بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Ливан давлатининг заифлиги республика президенти айтган номақбул гаплардан намоён бўлмоқда!

Бугун ҳеч қандай қонуний ҳужжатсиз шубҳа билан қамоққа олишлар давом этаётган бир пайтда, шунингдек, ҳокимият партиялари ким мусулмонлар ҳуқуқларини кўпроқ топташ устида бир-бирлари билан мусобақалашиб, шу орқали хўжайинлари Америкага ўз содиқлигини изҳор қилаётган бир манзарада, республика президенти чиқиб, ҳолатни баттар мураккаблаштирмоқда. Яъни президентга Мисрнинг Аҳром газетасига берган интервьюсида қуйидагича савол берилди: «Саудия Арабистонига қилган сафарингизда Ҳизбуллоҳни террористик ташкилот деб ҳисоблаш масаласи ўртага ташландими, Араб давлатлари Лигасига қиладиган сафарингизда ҳам айни масала ўртага чиқиши мумкинми?». У бу саволга бундай жавоб берди: «Ливандаги Ҳизбуллоҳ Ливан халқининг улкан бир бўлаги ва жануб аҳолиси ҳисобланади. Улар Сурияга турли давлатлардан келган ёлланган аскарлар каби эмас, улар ўз ризқ-рўзларини, аввало мол-мулкларини мудофаа қилаётган ливанликлардир. Табиийки бунда бошқалардан қўллаб-қувватлов оладилар… Биз халқимизнинг бир бўлагига қарши «Исроил» билан бирга бўлишимиз мумкин эмас… ва заминимиз хароб этилмоқда…». (Аҳром газетаси 2017 йил 12 феврал).

Республика президенти оғзидан чиққан бу гаплар унинг аввалги заифлигига қўшимча яна бир заифлик бўлди. Аввал ҳам у телевиденияда чиқиш қилганда Ҳизбуллоҳнинг Сурияда мавжуд бўлиш қарори Ливандан кўра муҳимроқдир, деган эди!

Тўғри, жануб ва бошқа ерларимиздаги аҳлимиз Ливан аҳлининг бир бўлаги. Лекин ким айтди Ҳизбуллоҳ шу бўлакнинг ҳаммасини ташкил қилади, деб?! Кейин, президент жаноблари бизга ёлланган аскарлар қандай бўлади-ю, ёлланмаганлари қандай бўлишини тушунтириб берсинчи… Улар сизларнинг «ўлчов»ингизда Сурияга аралашган хорижий томонларми?! Ёки Эрон Ҳизби Ливандаги бир Ҳизб деб ҳисобланмай, Ливандан бошқа ерга агрессия қилиб бостириб кирганда ёлланмаган бўлар эканларда-а!! Йўқ, бу фақат сизларнинг ўлчовингиз. Кейин, сиз президент жаноблари, қандай ризқ-рўз ва мол-мулк ҳақида гапиряпсиз, бу ризқ-рўз ва мол-мулк Суриядами?!! Агар сиз Ҳизбуллоҳнинг Ливандаги мулклари ва ризқларини назарда тутаётган бўлсангиз, бу гапингиз воқега мутлақо зид. Қаранг, 2006 йилдан бери бу Ҳизб Хавфсизлик Кенгашининг 1701-қарорини татбиқ қилишга нақадар ўч эканини намойиш қилиб келди. Ҳатто чегаралар бўйлаб ишончли посбон эканини, яҳудийлар давлатига қарши пашшани ҳам ўтказмаслигини кўрсатди!! Энг катта бало эса, Эрон Ҳизбининг бошқалардан қўллаб-қувватлов олишини тан олаётганингиз ва бунга розилигингиздир!! Ахир, ўша бошқа томон кимлар? Америка ва Россиянинг кўз остидага Эрон эмасми?! Эроннинг бу Ҳизб ва унинг муассасаларини қанча-қанча бюджетга кўмиб ташлаганини, ҳатто қарорларига ҳам эгалик қилиб, ундан Америка манфаатига хизмат қилувчи минтақаларда фойдаланганини жуда яхши биласиз.

Ҳаммасидан ҳам энг ёмони, бу Ҳизбнинг ёлланмайдиган ва фақат ўз ризқ-рўзи ва мол-мулкларини ҳимоя қиладиган Ливан Ҳизби деган гапдир. Бу гап нафақат ғалати, балки ғирт ёлғондан ўзга нарса эмас.

