимчак ини сингари қамраб олган куфр тўрини парчалаб, улоқтириб ташлашга ҳаракат қилмоқдалар.

Бунга оддий мисол хар биримизнинг хаётимизга кириб борган демократик қонунлар. Мана шу куфрий қонунлар билан бизнинг яшаш тарзимиз белгилаб берилмоқда. Аслида Ислом шариати инсоннинг муаммоларини мукаммал тарзда ечиб берган, ечим топишда инсонни ўзига ташлаб қўймаган. Мана шу қонунлар билан инсонларнинг таълим, тарбия ва кийим кийишларигача кириб келинди.

Қандай қилиб куфр мусулмонларнинг хаётига шу даражада кириб келганлигини биласизми? Мусулмонлар дунё хаёти қандай эканлигини унутиб қўйдилар, яъни сиз бирор манзилни унутиб қўйсангиз бошқаси кўрсатган йўлдан боришга мажбур бўласиз. Мусулмонлар ҳам дунё хаёти нима? деган саволга жавобни унутиб қўйишди ва куфр белгилаб берганидек яшай бошлашди. Албатта бу айтилганлар сиз учун бўлиши мумкин бўлмаган холатдек туюлар. Лекин эътибор беринг, биз айтаётган дунё хаёти нима деган саволга мусулмонларнинг ақидаси жавоб беради, мусулмонлар ўз ақидаси бўйича яшашлари кераклигини унутдилар. Ва куфрнинг ўз давлати бўла туриб мусулмонларни давлатсиз яшашга кўндирди. Бунинг оқибатида куфр мусулмонларнинг хаётларига осонликча кириб борди. Қонунлар қандай бўлса давлат ҳам шундай бўлади ва жамиятдаги инсонлар ҳам шу томонга қараб юришга мажбур бўладилар. Биздаги қонунлар эса, инсоннинг ожиз ақлидан келиб чиққан, Ислом шариатига зид бўлган, куфрий қонунлардир.

Энди яна курашга қайтадиган бўлсак, тасаввур қилинг хозирги шу яшаётган жамиятимиздаги инсонлар Исломий қонунлар билан бошқарилса, хар бир муаммоимизга Ислом шаритидан ечим берилса, хар бир соҳада Ислом етакчилик қилса нима бўлади? Бунга ким қаршилик қиляпти? Шуни билингки мусулмон инсон мана шу нарсаларни хоҳлайди ва шунга ҳаракат қилади. Оддий мисол, қайси мусулмон оиласида харом луқма ейилишни хоҳлайди? Ёки қайси мўъмин аёли ва қизини бошқа эркакларга ёқиши учун кийим кийишига йўл қўяди ва номахрам эркаклар билан беъмалол гаплашиб туришига индамайди? Мана шу нарсаларга куфр қонунлари рухсат беради ва мусулмон ҳам шу қонунлар асосида яшаяпти. Ким куфр қонунлари билан яшашга рози бўлса ва шу қонунларни химоя қилиб, “Ислом қонунлари билан яшаш замонга мос эмас”, ёки кофирларнинг бошқарувига рози бўлган холда “Ислом намоз, рўза, закот ва хаж ибодатларидан иборат холос” деса ва яна “Исломий бошқарувга хозирча эрта” деб мусулмонларни Исломий яшаш учун ҳаракатдан қайтараётган бўлса билингки улар иймон ва куфр курашида куфр томонида туриб фаолият олиб бормоқдалар. Хатто бу холатларга бепарволик қилиш ҳам мўъминларга хос бўлмаган ишдир. Чунки мусулмоннинг позицияси хар доим маълумдир, яъни хар қандай холатда Ислом шариати билан яшаш, бундан бошқасига Аллоҳ Таъоло рози бўлмайди.

Ҳизб ут-Таҳрирнинг Ўзбекистондаги медиа офиси Абдуллоҳ

26.12.2014й.