بِسْمِ اللَّـهِ الرَّحْمَـٰنِ الرَّحِيمِ

Ливияда Ҳалаб сабоғи!

Ҳалабдаги қўзғолончиларнинг ёрдамсиз қолдирилиши ва бўлиниш юз бериб, қўлга киритган ютуқларидан ажралишлари ҳамда айримларнинг душман давлатлар билан дўст бўлиб қолишидан сўнг малай, зараркунанда давлатлар томонидан берилган ёлғон ваъдаларнинг сохталиги яна бир бор фош бўлиб қолди. Хусусан қонларнинг дарё бўлиб оқизилиши ва чор атрофга тана аъзоларининг сочилиши натижасида бу нарса кўзга яққол кўринмоқда.

Ушбу аччиқ сабоқдан сўнг, биз Ливиядаги қўзғолон ташвишини амалда елкаларига олган гуруҳларга ҳамда ўз давлатига муштоқ Умматни қизғанувчи зотларга қуйидаги қайноқ очиқ даъватимизни йўллаймиз:

1 –Ўзаро жанжаллар ва зиддиятларни бас қилинг, ахир, ҳар бир камчилик-хато олдида инс шайтонию жин шайтони пойлаб турибди… Ҳар қанча оқлов келтирманг бўлинишингиз душманга қулай фурсат яратиб беради. У бу фурсатдан фойдаланиб, Ливияда ўз нуфузини мустаҳкамлаб олади ҳамда юрт озодлигини кечиктиради.

2 –Минтақа давлатларига, Форс Кўрфази давлатларига, энг аввало Ғарб давлатларига таянишни бас қилинг. Бу давлатларнинг бирдан-бир ташвиши, қўзғолонингизни муваффақиятсизликка учратиш ҳамда исломий мақсадингизга ва мустамлакачиликдан буткул халос бўлиш истагингизга тўсиқ қўйишдир. Бу давлатларнинг пасткашлиги тажрибада синалган бўлиб, маълум нарсадир.

3 –Ички жиҳатдан олганда, қабилачилик ва тарафкашлик ўлчовларини бас қилинг. Чунки булар бўлиниш ва парчаланишга олиб келади. Натижада мустамлакачилар тепангиздан ҳукмрон бўлиб олиб, сизлардан ўзи берадиган молиявий ва қурол-аслаҳалар ёрдамида бир-бирингизга қарши жанг қиладиган заиф гуруҳлар сифатида фойдаланади. Ваҳоланки, мусулмонларнинг бир-бирларига қарши жанг қилишлари шаръан гуноҳи кабиралардан бири ҳисобланади.

وَمَن يَقْتُلْ مُؤْمِنًا مُّتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّـهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا

«Ким қасддан бир мўминни ўлдирса, унинг жазоси жаҳаннам бўлиб, ўша жойда абадий қолажак ва у Аллоҳнинг ғазаби ва лаънатига дучор бўлган, (Аллоҳ унга) улкан азобни тайёрлаб қўйгандир»  [Нисо 93]

Аллоҳ ўзаро биродар бўлиш даражотини юксакларга кўтариб, орамизни биродарлик билан ислоҳ этишга бизларни буюрди:

إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّـهَ لَعَلَّكُمْ تُرْحَمُونَ

«Мўминлар ҳеч шак-шубҳасиз оға-инилардир, бас, сизлар икки оға-инингизнинг ўртасини ўнглаб қўйинг, Аллоҳдан қўрқинг – шояд Унинг томонидан бўладиган раҳматга эришсангиз»                                                                 [Ҳужурот 10]

4 –Ёмонлиги гўдаклар сочини оқартириб чолларга айлантириб қўядиган даражага етган диктатор режимлар ағдарилгач, олдингизда Ислом асосида озод бўлишдек тарихий қулай фурсат турибди. Чунки бугун мустамлакачиликнинг бирдан-бир зидди, капиталистик илмоний тузумнинг бирдан-бир рақиби Исломдир. Бас, шундай бўлгач, сиёсий лойиҳангизни шу ботил бузуқ тузумнинг бир қисмига айлантириб қўйманг. Номлару сифатлар ўзгариб, илмонийлик фуқароликка айланиб қолишига, Аллоҳ нозил қилмаган бошқарув демократияга айланиб қолишига, Умматни бўлиб, парчалаб ташлаш миллийликка ёки булардан ҳам ёмонига… айланиб қолишига йўл қўйманг.

5 –Эй холис даъват аҳли, кўзингизни каттароқ очинг! Чунки бу оламшумул ваҳший тузум эгалари мусулмонларнинг ҳар бир масаласини беҳуда кетказиш ва йўқ қилиш билан машғул. Шу боис ўзингиз сезган ё сезмаган ҳолда душманингизга қўғирчоқ бўлиб қолманг, Ислом калимасига бирлашиб, бачкана ишларни ташланг, душманга қарши битта байроқ остида жанг қилинг, ана шунда, биринчи босқичда юртингизни бошқа исломий юртлар билан бирлаштирасиз, иккинчи босқичда, неъмат ва куч-қудрат давлати, яъни Пайғамбарлик минҳожи асосидаги рошид Халифалик давлати бағрига бирлаштирасиз. Бундан бошқаси беҳуда иш бўлиб, вақтни зое кетказади, Умматнинг дахлсиз нарсаларини бузади, жиноят ва малайликни зиёда қилади, бас, шундай бўлгач, худди

وَلَا تَكُونُوا كَالَّتِي نَقَضَتْ غَزْلَهَا مِن بَعْدِ قُوَّةٍ أَنكَاثًا

«Ўзи тўқиган нарсасини пишиқ-пухта бўлганидан сўнг парча-парча қилиб бузиб-чуватиб ташлаган хотинга ўхшаб қолманг!»                           [Наҳл 92]

Устоз Ризо Билҳож

Ҳизб ут-Таҳрирнинг

марказий матбуот бўлими аъзоси

телефон: 00961 1 30 75 94

уяли телефон: 00961 71 72 40 43

электрон почта: media@hizb-ut-tahrir.info