Бу гап давлатнинг роли заиф эканини фош этишдан ташқари, унинг хавфсизлик кучлари Ислом Уммати масаласига қайғурувчи кишиларни бостиришга кучли эканини ҳам очиб қўймоқда. Аммо кимнинг ҳизби мустамлакачиларга – мусулмонларни ўлдирувчи жиноят қуроли сифатида – хизмат қилса, унинг ҳизбига қонунийлик туси берилади ва воқега тўғри келмайдиган ёлғон дастаклар билан оқланади. Ҳатто у Ислом ва мусулмонлар душманлари режаларига хизмат қиладиган бўлса, бутун дунёга мақталади. Масалан, Лавров «Терроризмга қарши курашаётган, энг аввало Сурия армиясидир. Уни рус ҳаво кучлари қўллаб-қувватлади. Шунингдек, Эрон ёрдами остида масалан, Ҳизбуллоҳ каби бошқа гуруҳлар ҳам, қўллаб-қувватлаб турди», дея мақтагани каби. (Ал-Жазира нет 2017 йил 12 феврал). Ҳозирда Америка Ливан армиясини ўзининг «терроризмга қарши кураш» сиёсатига хизмат қиладиган, яҳудийлар давлатига эса таҳдид туғдирмайдиган қурол-аслаҳалар билан таъминламоқда. Эроннинг ўз ҳизбига етказиб бераётган ракеталарга эса кўз юмиб турибди… Биз бундан тушунамизки, бу ерда одат тусига кирган сиёсат бор бўлиб, бу сиёсатнинг асоси давлатни вайрон қилиш ва яҳуд вужуди шимолида кўнгилли лашкарларни (Ҳизбуллоҳни) ушлаб туришдир. Америка улардан истаган вақтида – худди ўтган асрнинг тўқсонинчи йилларидагидек – яҳудийларга босим ўтказиш қуроли сифатида фойдаланади.

Ливан воқеси мана шу. Илгари «Ливан Эрон Ҳизбининг ҳарбий базасидир», деганимизда ҳам шуни назарда тутганмиз. Қолган масалалар эса, сайловлар ва бошқалар каби, иккиламчи қуруқ масалалар бўлиб, шу орқали одамларни ҳақиқатдан чалғитиш кўзланган. Яъни, ҳокимиятдаги барча раҳбарлар, хусусан, Сурия қўзғолонини сотганлар Америка буйруқларига тўла таслим бўлгани учун юртдаги ҳукмронлик тортиб олинган, деган ҳақиқатдан чалғитиш кўзланган. Ўзи уларнинг вакилиман деб даъво қилаётган жамият томонидан шиорлари бир четга улоқтирилган ҳукумат раиси, ҳатто унинг маслакдошлари ҳукумат ичкарисида бўлишларига қарамай, Эрон Ҳизби билан икки томонлама учрашувларни давом эттирди!! Ҳатто Эрон Ҳизби хусусий ва умумий доираларда Саъд Ҳаририйни мудофаа қиладиган, унга қарши гапирганларга қарши чиқадиган бўлиб қолди!! Шубҳасиз, буларнинг барчаси Эрон Ҳизби ҳам, ҳукумат раиси ва унинг маслакдошлари ҳам сиёсий банкротлик ботқоғига ғарқ бўлганига далолат қилади.

Ҳокимиятдаги барча партиялар, шу жумладан, республика президенти билан ҳукумат раиси ва унинг маслакдошлари ҳам сиёсий банкротлик ботқоғига ғарқ бўлди, давлат аппаратида коррупция кенг тарқалди, сиёсий хитоб қочқинлар масаласи билан боғлиқ миллатчилик хитобига ёки сайловлар қонуни билан боғлиқ мазҳабпарастлик хитобларига айланди. Одамлар қаттиқ безовталик ҳолатида… Чунки улар ўзларини Ливан раҳбарлари, дея иддио қилганларнинг қанчалар даражада разиллигини, уларда мақтаса арзигулик сифатлар умуман қолмаганига гувоҳ бўлмоқдалар…

Буларнинг барчаси шуни яна бир бор тасдиқламоқдаки, Ливаннинг режим, давлат ва сиёсий ҳокимият даражасидаги муаммо ҳар қандай чегарадан ошиб ўтди. Энди бу муаммонинг воқеий ечими Ливаннинг ўз доирасида амалга ошмайди. Бунинг учун Ливанни асл шомлик муҳитига қайтариб, раббоний тузум доирасида, яъни Пайғамбарлик минҳожи асосидаги рошид Халифаликда ҳал этиш керак.

قُلْ عَسَىٰ أَن يَكُونَ قَرِيبًا

«Айтинг: шояд (у кун) яқин бўлса» [Исро 51]

Ҳизб ут-Таҳрирнинг

Ливандаги матбуот бўлими

Телефон: 009613155103

Факс: 06-424695

Электрон почта: ht@tahrir.info

Ҳизб ут-Таҳрирнинг матбуот бўлими сайти: www.hizb-ut-tahrir.info